Diego M. Hidalgo - Central Mindanao Newswatch

Criminology Licensure Examination gipahigayon sa Valencia

Posted on September 2, 2023October 11, 2023 by Diego M. Hidalgo

Malampusong napahigayon ang Criminology Licensure Examination didto sa dakbayan sa Valencia niadtong Agosto 25-27, 2023

Ang tulo ka adlaw nga eksaminasyon gipahigayon sa tunghaan sa Valencia City National High School, kini base sa pahibalo sa City Government of Valencia.

Matod sa pahibalo nga niabot sa 61 ka examinees gikan sa lain-laing lugar ang nagparehisto para sa maong eksaminasyon.

Apan, 59 lang ang nakahuman sa Licensure Examination.

Ang mga examinees mapasalamaton nga napahigayon ang maong exam sa dakbayan nga nahimo pinaagi sa pagpaningkamot sa lokal nga pangagamhanan ug pagsuporta sa Professional Regulation Commission (PRC). (Diego M. Hidalgo)

Kapasidad sa population officers sa Bukidnon gipakusgan

Posted on August 26, 2023October 11, 2023 by Diego M. Hidalgo

Gipakusgan sa Commission on Population and Development (CPD) ang kapasidad sa mga Population Officers sa mga kalungsoran sa probinsya sa Bukidnon pinaagi sa pagpahigayon og isa ka workshop

Base sa pahibalo sa PGB, ang gipahigayon nga workshop nga “Enhancing the Capabilities of

Population Officers to Effectively and Efficiently Implement the Population and Development

Program” gipahigayon niadtong Agosto 14-17, 2023 sa Hotel Valencia sa Valencia City.

Tumong sa maong kalihukan ang paghatag og dugang impormasyon kalabot sa nagkalain-laing polisiya ug direksyon sa pagsuporta ug pagpatuman sa programa sa Philippine Population and Development Plan.

Lakip na niini ang pagpalambo sa kahibalo ug kahanas sa pagpahigayon sa mga kalihukan kabahin sa responsabling pagka-ginikanan ug pagplano sa pamilya, lakip ang sa kahimsog sa mga kabatan-onan sa lokalidad. (Diego M. Hidalgo)

Kadiwa ng Pangulo, Diskwento Caravan gipahigayon sa Valencia

Posted on August 26, 2023October 11, 2023 by Diego M. Hidalgo

Malampusong napahigayon sa dakbayan sa Valencia ang Kadiwa ng Pangulo ug Diskwento Caravan Balik Eskwela Edition

Base sa pahibalo sa Provincial Government of Bukidnon, gipahigayon niadtong Agosto 22-23, 2023.

Gipahigayon ang “Katuwang sa Diwa at Gawa Para sa Masaganang Ani at Mataas na Kita

(KADIWA) ng Pangulo” ug Diskwento Caravan sa Valencia National High School Covered

Court, sa dakbayan sa Valencia.

Adunay mga barato ug swak sa budget nga mga produkto sama sa school supplies, grocery items, utanon, ug uba pa ang mapalit sa maong caravan nga gikan sa lokal nga mga mag-uuma, mangingisda ug micro-enterprises sa probinsya. (Diego M. Hidalgo)

18 mag-uuma migradwar sa White Potato Production sa Malaybalay

Posted on August 19, 2023October 11, 2023 by Diego M. Hidalgo

Adunay 18 ka mga mag-uuma ang migradwar sa Farmer Field School (FFS) sa WhitePotato Production sa Sitio Damitan sa Barangay Dalwangan sa dakbayan sa Malaybalay

Base sa pahibalo sa City Government of Malaybalay, ang FFS on White Potato Productiongilunsad niadtong Nobyembre 18, 2022.

Human sa pagtuon, ang FFS on White Potato Production Graduation Ceremony gipahigayonniadtong Agosto 9, 2023 sa Baleteon Ancestral Domain Hall, Damitan, Dalwangan Malaybalay City.

Sa mga partisipante nga migradwar, 9 niini ang lalaki ug 9 usab ang babaye.

Ang FFS isa ka proseso sa pagkat-on nga nakabase sa grupo nga gigamit aron mapauswag

ang maayong mga gawi sa agrikultura.

Kini nga pagbansay-bansay makapahimo sa mga mag-uuma sa pag-obserbar, paghisgot, ug

pag-apil sa pagkat-on sa bag-ong mga teknolohiya pinaagi sa field exercises. (Diego M. Hidalgo)

10 magti-ayon sa Valencia, nakadawat og 10k sa ilang 50th wedding anniversary

Posted on August 12, 2023October 11, 2023 by Diego M. Hidalgo

Napulo ka mga magtiayon sa dakbayan sa Valencia ang nakadawat og P10,000 atol sa pagsaulog sa ilang golden wedding anniversary

Nadawat nila ang ilang cash incentives niadtong Agosto 08, 2023. Kini base sa pahibalo sa City Government of Valencia.

