Sunday, November 17, 2024

Tag: Baha

100 pamilya nakabenepisyo sa outreach program

Posted on by Melchor Madera

Nakabenepisyo sa gipasiugdahan nga outreach program sa Provincial Government of Bukidnon ang anaa sa 100 ka pamilya sa Sitio Mampalanay, Barangay Lilingayon, Valencia City, Bukidnon niadtong Agosto 26, 2024

Ang kalihokan alayon sa 2nd Bukidnon Press Freedom Week (BPFW) Celebration nga gisaulog sa Agosto 25-31, 2024.

Sa pagpasayon sa PGO-Public Affairs, Information and Assistance Division, napalawig sa nagkahiusang hugpong ug pwersa sa prensa sulod sa probinsya sa Bukidnon ang kalihukan nga nagtumong sa pagtabang ug pagsuporta sa komunidad nga nanginahanglan.

Sa sayo pa, isa ka motorkada ang gipahigayon diin ang mga media sa amihanang bahin sa probinsya, ug ang mga media sa habagatang bahin nagkatagbo sa Barangay Aglayan dayon nagkahiusa padulong sa Sityo Mampalanay, Brgy. Lilingayon subay sa dalan sa Barangay Basac, Lantapan, Bukidnon.

Natunol sa mga residente ang food packs, school supplies, school armchairs, mga tsinelas, used clothings, ug ang mga binhi sa utanon nga gipangtisok usab sa grupo nganha sa ilang communal garden, agig suporta sa Bahay Kubo Program ni Provincial Governor Rogelio Neil P. Roque.

Lakip sab sa kalihokan ang feeding program ug free haircut.

Natanum sab ang 500 ka seedlings sa calamansi nga sa umaabot mamahimong isa sa tinubdan sa kahinguhaan sa komunidad.

Niadtong Agosto 25, 2024, unang gipahigayon ang KBP Bukidnon Interaction diin bisita si Mr. Walter Balane, associate professor sa BukSU alang sa hisgutanang “Free and Responsible Media in partnership with the government, a perfect tool for Peace and Development.” (PGB/melbmadera)

Illegal settlement, land squatting gidili sa Malaybalay

Posted on by Melchor Madera

Kaniadtong Hulyo 9, 2024, pinal nga giuyonan ni Mayor Jay Warren R. Pabillaran ang Anti-land squatting ordinance sa Malaybalay City

Nahitabo kini human giaprobahan sa Sangguniang Panlungsod ang Ordinance No. 1038, Series of 2024, nga mao ang ordinansa nga nagdili sa illegal settlement ug land squatting sa Malaybalay.

Sumala sa kasayoran sa city government, nakalusot sa SP ang ordinansa atol sa ika-94 nga regular session niadtong June 4, 2024.

Kini nga lakang naghatag og dakong kalamboan alang sa kalinaw ug kaluwasan sa siyudad.

Si Konsehal Erwin A. Damasco, chairman sa committee on human settlement, zoning, and land use, inubanan ni Konsehal Zoltan Dindo D. Dinlayan, ang nanguna sa pagduso ug pagpa-aprobar sa nasangpit nga ordinansa.

Ang ilang paningkamot ug dedikasyon alang sa maong isyu nakapahimo sa ordinansa nga isa ka realidad, nga gilauman nga maghatag og dugang pagbag-o sa siyudad.

Ang tumong sa maong ordinansa mao ang mapahugtan ang kampanya batok sa mga informal settler ug mga professional squatter.

Kini naglakip sa pagpasiugda og mas striktong mga patakaran aron malikayan ang mga kagubot ug mga dili maayo nga sitwasyon nga dala sa illegal settlement.

Dugang pa, ang ordinansa naglantaw nga malikayan ang pagtukod og mga building sa mga lugar nga delikado, sama sa mga daplin sa sapa, aron malikayan ang mga aksidente ug kalamidad.

Tungod niini nga ordinansa, gilauman nga mapabiling hapsay ug malikay sa peligro ang katawhan dinhi sa dakbayan sa Malaybalay.

Ang mga residente adunay mas ligdong nga pamuyo ug proteksyon batok sa mga illegal nga aktibidad nga maka-apekto sa ilang kaluwasan ug kabtangan. (melbmadera)

711 TUPAD beneficiaries sa 3 munisipyo gihatagan og sweldo

Posted on by Omar Rashid Z. Abdullah

Mikabat sa 711 ka mga benepisaryo sa Tulong Panghanapbuhay sa Ating Disadvantaged (TUPAD) program gikan sa tulo ka munisipyo sa habagatang bahin sa Bukidnon ang nakadawat na sa ilang suweldo

Gikumpirma kini sa Department of Labor and Employment (DOLE-X) Bukidnon Provincial Field Office (BukPFO) pinaagi sa ilang social media post.

Ang Tupad payout gipahigayon kaniadtong May 23, 2024 sa Damulog, Kitaotao ug Don Carlos, Bukidnon.

Ang kalihokan gipangunahan ni Raul L. Valmores, provincial director sa DOLE Bukidnon.

Kauban niya ang Tupad Focal nga si Reyna Tagailo ug TUPAD Coordinators.

Ang DOLE-X BukPFO nagpagawas og ₱1,014,360.00 nga kantidad sa suweldo sa mga benepisyaryo matag munisipyo.

Ang matag benepisyaryo nakadawat og ₱4,280.00 isip suweldo sa ilang 10 ka adlaw nga trabaho.

