Ang mga mayor sa Bukidnon gimandoan sa Gobernador sa pagsuspenso o pakansela sa permit sa bulang o derby.
Gimandoan sab ang mga mayor sa pagmonitor sa ilang nasakopan kabahin sa tari-tari isip lakang aron mapunggan ang pagdagsang sa covid-nineteen.
Si Gobernador Jose Ma. R. Zubiri Jr. nipagula sa memorandum order numero 113 serye sa 2021 niadtong Mayo 18 kabahin niini.
Gihimong basehan sa Gobernador ang padayon nga gipatuman nga suspension sa maong mga kalihokan base sa nakalatid sa Omnibus Guidelines sa Modified General Community Quarantine (MGCQ) sa nasud.
Lakip sab sa basehan ang padayon nga pagtaas sa kaso sa Covid-19 sa probinsya.
Nilaum ang Gobernador nga ang maong lakang makatabang sa pagpakunhod sa mga kaso sa Covid-19 sa Bukidnon.
