Ang Bukidnon ginganlan nga Top 6 richest province sa Pilipinas bahin sa mga assets
Sumala sa taho sa abs-cbn news.com, ang datos nag-base sa report gikan sa Commission on Audit (COA) sa 2022.
Sa Annual Financial Report para sa Financial Year 2022 alang sa Local Government Units gikan sa COA, ang Bukidnon nibutang og assets nga mokabat sa Php21.058 billion.
Ang giingon nga numero lakip sa 2022 Annual Financial Report para sa Lokal Government nga giandam sa COA, nga gimando sa Konstitusyon ug sa Government Auditing Code of the Philippines.
Niadtong 2021, gitaho nga ang Bukidnon anaa sa Top 5 nga pwesto nga adunay Php16.73 billion ug Top 5 sab niadtong 2022 nga adunay Php19.455 billion nga asset.
