Sa kataposan, nakadawat na sa Christmas bonus gikan sa national government ang mga opisyales sa 14 ka barangay sa munisipo sa Lantapan.
Nahigayon ang pagpanghatag human sa programa nga gipahigayon sa gymnasium sa munisipyo hapon sa Pebrero 26.
Lakip sa nakadawat sa tag P3,000 ang Barangay Kapitan, pito ka kagawad, chairman sa Sangguniang Kabataan, Barangay Treasurer ug Barangay Secretary. Apan ang clerk sa barangay ug Indigenous People’s Mandatory Representative (IPMR) ang wala nalakip nga makadawat.
Nanguna sa programa si Mayor Ernie Devivar ug uban niya ang mga miyembro sa konseho.
Si third district representative Manuel “Manoy” F. Zubiri ug Manolo Fortich Mayor Clive Quiño ang dinapit nga mga mamumulong.
