Laing hugna sa pagpamakuna ang gipahigayon sa Malaybalay City kaniadtong Mayo 25.
Gipahigayon kini sa Enhanced Screening Area (ESA) sa Covered Court sa Brgy. 4.
Kini sumala sa public advisory sa kagamhanang lokal sa dakbayan kaniadtong Mayo 24.
Sumala sa pahibalo, ang unang dose sa Covid-19 vaccine ang igahatag sa A1- frontliners, A2 – senior citizens sa Poblacion Barangays ug A3 – nga gilangkuban sa persons with cormodities.
Ang second dose ang igahatag usab sa mga A1-frontliners nga nakadawat na sa unang dose sa bakuna. Kini gipahigayon sa Mayo 26, 27 ug 28.
Sa makausa pa, gipahinumduman ang mga senior citizen sa pagdala sa ID, pagsul-ob sa facemask ug face shield sa pag-abot sa venue.
