Gipusil patay ang isa ka babaying negosyante sa Purok 1, brgy. Lorega, Kitaotao, Bukidnon kaniadtong Enero 29.
Gipusil patay ang isa ka babaying negosyante sa Purok 1, brgy. Lorega, Kitaotao, Bukidnon kaniadtong Enero 29.
Ang biktima nailang si Marylyn Tan Li, 48, minyo ug residente sa Woordrich, Ma-a, Davao City.
Sumala sa taho sa kapolisan sa Kitaotao, ang biktima nakaangkon sa grabing samad pinusilan sa ulo. Gidala siya sa German Doctors Hospital sa Marilog District, Davao City apan gideklarang patay na sa wala pa mahiabot.
Matud sa imbestigasyon, ang biktima mibiyahi gikan Davao City ngadto sa iyang uma sa Lorega. Sa dihang nanaog na siya sa iyang sakyanan, gipusil siya sa lalaking suspek kinsa sakay sa motorsiklo nga nagsunodsunod kaniya sa biyahe.
Padayon pa ang imbestigasyon sa kapolisan sa Kitaotao aron pag-ila sa misibat nga suspek ug pagsuta sa motibo sa krimen.
By: Omar Rashid Z. Abdullah
