Nasikop sa kapolisan ang No. 4 most wanted man sa Molave, Zamboanga del Sur didto sa Sitio Salvan, Brgy. Lunocan, Manolo Fortich gabii sa Pebrero 7.
Sumala sa taho sa kapolisan, ang suspek nailang si Elviboy Edol, 40, adunay kapuyo, residente sa Brgy. Sibucang, Josefina, Zamboanga Del Sur apan kasamtangan nga nagtago-tago sa Lunocan diin siya gisikop.
Gisikop siya pinasubay sa warrant of arrest sa kasong frustrated murder nga gipagula sa Huwis sa North Judicial Region Branch 23, Molave, Zamboanga Del Sur pinetsahan Enero 11, 2007.
Ang suspek nasikop sa hiniusang puwersa sa kapolisan sa Manolo Fortich ug Josefina, Zamboanga Del Sur.
By: Diego M. Hidalgo
