Friday, March 29, 2024

LGU Malaybalay nitunol og Paddy Hauler sa irrigator’s association

Ang lokal nga pangagamhanan sa Malaybalay pinaagi sa City Mayor’s Office-Agricultural and Biosystems Engineering Division (CMO-ABED) nagpahigayon og turnover ceremony para sa 1-unit paddy hauler niadtong Marso 9, 2023 didto sa Purok 5, Brgy. San Martin, Malaybalay City

Sumala sa pahibalo sa lokal nga panggamhanan, ang maong proyekto nagkantidad og Php 700,000.00 gikan sa 20% City Development Fund sa syudad sa Malaybalay.
Ang San Martin North Main Canal Irrigator’s Association mao ang benepisaryo sa nasangpit nga makinarya.
Sumala pa sa CMO-ABED, ang bag-ong ekwipo makaabag sa paghakot sa mga naharvest nga palay gikan sa basakan ug dili magkompetensya sa naandan na pamaagi kung diin kabayo ang gagamiton sa pagpanghakot. Dugang pa, makahatag kini kapilian sa mag-uuma sa ilang gusto
na pamaagi sa episyente nga paghakot sa ilang palay. (Omar Rashid Z. Abdullah)