Abri na alang sa taga-Malitbog ang Animal Bite Treatment Center (ABTC) sa Munisipyo nga gipahimutang sa Bukidnon Provincial Hospital (BPH)-Malitbog, Purok 1, Imelda St., Poblacion, Malitbog, Bukidnon
Sumala sa pahibalo sa probinsyal nga kagamhanan sa Bukidnon, nahigayon ang launching sa programa buntag sa Enero 11, 2024.
Gi-isyu sa Department of Health (DOH)-Northern Mindanao pinetsahan Enero 4, 2024, ang
Certificate of Quality Service ngadto sa maong hospital.
Nahitabo kini human masunod niini ang specific standards sa DOH alang sa Post Exposure Prophylaxis.
Ang Bite Center bukas sa matag adlaw nga Lunes ug Huwebes sa alas 8:00-12:00 ang takna sa buntag, alang sa anti-rabies vaccination.
Basi sa daily consultation sa maong hospital, nasayran nga dili mo-ubos sa lima (5) ang kaso sa
cat/dog bite sa maong munisipalidad.
Busa gilantaw nga dakong tabang kini alang niadtong mga kabus nga labing nanginahanglan. (melbmadera)