Ang maong programa gipasiugda sa local nga panggamhanan sa dakbayan pinaagi sa Office of Senior Citizens Affairs (OSCA).

Gipasiugda ang maong programa pinasubay sa City Ordinance 60-2018 o ang ordinansa nga naghatag pag-ila sa mga magtiayon nga nagsaulog sa ilang ika-50 nga anibersaryo sa kasal. (Diego M. Hidalgo)

Katukuran sa perimeter fence sa Grandstand sa Malaybalay, aprobado na

Posted on August 12, 2023October 11, 2023 by Diego M. Hidalgo

Gi-aprobahan sa 27th Sangguniang Panlalawigan ang hangyo alang sa katukuran sa perimeter fence sa Grandstand, sa Barangay Sumpong, ning dakbayan

Base sa pahibalo sa Provincial Government of Bukidnon, ang sugyot giaprobahan sa ika-55 nga nga regular session sa 27th SP niadtong Agosto 01, 2023 sa SP Session Hall sa Malaybalay.

Ang contract cost sa proyelto mikabat sa Php4,090,904.33.

Gipakisayod nga ang maong perimeter fence adunay kinatibuk-ang gitas-on nga 392.48 metros nga maglibot sa luna nga gipanag-iyahan sa probinsya.

Gibutyag usab niini nga gilantaw sa PGB nga matukuran kini og multi-storey offices sa umaabot, nga mamahimong okuparan sa mga PGB offices. (Diego M. Hidalgo)

26 ka mag-uuma, gibansay sa Malaybalay

Posted on August 7, 2023October 11, 2023 by Diego M. Hidalgo

Gibansay sa Provincial Agriculture Office (PAgrO) ang 26 ka mag-uuma sa Farmers Field School (FFS) kabahin sa irrigated rice production

Gibansay sila sulod sa dise saes ka semana sa matag adlaw’ng Huwebes, kini base sa pahibalo sa Provincial Government of Bukidnon.

Ang pagbansay gisugdan niadtong Hunyo 29 ug matapos karong Setyembre 12, 2023.

Ang mga mag-uuma gibansay sa Barangay Kulasihan, lungsod sa Lantapan, ning probinsya.

Sa maong pagbansay, gitudloan ang mga mag-uuma kabahin sa Morphology of Rice Plant, Agro Ecological System Analysis (AESA), Trichogramma application, Natural farming Technology System (NFTS), ug uban pang teknik sa pagpananom. (Diego M. Hidalgo)

62 ka PDL ALS Learners sa Bukidnon milampos sa JHS, elementarya

Posted on August 7, 2023October 11, 2023 by Diego M. Hidalgo

Milampos sa Junior High School ug Elementarya ang 62 ka mga Alternative Learning System (ALS) Learners nga Persons Deprived of Liberty (PDLs) sa Bukidnon PGO-Provincial Detention and Rehabilitation Center (PDRC)

Base sa pahibalo sa Provincial Government of Bukidnon, mitapos sila sa ALS Program sa

Department of Education (DepED) – Bukidnon niadtong Hulyo 26, 2023 sa PDRC, Natid-asan, Casisang, Malaybalay City.

Ang maong programa sa Pangagamhanang Probinsyal napatuman subay sa Intellectual

Scope of Rehabilitation Process sa maong pasilidad.

Tinguha niini nga mahatagan og aksyon ang kakulangon sa edukasyon sa mga PDLs samtang anaa pa sila sulod sa PDRC.

Gilantaw usab niini nga makaangkon sila og oportunidad sa panarbaho ug higayon nga

ipadayon ang pagtungha kung sila gawasnon na.

Sa 62 ka mga ALS Learners, 31 niini ang milampos sa elementarya ug

31 usab kanila ang milampos sa Junior High School. (Diego M. Hidalgo)

40 ka bata nakapahimulos sa libreng tuli sa Talakag

Posted on July 29, 2023October 11, 2023 by Diego M. Hidalgo

Adunay 40 ka mga bata nga lalaki ang nakapahimulos sa libreng tuli nga gilusad sa Bukidnon Provincial Hospital (BPH)-Talakag niadtongc Hulyo 23, 2023 sa Talakag, Bukidnon

Gipahigayon ang libreng tuli subay sa pagsaulog sa National Infection Prevention and Control Week (IPC) 2023, sumala sa pahibalo sa Provincial Government of Bukidnon.

Ang maong kalihukan nagtangag sa tema nga “Beyond the Pandemic: HAI-lighting the importance of IPC”.

Gawas sa maong kalihukan, gihan-ay usab ang monthly meeting uban ang re-echo on IPC training and seminar, clean-up sa designated areas, lecture for sterility, ug sport activities. (Diego M. Hidalgo)

Valencia, overall champion sa 4th Provincial Rescue Olympics