Padayon ang gihimong screening sa publiko sa Bukidnon Provincial Medical Center (BPMC) sa Malaybalay City, Bukidnon, ug sa mga health centers sa probinsya niadtong gusto mo-avail sa libreng surgical mission sa umaabot nga 24 hangtod 29 ning bulan sa Agosto

Matod sa natala sa Facebook page sa LGU Bukidnon, lakip sa mamahimong mo-avail niini kadtong adunay kaso sa cleft lip/palate o bungi ug ngungo, clubfoot o baliko ang tiil, ug adunay problema sa thyroid sama sa goiter.

Dugang sa kasayuran, kini nga misyon gisuportahan sa Maharlika Charity Foundation, Inc., usa ka non‑stock ug non‑profit charity nga naningkamot sa pagpahigayon ug libreng medical missions sa mga pasyente nga kabus ug walay access, sama niini nga operasyon. (melbmadera)