Nagmalampuson nga napahigayon ang MUSPO Baby Trail Run kaniadtong Mayo 21, 2023 sa syudad sa Valencia
Ang City Government of Valencia nipahibalo nga adunay 300 ka trail runners ang mipartisipar sa maong event.
Base sa pahibalo, ang trail course nagpakita sa mahagiton nga kabungtoran sa Mount Musuan sa Maramag ug sa talan-awon sa Lake Apo sa syudad.
Ang MUSPO Bukidnon upat na ka tuig nga nag-organisar sa maong trail run, nga naglakip sa Baby Trail nga adunay mga kategorya nga 8k, 18k, ug 32k.
Ang maong organisasyon gilauman nga magpahigayon sa Ultra Trail nga adunay mga kategorya nga 25k, 50k, ug 100k, nga ipahigayon karong Hulyo 22-23 ning tuig. (MG Mayumi B. Madera)