Nitambong sa kalihokan sila third district provincial board members Minerva C. Casinabe ug Joseph Palmada, Damulog Mayor Melino Buro, Kitaotao Mayor Edwin Abucayan, Kitaotao Vice Mayor Mary Ann Gawilan Angit, Don Carlos Mayor Ma. Victoria O. Pizzaro, ug si Audrey Tan-Zubiri, asawa ni Senator Migz Zubiri.

Ang TUPAD isa ka community-based package of assistance nga naghatag og emerhensya nga trabaho para sa mga bakwit, kulang sa trabaho ug seasonal nga mga trabahante. (Omar Rashid Z. Abdullah)

2 centenarians sa Malaybalay nakadawat og incentives

Posted on by Melchor Madera

Duha ka centenarian ang nakadawat og tag P100,000.00 nga cash incentives gikan sa City Government sa Malaybalay niadtong Mayo 17, 2024

Sumala sa kasayoran sa LGU Malaybalay, ang duha mao sila Mrs. Yaga Sarino Molhay ug Mrs. Porfita Sario Libanda nga parehong residente sa Brgy. Manalog.

Si Molhay natawo niadtong Mayo 20, 1920, samtang si Libanda natawo niadtong Nobyembre 4, 1921.

Giila sila pinasubay sa Republic Act 10868, the Centenarian Act of 2016, nga nag-ila sa mga Pilipino nga moabot og 100 anyos.

Si City Mayor Jay Warren R. Pabillaran, inubanan sa Barangay Manalog Council sa pagpangulo ni Barangay Chairman Roney Lagunday, 9th Sanguniang Panglungsod, Office of the Senior Citizens Affairs (OSCA) ug City Social Welfare and Development Office (CSWDO) personnel, ang nitunol sa tseke mismo sa panimalay sa mga benepisaryo sa Brgy. Manalog.

Subay sa City Ordinance No. 988, series of 2021, ang Syudad sa Malaybalay mihatag sa matag centenarian og isa ka higayon nga insentibo nga P100,000.00, uban ang cake ug bouquet sa mga bulak.

Sila ang ikaduha ug ikatulo nga centenarian nga nakadawat sa maong mga insentibo gikan sa City Government sukad naaprobahan ang lokal nga ordinansa. (melbmadera)

Serbisyong optikal alang sa mga kabus nakalusot sa SP

Posted on by Omar Rashid Z. Abdullah

Giaprobahan sa Sangguniang Panlungsod (SP) ang Resolution No. 2024-0593 nga naghatag og pagtugot kang Mayor Jay Warren R. Pabillaran sa pagsulod sa isa Memorandum of Agreement (MOA) tali sa City Government of Malaybalay ug sa D’ Vintage Vision Inc

Sumala sa kasayoran, ang kasabotan mahitungod sa serbisyong optikal nga itabang sa mga nailang kabus sa syudad sa Malaybalay.

Human sa masusing pagtuon, atol sa ika 76th regular session niadtong Enero 23, 2024, giduso ni Konsehal Cromwell Kiril D. Dinlayan resolusyon nga hiniusang giuyonan sa konseho.

Nasayran nga kaniadtong Enero 2, 2024, ang buhatan sa mayor nag-endorso ngadto sa SP uban sa paghangyo nga pagatugotan si Pabillaran sa pagsulod sa isa ka kasabotan nga dako og ikatabang sa katawhan labi na kadtong mga kabus nga nanginahanglan sa nasangpit nga serbisyo.

Gidawat sa City Government of Malaybalay ang ilang tanyag sa nasangpit nga serbisyo ug ang duha ka partido miuyon sa uban pang mga termino ug kondisyon nga natala sa nasangpit nga MOA.

Nasayran nga ang D’ Vintage Vision Inc., isa ka optical shop corporation with SEC Registration No. CS201535609 nga nagahatag serbisyo ug produktong optikal. (Omar Rashid Z. Abdullah)

2 patay, liboan apektado sa baha sa Valencia

Posted on by cmn

Duha ka tawo ang gitaho nga patay ug liboan pa ang apektado sa baha nga miigo sa dakbayan sa Valencia niadtong Oktubre 19, 2023

Base sa kasayuran gikan sa Bukidnon Dispatch, ang duha nga namatay mao ang mag-ina nga nag edad og 63 ug 23 anyos.

Giila sa mga opisyal sa disaster and risk reduction management ang mga biktima nga si Elena Uayan ug Shenna Mae Uayan.

Matod sa kasayuran, ang mga biktima gikan sa Purok 6 sa Barangay Bagontaas sa dakbayan.

Gitaho nga anaa sa 1,322 ka pamilya ang apektado sa pagbaha.

Kini base sa datos gikan sa barangay risk reduction and management sa Batangan, Lurugan, Sugod, ug Bagontaas.

Gibutyag sa taho nga ang Bagontaas mao ang pinaka-apektado nga barangay sa baha. (MG Mayumi B. Madera)

Community pantry gibuksan alang sa mga biktima sa

Posted on by Diego M. Hidalgo

Si Bukidnon 2nd District Rep. Jonathan Keith Flores, bag-o lang naglusad og community pantry para sa mga residente nga apektado sa baha sa Barangay Managok

Base sa report sa Inquirer.net , giablihan ang maong pantry pinaagi sa pinansyal nga tabang nga gihatag ni Speaker Ferdinand Martin Romualdez ug Tingog Party-list Representatives Yedda Marie Romualdez, ug Jude

Acidre.

Matud ni Flores nga libre ang mga itlog, utanon, ug bugas nga gipang-apod-apod sa mga residente sa maong barangay atol sa paglusad.

Siya namahayag nga ang community pantry gisugdan niadtong Hulyo 8, 2023.

Dugang niya nga ang Managok mao ang barangay nga grabeng naigo panahon sa baha. (Diego M. Hidalgo)