Friday, March 22, 2024

Social Pension alang sa mga Senior Citizens gipang apud-apud sa Malaybalay

Ang lokal nga pangagamhanan sa Malaybalay pinaagi sa City Social Welfare and Development Office mipahigayon sa pagpang apud-apud sa Social Pension alang sa mga Indigent Senior Citizens nga nag edad 65 anyos pataas

Nakatakda nga modawat ang 3,252 ka mga kabus, masakiton ug mga walay suporta gikan sa ilang pamilya nga mga Senior Citizens sa ilang unang semestral nga social pension nga magkantidad ug P3,000.00.

Ang mga kwalipikadong benepisyaro sa social pension program sa Indigent Senior Citizens mahatagan ug P 500.00 matag bulan ug ihatag kini matag semestral isip tabang pagsuplemento sa inadlaw-adlaw nila nga panginahanglanon.

Ang pagpang apud-apud sa población cluster gibahin ngadto sa tulo (3), kini didto sa Barangay Sumpong ug Casisang, Barangay 9, ug Barangay Cabangahan covered court niadtong Marso 28, 2023.

Pagka Marso 29, 2023 ang sa Upper Pulangi/Can-ayan Cluster gipahigayon didto sa Barangay Kulaman, Barangay Zamboanguita ug Barangay Can-ayan covered court. Samtang sa Basakan cluster gipahigayon kini didto sa Barangay Managok ug Simaya covered court niadtong Marso 30, 2023.
Ang tanan nga mga senior citizens nga wala naka kuha sa ilang social pension sa gitakda nga skedyul gihatagan ug laing adlaw niadtong Abril 19, 2023 didto sa Barangay 9.

Adunay 3,215 sa total nga 3,252 ka mga indigent senior citizens ang naka kuha sa ilang pension ug mikabat kini suma total ngadto sa P 9,639,000.00. (LGU Malaybalay)