Dakong kalamposan ang nakab-ot sa Dakbayan sa Valencia human nga nahimo kining 11th Most Improved Component City sa tibook nasud.
Kini human nga nisaka ang dakbayan sa ika-48 nga ranking alang sa tuig 2022 gikan sa ika-70 nga ranking niini sa niaging tuig atol sa Cities and Municipalities Competitiveness Index (CMCI) sa Department of Trade and Industry.
Nasayran nga adunay 113 ka mga Component Cities sa nasud.
Base usab sa datos ubos sa Government Pillars nga gibasehan sa CMCI, taas usab ang ranking sa dakbayan sa natad sa Resiliency nga ika-26 ug sa natad sa Innovation nga ika-12 sa tibook nasud. (PR)
