Ang Department of Trade and Industry Bukidnon Provincial Office nanawagan sa tanang Service and Repair Enterprises sa probinsiya nga mag-renew sa ilang accreditation sa o sa dili pa ang Enero 31, 2023.
Base sa pahibalo sa departamento, ang pag-file sa mga aplikasyon sa accreditation nga walay penalty alang sa mga service ug repair shops nga naghupot og certificates of accreditation nga na-expire niadtong Disyembre 31, 2022 matapos karong Enero 31, 2023.
Giawhag ni DTI-Bukidnon Consumer Protection Division Chief Junar B. Merla ang tanang repair ug service shop nga mo-apply ug mag-renew sa ilang accreditation sa DTI aron malikayan ang posibleng multa sa administrasyon. (Diego M. Hidalgo)
