Gitambongan sa mga opisyales sa purok, sitio ug zone sa Barangay 10 ingon man sa mga ulo sa pamilya nga apektado sa baha niadtong Oktubre 2022 sa maong barangay, ang gipahigayon nga Family Disaster Preparedness Orientation niadtong Abril 27, 2023 didto sa maong barangay
Nahimong hilisgutanan sa maong orientasyon ang kabahin sa Basic Concepts of Disaster, Disaster Management, Family Preparedness (Family Emergency Plan and Emergency Go Bag/Kit) ang gihatag sa mga personahe sa City Social Welfare and Development Office.
Ang pagpahigayon sa maong orientasyon gihimo aron mapauswag pa ang mga kapasidad sa mga residente ug community leaders ug ingon man madungagan pa ang ilang mga kahibalo sa pagdumala ug pagpangandam sa mga katalagman nga moabot. Ug ingon man, aron mahimo na unya kini nila nga kabahin sa ilang kinabuhi kung unsa ang angay i-andam ug buhaton sa wala pa, kung anaa na, ingon man kung mahuman na ang usa ka hitabo. (LGU Malaybalay)
