Nasakmit sa kapolisan sa buy bust operation nga gipahigayon sa Purok 2B Brgy. Kinura, Kalilangan hapon sa Enero 28.
Ang suspek nailang si Mangandire Landua, 41, minyo, residente sa Purok 4, Brgy. Kinura, Kalilangan ug ikaunom sa lista sa watch list sa Regional Level ug gikonsiderang High Value Target.
Nakuha gikan sa suspek ang mga pakite sa gidudahang shabu nga mitimbnag sa kinse ka gramos diin adunay street value nga P102, 000, selpon, ug sling bag.
Ang suspek ug nasakmit nga mga ebidensya ang gidala sa Bukidnon Provincial Crime Laboratory Office sa Malaybalay City.
Ang buy bust operation gipahigayon sa kapolisan sa Kalilangan, Regional Drug Enforcement Unit sa Rehiyon 10 ug Provincial DEU sa Bukidnon.
By: Mel B. Madera
