Monday, February 24, 2025

Author: Diego M. Hidalgo

DA releases P5.7-M subsidy to 1,145 Maramag rice farmers

Posted on by Diego M. Hidalgo

MALAYBALAY CITY, Bukidnon (Dec. 27, 2021) – The Department of Agriculture (DA) has released a total of P5,725,000.00 subsidy to 1,145 rice farmers of Maramag, Bukidnon.

In a Facebook post of Maramag Municipal Agriculture Office, each of the 1,145 Maramag rice farmers has received ₱5,000 DAs cash subsidy with its third leg of distribution under the Rice Farmers Financial Assistance (RFFA) program on December 23, 2021.

The program is spearheaded by the Rice Program DA-10 thru Agriculture Office Maramag in partnership with the Development Bank of the Philippines (DBP) and Universal Storefront Services Corp. (USSC).

Eligible rice farmers have received their financial assistance who were enrolled in the Registry System of Basic Sectors in Agriculture (RSBSA) with landholdings of two (2) hectares and below in response to the Rice Tarrification Law (RTL).

Apart from it, the said event will showcase DA-Intervention Monitoring Card (IMC) demonstrating the RCEF-RFFA withdrawal scheme that will serve as identification and cash cards of the farmer-beneficiaries.

Bukidnon nagpabilin ubos sa MGCQ

Posted on by Diego M. Hidalgo

Ang probinsya sa Bukidnon nagpabilin ubos sa Modified General Community Quarantine (MGCQ), ang pinakaubos nga klasipikasyon sa quarantine status.

Bisan pa man sa tinguha sa mga taas nga opsiyal sa probinsya nga mapataas ang klasipikasyon sa quarantine ngadto sa General Community Quarantine (GCQ), wala kini malakip sa ulahing listahan sa mga anaa sa taas nga klasipikasyon sa quarantine status sa nasud.

Base sa summary of classification ning bulan sa Hunyo, sa rehiyon 10, ang Cagayan de Oro City gipaubos sa Modified Enhanced Community Quarantine (MECQ) gikan petsa 1 hangtod 15 ning bulan sa Hunyo.

Samtang ang Iligan City ang gipaubos sa GCQ gikan petsa 1 hangtod 30 ning bulan sa Hunyo.

Coal seller gipatay sa Don Carlos

Posted on by Diego M. Hidalgo

Isa ka coal seller ang gipatay sa wala mailang suspek samtang nanihapon sa lamesa gawas sa iyang panimalay sa Purok 1A, Brgy. Poblacion Norte, Don Carlos, Bukidnon.

Ang biktima nailang si Jovane Ruben y Bagacay, 38, adunay kapuyo, coal seller ug residente sa dapit.

Si Police Major Harvey A. Sanchez, ang acting chief of police sa Don Carlos sa iyang report, niingon nga ang biktima gipusil makaduha sa ulo pasado alas 7:10 gabii sa Mayo 31.

Sumala sa imbestigasyon sa kapolisan sa Don Carlos, ang suspek kalit lang nahiabot dayong pusil sa biktima. Nisibat ang mamumuno padulong sa kamaisan bitbit ang kalibre .45 pistola nga iyang gigamit sa krimen.

Ang pamunoan sa kapolisan sa Don Carlos, gimandoan ni Police Col. Jun Mark J. Lagare, provincial director sa Bukidnon Police Provincial Office sa pagpahigayon sa imbestigasyon aron pagsuta sa motibo sa krimen ug pag-ila sa suspetsado.

Detainee sa PDRC nag-atubang sa 19 counts sa kasong rape

Posted on by Diego M. Hidalgo

Isa ka detainee sa Provincial Rehabilitation and Detention Center (PDRC) sa Brgy. Casisang, Malaybalay City ang nag-atubang pa sa 19 counts sa kasong rape.

Si Police Lt. Ruel L. Literatus, hepe sa kapolisan sa Kibawe sa iyang report niingon, nga malampusong nilang na-serve sa warrant of arrest batok sa 29 anyos nga si Azor Duran y Vallecera, 29 sulod sa PDRC pasado alas 2:00 ang takna hapon sa Mayo 30.

Giisyu ang maong mga kaso nga walay bail bond ni Huwis Wilfredo Gutang Bibera Jr, presiding judge, Branch 46, 10th Judicial Region, Regional Trial Court, Malaybalay City, Bukidnon niadtong Mayo 21, 2021.

P35K shabu, marijuana nasakmit sa buy bust sa Malaybalay

Posted on by Diego M. Hidalgo

Nikabat sa P34,668.00 ang kantidad sa gidudahang shabu ug marijuana nga nasakmit sa bust bust operation Zone 10, Brgy. 1, Malaybalay City, Bukidnon pasado alas 6:00 sa gabii sa Mayo 29.

Si Police Lt. Col. Jerry A. Tambis, hepe sa kapolisan sa Malaybalay sa iyang report, niila sa suspek nga si Jopas Ilogon y Velez, 32, minyo, delivery boy ug residente sa Purok 9, Brgy. Sumpong, Malaybalay City, Bukidnon.

Nakuha gikan sa posisyon sa suspek ang pakite sa gidudahang shabu nga adunay estimated street value nga P500.00 isip buy bust item, laing pakite sa gidudahang shabu nga adunay estimated street value nga P34,000.00, pakite sa gidudahang marijuana nga adunay balor nga P168.00 ug P500.00 bill isip buy bust money.

Ang suspek ug nasakmit nga mga ebidensya ang gidala sa buhatan sa kapolisan sa Malaybalay. Pagkahuman, gitugyan sab ngadto sa Bukidnon Provincial Crime Laboratory nga nahimutang sa dakbayan.

