Giaprobahan na sa Sangguniang Panlungsod ang Resolution No. 2023-0528 mao ang pagtugot kang Mayor Jay Warren R. Pabillaran sa pagsulod sa usa kontrata tali sa siyudad sa Malaybalay ug kang Dr. Pauline Faith C. Miguel, alang sa doctor sa baryo nga gi-assign sa Upper Pulangi Lying-in clinic
Si Mayor Jay Warren R. Pabillaran nag endorso ngadto sa SP uban sa paghangyo nga siya pagatugutan sa pagsulod sa usa ka kontrata tali sa CGM ug kang Dr. Pauline Faith C. Miguel alang sa nasangpit nga Doktor sa Baryo.
Ang lokal nga pangagamhanan gimandoan sa paghatag ug serbisyo, pag palambo ug pag protektar sa katawhan labi na sa maayong panglawas.
Human sa masusing pagtuon, atol sa ika 67th regular session niadtong Nobyembre 7, 2023 , giduso ni Hon. Cromwell Kiril D. Dinlayan hiniusang giuyunan sa konseho nga pagahatagan ug pagtugot ang halangdong mayor sa pagsulod sa nasangpit nga kontrata.
Tungod niini, mahatagan sa pagtagad ang maayong panglawas labi na kadtong nanimuyo sa Upper Pulangi.