Friday, December 08, 2023

Tag: Provincial Government of Bukidnon

37 bungi nakaangkon sa libreng surgical operation

Posted on by cmn

Mikabat sa 37 ka mga ngungo o bungi ang nakaangkon sa libreng surgical operation kaniadtong Nobyembre 16-18, 2023

Sumala sa kasayoran sa PGO Public Affairs, Information and Assistance Division, nahigayon ang operasyon sa Bukidnon Provincial Medical Center (BMPC) sa Malaybalay City.

Ang kalihokan gipaluyohan sa Provincial Government of Bukidnon (PGB) sa pakigtimbayayong sa Maharlika Charity Foundation kauban ang Smile Train Foundation ug ang Agila Shriners Temple 195-Bukidnon Chapter.

Si Dr. Miguel Antonio C. Prantilla, hepe sa BMPC miingon nga gumikan sa programa ang mga pasyente mahatagan sa halos normal nga kinabuhi.

Emosyonal nga mipaabot sa mensahe pasalamat ngadto sa mga tigpasiugda sa kalihokan ang isa ka inahan gumikan sa pagkalakip sa iyang anak sa maong free cleft lip surgical operation.

β€œπ‘Šπ‘’ π‘€π‘œπ‘’π‘™π‘‘ 𝑝𝑒𝑑 π‘‘β„Žπ‘’ π‘π‘Žπ‘‘π‘–π‘’π‘›π‘‘π‘  π‘Žπ‘  π‘‘β„Žπ‘’ π‘π‘’π‘›π‘‘π‘’π‘Ÿ π‘œπ‘“ π‘œπ‘’π‘Ÿ π‘’π‘›π‘‘π‘’π‘Žπ‘£π‘œπ‘Ÿ, π‘˜π‘Žπ‘ π‘– π‘‘β„Žπ‘’π‘ π‘’ π‘Žπ‘Ÿπ‘’ π‘‘β„Žπ‘’ π‘π‘’π‘œπ‘π‘™π‘’ π‘€β„Žπ‘œ π‘Žπ‘Ÿπ‘’ π‘šπ‘Žπ‘Ÿπ‘”π‘–π‘›π‘Žπ‘™π‘–π‘§π‘’π‘‘ π‘Žπ‘›π‘‘ π‘‘β„Žπ‘’ π‘›π‘Žπ‘šπ‘’π‘™π‘’π‘ π‘ , π‘€β„Žπ‘’π‘Ÿπ‘’ π‘‘β„Žπ‘’π‘¦β€™π‘Ÿπ‘’ 𝑝𝑒𝑑𝑑𝑖𝑛𝑔 π‘‘β„Žπ‘’π‘–π‘Ÿ π‘‘π‘Ÿπ‘’π‘ π‘‘ π‘Žπ‘›π‘‘ π‘π‘œπ‘›π‘“π‘–π‘‘π‘’π‘›π‘π‘’, β„Žπ‘œπ‘π‘–π‘›π‘” π‘‘β„Žπ‘Žπ‘‘ π‘‘β„Žπ‘’π‘–π‘Ÿ π‘˜π‘–π‘‘π‘  𝑀𝑖𝑙𝑙 β„Žπ‘Žπ‘£π‘’ π‘Ž π‘π‘’π‘‘π‘‘π‘’π‘Ÿ 𝑙𝑖𝑓𝑒 π‘Žβ„Žπ‘’π‘Žπ‘‘. π‘†π‘œ 𝑖𝑛 π‘ β„Žπ‘œπ‘Ÿπ‘‘, 𝑖𝑓 𝑀𝑒 π‘Žπ‘Ÿπ‘’ π‘‘π‘Ÿπ‘’π‘Žπ‘‘π‘–π‘›π‘”

