Ang buhatan sa Malaybalay City Social Welfare Development Office (CSWDO) nanguna sa pagbukas sa egg production project niadtong Marso 28, 2023 sa Barangay Patpat, ning dakbayan
Ang Barangay Patpat nahimong recipient sa bag-ong DSWD program, nga mao ang zero hunger program, diin adunay singkwenta ka pamilya gikan sa lumad nga sektor sa katawhan ang maka benepisyo niini.
Kini nga programa nagadasig sa mga benepisyaryo sa livelihood nga mamahimong tigprodyus og itlog kon dili mahimong tigsuplay sa produkto alang sa pamilya ug komunidad sa kinatibuk-an, ug mahimong tinubdan sa pagkaon sa mga miyembro ug komunidad.
Kini nga impormasyon nakuha gikan sa City Government sa Malaybalay. (Diego M. Hidalgo)
