Ang buhatan sa City Health, katimbayayong ang Health Coordinating Council sa Barangay 2, nagpasiugda sa libre nga serbisyo medikal atol sa pagsaulog sa Senior Citizen Week niadtong Oktubre 13, 2023
Ang kalihokan nga gipahigayon diha sa Barangay 2 mipakita sa mga serbisyo sa healthcare nga haum ug angayan para sa senior citizens hilabi na ang indibidwal nga adunay balatian.
Libre nga gihatag ang fasting blood sugar test ug pagkuha sa blood pressure level.
Dugang pa, nahatagan sila sa bakuna sa Pneumococcal ug Flu aron maproktehan ang pagkaylap sa sakit hilabi na ang ilang kahuyang sa respiratory infections.
Gipang-apod-apod usab ang hypertensive ug diabetic maintenance medication aron masiguro ang pagtugon sa kaayohan sa ilang panglawas. (LGU Malaybalay)
