Wednesday, April 30, 2025

Panid Bisaya

Kahimsog sa kahayupan tinguha sa Animal Health Activity sa PVET

0

Central Mindanao Newswatch - local newspaper

Share this post?

Tinguha sa Animal Health Activity sa Provincial Veterinary Office (Pvet) nga mapabilin ang kahimsog sa panglawas sa mga kahayupan, pinaagi sa pagpaabot ug serbisyo ngadto sa mga kalungsuran sama sa libreng rabies vaccination, deworming og paghatag sa vitamin supplementation

Alayon niini nga lakang, gisugdan na sa PVet ang maong programa niadtong Pebrero 9, 2023 sa Purok 9 & 4 Barangay Pinamangguan ug Barangay Poblacion sa lungsod sa Kadingilan, Bukidnon, ubos sa Hatud Serbisyo sa Barangay 2023 nga inisyatibo usab sa maong lungsod, sa pagpanguna ni Municipal Mayor Jerry A. Canoy, Jr. Dungan niini, gipahigayon usab ang IEC Campaign kabahin sa rabies awareness ug responsible pet ownership.

Sa data gikan sa PVet, 31 ka mga iro ug duha (2) ka iring ang nabakunahan, samtang kinse (15) ka mga baka, trese (13) ka mga kabaw, lima (5) ka kabayo, walo ( ka kanding, duha (2) ka iro, 142 ka baboy ug trese (13) ka manok ang napurga. Nahatagan usab sa vitamin supplementation ang 729 ka mga manok, kinse (15) ka mga baka, trese (13) ka mga kabaw ug walo ( ka mga kanding.

Sunod nga pagahatdan sa maong serbisyo ang Barangay Kalabugao, Impasugong sa Pebrero 15, 2023, samtang ang Barangay Lagandang, Damulog sa umaabot Pebrero 16, 2023. (PR)

Related Post

Kaniadtong Marso 3, 2025, gipahigayon ang Pamuhat, usa ka ritual nga kabahin sa kasaulogan sa 27th Charter Day celebration sa Malaybalay City, Bukidnon Gipahigayon ang maong kalihokan sa New City Hall Grounds sa Barangay Casisang, Malaybalay City. Mitambong sa ritual ang mga baylan ug mga lider sa indigenous peoples sa dakbayan. Anaa usab sa maong...
Nibalor og Php 2,041,360.00 ang gidudahang shabu nga nasakmit sa hiniusang puwersa sa kapolisan atol sa usa ka buy-bust operation sa Purok 1, Barangay Lumbo, Valencia City niadtong hapon sa Marso 1, 2025 Nasikop usab ang lalaking suspek nga si Alyas “Jason,” nga gikonsiderang high-value individual, 25-anyos, ug residente sa Purok 2B, Barangay San Miguel,...
Ang lokal nga pangagamhanan sa Bukidnon, lakip ang 20 ka munisipyo ug duha ka dakbayan sa probinsya, nakapasar sa 2024 Good Financial Housekeeping sa ilang matag kategorya Sumala kini sa Facebook post sa Department of the Interior and Local Government (DILG) Bukidnon. Matod sa DILG Bukidnon, kini nga talagsaong milestone usa ka testamento sa walay...