Gihikay na sab sa kapolisan sa Malaybalay ang kaso batok sa suspek kalabotan sa kalapasan sa R.A. 9165 kon Comprehensive Dangerous Drugs act of 2002.

2 mag-uuma gipanigbas sa Valencia

Posted on by Diego M. Hidalgo

Gidala sa hospital ang duha ka cmga mag-uuma human gipanigbas sa duha ka mga suspek sa Purok 4, Brgy. Lurugan, Valencia City, Bukidnon buntag sa Mayo 27.

Si Police Lt. Col. Cipriano V. Bazar Jr., hepe sa kapolisan sa Valencia, niila sa mga biktima nga si Ernesto Dela Cruz, Jr. y Sarte, 35, ulitawo, mag-uuma ug residente sa Purok 4, Brgy. Lurugan, Valencia City ug Jason Dela Cruz y Abesta, 27, ulitawo, mag-uuma ug residente sa Purok 7, Busdi, Malaybalay City.

Gidala sila sa Seventh-day Adventist Medical Center, Brgy. Poblacion, Valencia City gumikan sa mga samad tinigbasan nga ilang naangkon.

Ang mga suspek nailang si Roberto Subalan Jr., y Antolijao, 29, mag-uuma, residente sa Purok 4, Brgy. Lurugan, Valencia City ug isa ka alias Bobong.

Sa inisyal nga pakisusi sa kapolisan sa Valencia, ang mga biktima nag-harvest sa mais sa sa dapit sa dihang gipanigbas sa mga suspek kinsa nisibat human sa krimen.

Nagpadayon pa ang imbestigasyon sa kapolisan sa Valencia alang sa kasulbaran sa maong kaso.

Aktibong kaso sa Covid-19 sa Bukidnon 1,113 na

Posted on by Diego M. Hidalgo

Anaa na sa 1,113 ang aktibong kaso sa coronavirus disease kon Covid-19 sa Bukidnon.

Kini sumala sa datos sa Covid-19 update nga gipagawas sa provincial government pasado alas 6:40 sa buntag sa Hunyo 2.

Ang mga nakarekober niabot sa 3,493 ug ang kinatibuk-ang kaso niabot sa 4,674.

Samtang ang mga nangamatay anaa na sab sa 68.

Ang pamunoan sa probinsya sa Bukidnon nagtinguha nga mapataas ang quarantine status sa probinsya gikan sa Modified GeneralCommunity Quarantine (MGCQ) ngadto sa General Community Quarantine (GCQ). Apan wala nalakip ang probinsya alang sa mga lugar nga gipataas ang status sa quarantine sa nasud ning bulan sa Hunyo.

Utility worker sa hospital gisikop

Posted on by Diego M. Hidalgo

Nasikop sa kapolisan sa Malaybalay ang isa ka utility worker kinsa suspek sa robbery sa hospital nga iyang gitrabahoan.

Si Police Lt. Col. Jerry Tambis, hepe sa kapolisan sa Malaybalay sa iyang report, niila sa suspek nga si Janroy Labita y Lagdao, 29, ulitawo, utility worker sa Saint Jude Thaddeus Hospital Building, ug residente sa Purok 3B sa Brgy. Can-ayan.

Giingon nga nawala ang cash sulod sa vault sa hospital nga nikabat sa P59,250. Apan ang narekober sa kapolisan gikan sa posisyon sa suspek, niabot lang sa ₱55,230.

Sa pasiunang imbestigasyon sa kapolisan, base sa nakita sa cctv footage, pasado alas 8:44 sa gabii sa Mayo 18 nahitabo ang pagpangawat.

Ang suspek nasikop sa ilang lugar pinaagi sa hot pursuit operation kaniadtong Mayo 19.

Top 3 most wanted person sa Bukidnon nakorner sa AgSur

Posted on by Diego M. Hidalgo

Ang ikatulong most wanted person sa Bukidnon nakorner sa kapolisan sa Purok 4, Maitom, Brgy. New Visayas, Agusan Del Sur hapon sa Mayo 22.

Si Police Lt. Col. Jerry A. Tambis, hepe sa kapolisan sa Malaybalay niila sa nasikop nga si Julito Flores y Repolles, Top 3 Most Wanted Person (Provincial level), 52, minyo, maguuma, ug residente sa Sityo Marcos, Brgy. Santo Niño, Malaybalay City.

Nasikop siya sa kapolisan pinasubay sa warrant of arrest sa krimen nga murder nga nakadokit sa kaso kriminal 28050-16 pinetsahan Marso 22, 2021 nga gi-isyu ni Huwis Nannette Michote E. Lao, presiding judge sa RTC 10th Region, Branch 9, Malaybalay City.

Tourist destinations, attractions sa Impasug-ong gisirado

Posted on by Diego M. Hidalgo

Temporaryong gipasirado sa kagamhanang lokal sa Munisipyo sa Impasug-ong ang tanang tourist destination ug attraction areas.

Isa ka public advisory kabahin niini ang gipagawas ni Mayor Anthony A. Uy kaniadtong Mayo 24 ug epektibo kini dihadiha.

Gitudlong hinungdan sa maong lakang mao ang nagpadayon nga pagdagsang sa mga nasakit sa coronavirus disease kon Covid-19 sa kasikbit nga mga dapit sa maong Munisipyo.

Ang advisory girekominda ug aprobado sa Municipal Inter-Agency Task Force. Nahigayon kini sa ilang meeting sa Municipal Conference Hall sa maong adlaw.

Walay gitakda kon kanus-a maabri pagbalik sa publiko ang tanang tourist destinations ug attractions areas sa Impasug-ong.