Nutrisyon: Pundasyon sa tanang programa sa panglawas

Posted on by cmn

β€œπΌ π‘π‘œπ‘›π‘ π‘–π‘‘π‘’π‘Ÿ π‘›π‘’π‘‘π‘Ÿπ‘–π‘‘π‘–π‘œπ‘› π‘Žπ‘  π‘‘β„Žπ‘’ π‘π‘œπ‘Ÿπ‘›π‘’π‘Ÿπ‘ π‘‘π‘œπ‘›π‘’ π‘œπ‘“ π‘Žπ‘™π‘™ β„Žπ‘’π‘Žπ‘™π‘‘β„Ž π‘π‘Ÿπ‘œπ‘”π‘Ÿπ‘Žπ‘šπ‘ . π‘ƒπ‘Žπ‘” π‘›π‘Žπ‘€π‘Žπ‘™π‘Ž π‘Žπ‘›π‘” π‘π‘œπ‘Ÿπ‘›π‘’π‘Ÿπ‘ π‘‘π‘œπ‘›π‘’, π‘’π‘£π‘’π‘Ÿπ‘¦π‘‘β„Žπ‘–π‘›π‘” π‘π‘Ÿπ‘’π‘šπ‘π‘™π‘’. π‘†π‘œ, π‘‘β„Žπ‘Žπ‘‘β€™π‘  β„Žπ‘œπ‘€ π‘–π‘šπ‘π‘œπ‘Ÿπ‘‘π‘Žπ‘›π‘‘ π‘›π‘’π‘‘π‘Ÿπ‘–π‘‘π‘–π‘œπ‘› 𝑖𝑠 π‘ π‘Ž β„Žπ‘’π‘Žπ‘™π‘‘β„Ž π‘π‘Ÿπ‘œπ‘”π‘Ÿπ‘Žπ‘š. 𝐼𝑛 π‘’π‘£π‘’π‘Ÿπ‘¦ π‘Žπ‘ π‘π‘’π‘π‘‘ π‘œπ‘“ β„Žπ‘’π‘Žπ‘™π‘‘β„Ž, π‘›π‘’π‘‘π‘Ÿπ‘–π‘‘π‘–π‘œπ‘› 𝑖𝑠 π‘£π‘’π‘Ÿπ‘¦ π‘–π‘šπ‘π‘œπ‘Ÿπ‘‘π‘Žπ‘›π‘‘.”

Mensahe kini sa pakigpolong ni Dr. Jose Rhoel De Leon, Bukidnon Provincial Health Sector Overseer, ang nagrepresenta kang Governor Rogelio Neil P. Roque sa gilusad nga Barangay Nutrition Scholars (BNS) Forum and Recognition Day 2023, Nobyembre 21, 2023.

Nahigayon ang kalihokan sa Kaamulan Open Theater, Kaamulan Park, Malaybalay City, Bukidnon.

Gipasabot ni Dr. De Leon ngadto sa gikunsidera nga local heroes – ang BNS, nga ang nutrisyon mahinungdanon nga bahin sa kahimsog ug kalambuan. Ingon niya, nga kini may kalabotan sa pagpauswag sa kahimsog sa bag-ong himugso nga mga bata, ingon man sa mga inahan para sa mas lig-on nga immune system aron makalikay sa risgo sa non-communicable diseases, sama sa diabetes ug cardiovascular disease.

Mipadangat usab sa ilang mensahe-pagsuporta sa programa sa maayong panglawas sila Board Members Minerva Casinabe ug Ranulfo Jose Pepito, Jr.

Gipasalamatan ni Dr. Gary Guido C. Tabios, Jr, Provincial Health Officer si Gov. Roque sa nagapadayon nga mga programa sa Monitoring and Evaluation of Local Level Plan Implementation (MELLPI) Pro.

Butyag niya nga sa lima (5) ka probinsya sa Northern Mindanao, ang Bukidnon lamang ang nagpahigayon sa evaluation ngadto sa component LGUs niini.

Gipaambit sa dinapit nga mamomolong nga si Sherill Faith Espaňola, City Nutrition Program Coordinator sa Cagayan de Oro City ang ilang mga estratihiya o best practices sa pagpatuman sa nutrition program sa dakbayan.

Sa samang higayon, gipasidunggan sa Provincial Government of Bukidnon (PGB) ang mga aktibong lumilihok sa nutrisyon.

