Isa ka mag-uuma ang nakuhaan og armas sa checkpoint atubangan sa Special Forces Battalion Patrol Base sa Brgy. Dominorog, Talakag buntag sa Pebrero 6.
Ang suspek nailang si Patro Cota, 36, minyo, mag-uuma, residente sa Sitio Porchaco 4, Brgy. San Vicente Ferrer, Kalilangan.
Sumala sa taho sa kapolisan, Nakuha gikan sa posisyon suspek ang caliber .45 pistol nga adunay nakasuklip nga magazine assembly nga kargado sa pito ka bala nga walang legal nga dokumento, tactical sling bag ug motorsiklo nga nakarehistro ni Daniel Angelitud, sa Purok 2, Brgy. San Teodoro, Bunawan, Agusan Del Sur.
Ang strong checkpoint hiniusang gipatuman sa Talakag, 2nd Provincial Mobile Force Company (PMFC), Special Forces Battalion sa Army ug Citizen Armed Forces Geographical Unit (CAFGU).
By: Omar Rashid Z. Abdullah
