Tuesday, April 01, 2025

Panid Bisaya

22 Barangays misalmot sa 16th Provincial Fire Olympics 2023

0

Central Mindanao Newswatch - local newspaper

Share this post?

Misalmot ang 22 ka mga barangay nga nahimong representante sa matag lungsod ug syudad sa probinsya, sa ika 16th Provincial Fire Olympics 2023 Barangay Fire Brigade Category nga nagtangag sa tema nga “Sa Pag-iwas sa Sunog, Hindi ka Nag-iisa”, Agosto 17, 2023, Kaamulan Ground, Malaybalay City, Bukidnon

“It is a privilege to be amongst people who are among the bravest of them all, wala na siguroy mas isog pa sa mga tao nga sama kaninyo nga musukol sa kalayo”, pamahayag ni Atty. Romwell P. Roque, Executive Assistant IV nga nagrepresenta kang Provincial Governor Rogelio Neil P. Roque, kinsa mapasalamaton sa tanang barangay sa ilang serbisyo nga gihatag ngadto sa katawhan sa probinsya, ilabi na sa panahon sa emerhensiya ug kalamidad isip mga first responders.

“All of you are considered as winners because you know how to put up the fire”, tipik sa mensahe ni BFP-10 SSUPT Franklin O. Ratunil Assistant Regional Director for Administration, kinsa nalipay sa inisyatibo sa Bureau of Fire Protection-Bukidnon sa tinuig nga pagpahigayon sa maong kalihukan.

Migula nga champion alang sa Combat Challenge ang Brgy. Cabulohan, Cabanglasan, 1st place ang Brgy. Namnam, San Fernando, 2nd ang Brgy. Kauyonan, Kitaotao, ug 3rd place ang Brgy. Kisolon, Sumilao; sa Bucket Relay migula nga champion ang Brgy. Poblacion, Impasug-ong, 1st- Brgy. Cabulohan, Cabanglasan, 2nd- Brgy. Namnam, San Fernando, 3rd- Brgy. Sampagar, Damulog; sa Fire Extinguishment, champion ang Brgy. Poblacion, Impasug-ong, 1st- Brgy. Cabulohan, Cabanglasan, 2nd- Brgy. Dologon, Maramag, 3rd- Brgy. Salawagan, Quezon; ug ang migula nga Ms. Fire Olympics 2023 si Ms. Rhea R. Guinita (Kisolon Fire Station), 1st runner-up Ms. Jecel Jean Esmao (Manolo Fortich Fire Station) ug 2nd runner-up Ms. Jane Lou T. Valendez (Valencia City Fire Station), diin ang migula nga champion ipadala alang sa Regional Level nga Fire Olympics aron magrepresenta sa probinsya sa Bukidnon.

Misalmot niini ang mosunod nga mga barangay: Brgy. Kauyanon sa Kitaotao, Brgy. Alanib sa Lantapan, Brgy. Poblacion sa Libona, Brgy. Patpat sa Malitbog, Brgy. San Miguel sa Manolo Fortich, Brgy. Dologon sa Maramag, Brgy. Bacusanon sa Pangantucan, Brgy. Salawagan sa Quezon, Brgy. Namnam sa San Fernando, Brgy. Kisolon sa Sumilao, Brgy. Indulang sa Talakag, Brgy. Imbatug sa Baungon, Brgy. Cabulohan sa Cabanglasan, Brgy. Sampagar sa Damulog, Brgy. Poblacion sa Dangcagan, Brgy. San Nicolas sa Don Carlos, Brgy. Poblacion sa Impasug-ong, Brgy. Poblacion sa Kadingilan, Brgy. Talahiron sa Kibawe, Brgy. Poblacion, Kalilangan, Brgy. 9 sa Malaybalay City ug Brgy. Bagontaas sa Valencia City. (LGU Bukidnon)

Related Post

Duha ka newly identified drug personalities ang nakorner sa buy-bust operation sa Sityo Mamaon, Brgy. Indulang, Talakag, Bukidnon, pasado ala 1:30 sa buntag niadtong Marso 4, 2025 Sumala sa report sa kapolisan, ang duha ka suspek parehong hingkod ug residente sa Purok 1A, Barangay 5, Talakag, Bukidnon. Nasakmit gikan kanila ang shabu nga nagkantidad og...
Kaniadtong Marso 3, 2025, gipahigayon ang Pamuhat, usa ka ritual nga kabahin sa kasaulogan sa 27th Charter Day celebration sa Malaybalay City, Bukidnon Gipahigayon ang maong kalihokan sa New City Hall Grounds sa Barangay Casisang, Malaybalay City. Mitambong sa ritual ang mga baylan ug mga lider sa indigenous peoples sa dakbayan. Anaa usab sa maong...
Nibalor og Php 2,041,360.00 ang gidudahang shabu nga nasakmit sa hiniusang puwersa sa kapolisan atol sa usa ka buy-bust operation sa Purok 1, Barangay Lumbo, Valencia City niadtong hapon sa Marso 1, 2025 Nasikop usab ang lalaking suspek nga si Alyas “Jason,” nga gikonsiderang high-value individual, 25-anyos, ug residente sa Purok 2B, Barangay San Miguel,...