Wednesday, November 20, 2024

Tag: BENRO

Pag-update sa Environmental Code sa Bukidnon gitutokan

Posted on by cmn

Gitutokan pinaagi sa sunod-sunod nga workshop on Policy Analysis and Formulation ang pag-update sa Bukidnon Environmental Code

Ang kalihokan gipartisiparan sa mga Chief of Hospital, City/Municipal Health Unit, City/Municipal Environment and Natural Resources Officer, ug mga pribadong sector.
Ang panagtigum gipasiugdahan sa Bukidnon Environment and Natural Resources Office (BENRO).
Gipahigayon kini sa Loizas Pavillion, Malaybalay City niadtong Nobyembre 29-30, 2023.
Sumala sa press release sa buhatan sa Gobernador, ang Bukidnon Environmental Code giproklamar niadtong Marso 27, 2001 pinaagi sa Ordinance No. 001-03.
Kini gikinahanglan nga ma-update isip sumbanan sa epektibo ug malungtaron nga pagpanalipod sa limpyo ug hamugaway nga palibot, malungtaron nga pagdumala sa mga natural resources, ingon man ang pagdumala sa province-wide risk reduction management ug mga lakang sa climate change adaption measures. (melbmadera)

Kapin 2K ka seedling gi-apod-apod sa PGB

Posted on by Diego M. Hidalgo

Gi-apod-apod sa Provincial Government of Bukidnon (PGB) ang 2K ka almond ug tanguile seedlings niadtong Oktubre 14, 2023

Base sa pahibalo sa PGB, ang pagpang-apod-apod nahigayon pinaagi sa Bukidnon Environment and Natural Resources (BENRO).

Ang seedlings gi-apod-apod ngadto sa Local Government Units sa lalawigan ug mga katolikong simbahan.

Ang aktibidad gipahigayon alayon sa Fr. Neri Satur Day tree planting activities.

Ubos sa Ordinance No. 2004-06R, gideklara ang Oktubre 14 matag tuig isip Fr. Neri Satur Day sa probinsya sa Bukidnon.

Nahipatik niini ang paglusad sa tree planting activities ug religious rites o mga seremonya sa paghandom sa kamatayon ni Fr. Satur. (Diego M. Hidalgo)