Tuesday, November 17, 2026

Panid Bisaya

Babaye, nakorner sa buy-bust operation sa Valencia

0

Central Mindanao Newswatch - local newspaper

Share this post?

Nasikop ang isa ka 27-anyos nga babaye nga giila sa alyas nga Jaijai sa operasyon batok sa ilegal
nga droga sa Purok 2, Barangay Poblacion, Valencia City, sa gabii sa Oktubre 15.

Sumala sa report ni Police Lt. Col. Hope Mark L. Orbuda, officer-in-charge sa Valencia City
Police Station, nahitabo ang operasyon mga alas 10:55 sa gabii nga gipahigayon sa Drug
Enforcement Unit sa Valencia CPS, kauban ang 2nd Provincial Mobile Force Company,
Provincial Intelligence Unit, Philippine Drug Enforcement Agency (PDEA)-10 Bukidnon ug
City Anti-Drugs Special Unit Team (CADSUT).
Nakuha gikan sa suspek ang upat ka heat-sealed plastic sachet nga adunay gituohang shabu, nga
mitimbang og 5.2 gramos ug gibanabanang nagkantidad og ₱35,360, base sa standard drug price.
Nasakmit usab sa operasyon ang isa ka itom nga Infinix Android cellphone, isa ka kaha sa
sigarilyong Marlboro nga gigamit kunong sudlanan sa shabu, ug isa ka ₱500 nga papel nga
kuwarta.
Giandam na ang mga kasong paglapas sa Sections 5 ug 11, Article II sa Republic Act 9165 o
Comprehensive Dangerous Drugs Act of 2002 as amended, alang sa pagsang-at sa korte.
Ang mga nasakmit nga drug evidence gidala sa Provincial Forensic Unit alang sa qualitative ug
quantitative examination, samtang ang suspetsada anaa na sa kustodiya sa Valencia CPS alang sa
dokumentasyon ug hustong disposisyon.
Gidayeg ni Police Col. Oliver S. Navales, director sa Bukidnon Police Provincial Office, ang
mga pulis nga miapil sa operasyon ug giawhag ang publiko nga makigtambayayong sa kapulisan
ug uban pang ahensiya sa pagpatuman sa balaod aron mapalig-on ang kampanya batok sa ilegal
nga droga sa probinsiya. (melbmadera)

Related Post

Nadakpan sa kapulisan ang ikaduhang most wanted person sa provincial level sa Bukidnontungod sa mga kasong qualified rape, qualified sexual assault ug acts of lasciviousness atol saoperasyon sa Zone 3, Barangay Lunocan, Manolo Fortich, niadtong Nobyembre 5. Sa report ni Police Lt. Col. Edward T. Agpalza, chief of police sa Manolo Fortich MunicipalPolice station (MFMPS),...
Setenta (70) ka mag-uuma gikan sa tulo ka barangay sa Malaybalay City ang makabenepisyo sa₱1.5 milyong proyekto sa Lokal nga Kagamhanan nga nagtumong sa pagpalambo samalungtarong agrikultura ug pagpanalipod sa mga umahan batok sa pagkaanod sa yuta. Gipondohan kini pinaagi sa Local Disaster Risk Reduction and Management Fund (LDRRMF)sa City Disaster Risk Reduction and Management...
Duha ka drayber sa motorsiklo ang namatay human magbanggaay ang ilang gimanehong mgamotorsiklo sa Barangay Puntian, Quezon, Bukidnon, alas-7 sa buntag niadtong Oktubre 22,2026. Base sa report sa Quezon Municipal Police Station (MPS), ang aksidente naglambigit sa isa kaKeeway nga motorsiklo nga padulong sa Davao City gikan sa Cagayan de Oro City ug usa kaSuzuki...