Gi-ebalwar ang Dakbayan sa Valencia alang sa karong tuig nga Gawad Pangulo sa Kapaligiran (GPK) diin gisusi ang perpormans sa lokal nga pangagamhanan sa pagdumala ug pagprotekta niini sa kinaiyahan, Nobyembre 7, 2023
Nahimo usab nga mahinungdanon ang gipahigayon nga exit conference, diin gipaabot sa mga provincial evaluators nga gipangunahan ni Glenda Hope Beley, Cluster Head sa DILG Bukidnon, ang ilang mga rekomendasyon sa pagpalambo sa perpormans ug mga lakang sa lokal nga pangagamhanan aron nga mas mahimo kining environment-friendly ug limpyo nga siyudad.
Mipadangat usab og suporta sa maong kalihokan ang mga personahe sa City Environment and Natural Resources Office ingon man sa presensiya nila Assistant City Administrator Rembert Bautista, City Councilor ug Committee on Agriculture & Environment Chair Rogelio Hera Jr., Councilor Mauricio Sistoso Jr., barangay officials, ug mga department heads, dala ang paglaom nga magabunga ang pagpaningkamot sa siyudad ug makaangkon pagusab sa maong award. (LGU Valencia)