Sa 2022 Provincial Outstanding BNS: nag-una ang Barangay Kiara, Don Carlos; gisundan sa Sto. Niňo, Manolo Fortich; Poblacion, Impasugong; Laturan, Libona; ug San Jose, San Fernando.

Sa 2022 Provincial Outstanding Municipal Action Officer, 1. Ang MNAO sa Manolo Fortich, 2. Cabanglasan, 3. Sumilao, 4. Libona, 5. Don Carlos, 6. Maramag, 7. Pangantucan ug San Fernando, 8. Kitaotao, 9. Lantapan, ug 10. Impasugong.

Sa 2022 Provincial Outstanding Municipal Nutrition Committee, top 10 ang mosunod: Sumilao, Cabanglasan, Maramag, Pangantucan, San Fernando, Kitaotao, Impasugong, Lantapan, Talakag, ug Dangcagan.

Samtang Nutrition Honor Awardees ang mosunod nga LGUs: Manolo Fortich, Quezon, Don Carlos, Libona, ug Kadingilan.

Giila usab sa PGB ang kontribusyon sa mga BNS nga nagpahinungod sa ilang kinabuhi sa pagserbisyo sa katawhan sa barangay sulod sa taas nga panahon.

Ang MELLPI Pro mao ang monitoring and evaluation mechanism alang sa pagpatuman sa Philippine Plan of Action for Nutrition sa local level nga gihimo sa matag tuig sa interagency nutrition evaluation team sa national, regional, ug local levels. (PGO-PAIA Division)

ππŽπ‹π”ππ“π€π‘π˜πŽππ† π’π„π‘ππˆπ’π˜πŽ 𝐒𝐀 ππ’ππŽ, π†πˆππ€π’π€π‹π€πŒπ€π“π€π 𝐒𝐀 𝐏𝐆𝐁

Posted on by cmn

GIPASALAMATAN sa Provincial Government of Bukidnon (PGB) ang mga Barangay Service Point Officers (BSPO) sa probinsya sa ilang boluntaryo nga serbisyo sa nagkadaiya nga barangay, atol sa gipahigayon nga Provincial BSPO Congress, Association of Barangay Population Volunteers of Bukidnon, Nobyembre 9, 2023 sa Kaamulan Open Theater, Malaybalay City, Bukidnon

Gitawag ni Provincial Governor Rogelio Neil P. Roque ang mga BSPO ug β€œlocal heroes of Bukidnon” nga sa ilang pag-alagad sa katawhan, usa kini ka ehemplo nga serbisyo sa gobyerno nga tinud-anay ug angayan hatagan sa dakong pasidungog sa ilang maayong buhat sa komunidad.
Gipasidunggan usab sa gobernador ang mga awardee sa Best Practice in 3 program components, nga mao ang: Responsible Parenthood and Family Planning (RPFP) ni Eliza M. Dumagpi, Population Program Officer (PPO)-I sa Cabanglasan; Adolescents Health and Development ni Pascual M. Sale, PPO-1 sa Sumilao; ug Population & Development (POPDEV) Integration ni Regina H. Abad, PPO-I sa Kitaotao.
Isip keynote speaker, gipaabot ni 4th District Representative Laarni Roque ang iyang dakong pasalamat ug pag-aghat ngadto sa tanang BSPO sa pagpadayon sa ilang mga maayong buhat nga gipakita ug pagpakabana sa katawhan.
Gitunol usab ang pasidungog ngadto sa Awardees of 2023 Rafael M. Salas Kaunlarang Pantao Award ngadto sa nagkadaiyang LGU nga nakuha sa lungsod sa Sumilao isip 1st place, gisundan dayon sa mga lungsod sa Malitbog, Kitaotao, Cabanglasan ug Maramag. Sa Barangay Population Volunteers Category, 1st place ang Don Carlos, 2nd place ang Dangcagan, sunod ang Kitaotao, Maramag ug Lantapan. Nahimong regional winner sa Kaunlarang Pantao Award si Jeraldine Magsayo, BSPO President kinsa mao usab ang mamahimong representante sa probinsya ngadto sa national level nga ipahigayon karong umaabot Nobyembre 23, 2023. Sa maong okasyon, adunay dance contest nga gipahigayon diin nakuha sa LGU-Cabanglasan ang 1st place, gisundan sa LGU-Damulog, ug LGU- Sa Fernando sa 3rd place kung aha ang ilang representante usab ang nahimong Miss BSPO 2023.
Mitambong sa maong kalihukan sila Deputy Executive Director Lolito R. Tacardon sa Commission on Population Development, Dir. Niel Aldrin G. Omega sa Commission on Population and Development Region-10 nga gipasayon sa PGO-Population and Development Division.

