Ang Malaybalay City Disaster Risk Reduction and Management Office (CDRRMO) inubanan sa Office of Civil Defense 10 nihatag og teknikal nga tabang sa pagpahigayon sa 3-day training kabahin sa Emergency Operation Center (EOC)
Gipahigayon ang kalihokan niadtong Enero18-20, 2023 didto sa Liberato P. Tortola Sr., building, BNHS compound, ning dakbayan, base sa bahibalo sa lokal nga panggamhanan.
Ang training-workshop gitambongan sa local council members sa CDRRM, stakeholders ug CDRRMO personnels.
Tumong sa maong training ang pagpalig-on sa lokal nga pangagamhanan aron sa epektibo ug episyente nga pagdumala sa insidente sa organisado ug maayo nga koordinasyon sa matag nahilambigit nga mga cluster o ahensya.
Gihatagan usab niini og gingbug-aton og unsa ka mahinungdanon ang interoperability sa key agencies ug stakeholders sa panahon nga adunay emerhensya ug katalagman. (Diego M. Hidalgo)
