Tuesday, November 17, 2026

Panid Bisaya

₱470K nga shabu, nasakmit sa 2 ka buy-bust sa Bukidnon

0

Central Mindanao Newswatch - local newspaper

Share this post?

Duha ka managlahing operasyon sa buy-bust sa Valencia City ug Pangantucan, Bukidnon ang
miresulta sa pagkadakop sa tulo ka lalaki ug pagkasakmit sa kapin ₱470,000 nga kantidad sa
gidudahang shabu.

Sumala sa report sa kapolisan, una nga nadakpan ang duha ka lalaki atol sa hiniusang buy-bust
operation sa kapulisan sa Purok 1A, Kawayanon, Barangay Lumbo, Valencia City niadtong
Oktubre 31, 2026.

Nakuha gikan sa maong operasyon ang 36 gramos nga gidudahang shabu nga nagkantidad og
₱244,800, sumala sa standard drug price.
Samtang, isa ka 42-anyos nga lalaki nga giila lamang sa alyas nga Nonoy ang nadakpan sa laing
buy-bust operation sa Memorable Village, Barangay Poblacion, Pangantucan, alas 10:04 sa gabii
niadtong Nobyembre 3.
Nasakmit gikan kaniya ang tulo ka heat-sealed plastic sachet nga adunay 33.16 gramos nga
gidudahang shabu nga nagkantidad og ₱225,488, lakip ang isa ka cellphone, motorsiklo ug ₱500
nga kwarta.
Sa kinatibuk-an, mikabat sa 69.16 gramos ang gidaghanon sa nasakmit nga gidudahang shabu
nga nagkantidad og ₱470,288 sa duha ka operasyon.
Giandam na sa kapulisan ang kasong paglapas sa Sections 5 ug 11, Article II sa Republic Act
9165 o Comprehensive Dangerous Drugs Act of 2002 as amended batok sa mga nadakpan.
Ang mga nakumpiskang drug evidence gidala sa Bukidnon Provincial Forensic Unit alang sa
laboratory examination, samtang anaa na sa kustodiya sa kapulisan ang tulo ka suspek alang sa
tukmang dokumentasyon ug disposisyon. (melbmadera)

Related Post

Nadakpan sa kapulisan ang ikaduhang most wanted person sa provincial level sa Bukidnontungod sa mga kasong qualified rape, qualified sexual assault ug acts of lasciviousness atol saoperasyon sa Zone 3, Barangay Lunocan, Manolo Fortich, niadtong Nobyembre 5. Sa report ni Police Lt. Col. Edward T. Agpalza, chief of police sa Manolo Fortich MunicipalPolice station (MFMPS),...
Setenta (70) ka mag-uuma gikan sa tulo ka barangay sa Malaybalay City ang makabenepisyo sa₱1.5 milyong proyekto sa Lokal nga Kagamhanan nga nagtumong sa pagpalambo samalungtarong agrikultura ug pagpanalipod sa mga umahan batok sa pagkaanod sa yuta. Gipondohan kini pinaagi sa Local Disaster Risk Reduction and Management Fund (LDRRMF)sa City Disaster Risk Reduction and Management...
Duha ka drayber sa motorsiklo ang namatay human magbanggaay ang ilang gimanehong mgamotorsiklo sa Barangay Puntian, Quezon, Bukidnon, alas-7 sa buntag niadtong Oktubre 22,2026. Base sa report sa Quezon Municipal Police Station (MPS), ang aksidente naglambigit sa isa kaKeeway nga motorsiklo nga padulong sa Davao City gikan sa Cagayan de Oro City ug usa kaSuzuki...