Bukidnon, stakeholders nagkauban sa pagpreserbar, pagpanalipod sa kinaiyahan

Posted on by cmn

Gisiguro sa Provincial Government of Bukidnon (PGB) nga kauban kini sa pagpreserbar ug pagprotekta sa kinaiyahan, ilabi na sa paningkamot nga dili na mahilabtan ug matandog pa ang Mt. Kalatungan Range Natural Park (RNP), atol sa ika-17 nga Aldaw ta Kalatungan, Oktobre 18, 2023 sa Barangay Ticalaan, Talakag, Bukidnon, uban sa tema: β€œBuilding Alliance for Sustainable Ecosystem and Culture for Future Generations”

Sa pakigpolong sa gipadala ni Governor Rogelio Neil P. Roque nga si Stephanie Melendez, ang PGO-Indigenous Affairs Division designate, gipadangat niini nga 100% ang mapadayonong suporta sa PGB ngadto sa Protected Area Management Board (PAMB) – Mt. Kalatungan RNP diin dugay na lng gapaluyo ang pagsiguro nga mabantayan ang lasang, pinaagi sa Bantay Lasang Volunteers.

Gipasabot ni Municipal Administrator Roberto Bigcas sa lungsod sa Talakag nga gisaulog ang Aldaw ta Kalatungan aron madayeg ang kaanyag og ang importansya sa Mt. Kalatungan nga mao ang kinabuhi. Gilauman nga mahipatik sa panumduman sa tanan ang katungdanan sa pagprotekta ug pag-amping sa Mt. Kalatungan.

Pahinumdum ang mensahe ni Congressman Jose Manuel Alba sa unang distrito sa Bukidnon nga ang panglantaw sa pagpanalipod sa kinaiyahan, malangkubon ug angayang dili mahubit diha sa politikal nga utlanan, subay sa hiniusa nga paningkamot sa tanan kay ang pagprotekta sa kinaiyahan, pagpreserbar man usab sa kultura. Kini ang hinungdan nga madasigon kini sa pagpausbaw pa sa gisugdan nga kahinguhaan sa kawayan, pinaagi sa programang Bamboo Innovation Hub, isip alternatibo sa hardwood nga anaa makuha sa lasang.

Gihingusgan ni Datu Bagusayana Johnny Guina, ang chairman sa Mt. Kalatungan Council of Elders nga dili pasagdan ang DENR sa pagprotekta sa lasang. Angayan nga ang matag komunidad palibot sa Mt. Kalatungan magsig-iya ug bantay sa ilang mga teritoryo aron dili makahimo sa iligal ang mga tawo nga mangahas sa pagsulod dinhi.

Giila usab ni PENRO Vergilino Alima ang dakong tabang ug sakripisyo sa Bantay Lasang Volunteers kay tungod kanila, anaa pa ang kinabuhi sa lasang. Kung mahimo dili na tandugon pa ug angayang pahugtan ang pagbantay sa nahibiling lasang diha sa Mt. Kalatungan alang sa mosunod nga kaliwatan, ngalan nga ang Bukidnon mao ang kasingkasing sa Mindanao ug dinhi nagsumikad ang katubigan nga miawas ngadto sa mga silingang syudad ug probinsya sa Bukidnon.

Ang Mt. Kalatungan Range nga nahimutang sa mga lungsod sa Talakag, Maramag, Pangantucan, ug syudad sa Valencia nadeklara isip protected area pinasikad sa R.A. 7586 (NIPAS Act of 1992) sa tuig 2000, nga giila ug Mt. Kalatungan Range Natural Park. (LGU Bukidnon)

Validation sa housing projects gisugdan

Posted on by Diego M. Hidalgo

Gisugdan na sa Provincial Government of Bukidnon (PGB) ang pag-validate sa housing projects niadtong October 18

Base sa pahibalo sa PGB, ang validation gisugdan sa Natid-asan housing project, Casisang, Malaybalay City.

Gitaho nga magpadayon kini hangtod nga malibot ang tanang housing projects sa lalawigan.

Tumong sa gipahigayon nga validation nga masuta ang actual occupants ug pag-update sa binulan nga bayranan.

Ang validation team gilangkuban sa mga opisina sa PGB, ang PGO-Real Estate and Housing Development Division (REHDD), PGO- Public Affairs Information and Assistance (PAIA), Provincial Legal Office, Provincial Assessor’s Office, PGO-Civil Security Unit ug Provincial Engineer’s Office. (Diego M. Hidalgo)

PGB mihatod og relief goods sa Valencia

Posted on by Omar Rashid Z. Abdullah

Ang Provincial Government of Bukidnon (PGB) mihatod og relief goods ngadto sa local government unit sa Valencia City

Base sa pahibalo sa PGB, ang relief goods gilangkuban sa 150 ka sako sa bugas, 500 nga karton sa beef loaf, ug 30 ka karton sa sardinas.

Ang relief good gitunol ngadto kang City Social Welfare and Development (CSWD) Officer Yvonne Sapanta niadtong Oktubre 21.

Gipakisayud ni CSWD Officer Sapanta nga walo ka mga barangay sa dakbayan ang naapektuhan human masinati ang kalit nga flash flood niadtong Oktubre 19 sa gabie.

Ang mga barangay nga apektado mao ang Poblacion, San Carlos, Lurugan, Lumbo, Sugod, Batangan, Bagontaas, ug Pinatilan.

Gibutyag nga mikabat sa 2,286 ka mga pamilya ang apektado ug duha ang natala nga casualty. (Omar Rashid Z. Abdullah)

Kapin 2K ka seedling gi-apod-apod sa PGB

Posted on by Diego M. Hidalgo

Gi-apod-apod sa Provincial Government of Bukidnon (PGB) ang 2K ka almond ug tanguile seedlings niadtong Oktubre 14, 2023

Base sa pahibalo sa PGB, ang pagpang-apod-apod nahigayon pinaagi sa Bukidnon Environment and Natural Resources (BENRO).

Ang seedlings gi-apod-apod ngadto sa Local Government Units sa lalawigan ug mga katolikong simbahan.

Ang aktibidad gipahigayon alayon sa Fr. Neri Satur Day tree planting activities.

Ubos sa Ordinance No. 2004-06R, gideklara ang Oktubre 14 matag tuig isip Fr. Neri Satur Day sa probinsya sa Bukidnon.

Nahipatik niini ang paglusad sa tree planting activities ug religious rites o mga seremonya sa paghandom sa kamatayon ni Fr. Satur. (Diego M. Hidalgo)

Libreng operasyon sa ngungu, bungi ipahigayon sa Bukidnon

Posted on by cmn

Ang Bukidnon Provincial Medical Center (BPMC) mupahigayon og libreng operasyon sa Cleft Lip and Palate sa Nobiyembre 17-19 ning tuig

Base sa pahibalo sa LGU Bukidnon, ang BPMC miawhag sa tanang gusto mu-avail nga muadto sa ilang pasilidad sa Nobyembre 6-16 alang sa screening.

Gitaho nga bukas kini alang sa mga indibidwal nga nag-edad og isa ka tuig pataas kinsa residente sa tibuok Bukidnon.

Ang surgical mission gi-sponsoran sa Agila Shriners Temple 195-Bukidnon Chapter, sa pakigtimbayayong sa Maharlika Charity Foundation ug sa Provincial Government of Bukidnon. (MG Mayumi B. Madera)