Thursday, May 23, 2024

Batang babaye patay, 2 angol sa road mishap sa Don Carlos

Patay ang isa ka batang babaye samtang angol ang duha ka mga drayber human sa road mishap nga nahitabo sa Purok Mauswagon, Barangay Pinamaloy, Don Carlos, Bukidnon hapon sa Marso 2, 2024

Si Police Major Cipriano V. Bazar, Jr., OIC sa Don Carlos Municipal Police Station, miingon sa iyang report nga ang bata nadusmogan sa 10-Wheeler Truck samtang anaa sulod sa ilang panimalay nga anaa sa daplin sa dalan.

 

Ang bata uban sa duha ka mga drayber ang gidala sa Don Carlos Doctor’s Hospital.

 

Apan ang bata gideklarar nga patay nasa wala pa mahiabot.

 

Ang drayber sa truck nakaangkog grabeng kadaot sa lawas ug gi-refer sa Bukidnon Provincial Hospital, Maramag, Bukidnon.

 

Samtang ang drayber sa Bao-bao nagpabilin nga naadmit sa Don Carlos Doctor’s Hospital.

 

Nasuta sa imbestigasyon nga ang 10-Wheeler Truck nagdagan gikan sa habagatang bahin.

 

Sa pag-abot sa dapit sa insidente, nag-overtake kini sa high speed sa tuo nga outer lane, nawad-an og control, nabangga sa solar post ug sa Bao-bao ug nadusmo sa isa ka balay diin tua ang batang babaye.

 

Ang duha ka mga sakyanan nakaangkon og kadaot, nagpabilin sa dapit ug nagpaabot sa isa ka tow truck. (Omar Rashid Z. Abdullah)

Babaye gipusil sa Don Carlos

Isa ka babaye ang biktima sa pagpamusil sa Purok 6, Brgy. Embayao, Don Carlos, Bukidnon hapon sa Pebrero 21, 2024

Si Police Major Cipriano V. Bazar, OIC sa Don Carlos Municipal Police Station, miila sa babayeng biktima nga isa ka 47-anyos nga babaye.

 

Ang biktima naigo sa iyang wala nga bitiis, wala nga abaga ug wala nga likod.

 

Siya daling gidala sa Kibawe Provincial Hospital aron matambalan.

 

Sa inisyal nga imbestigasyon, nasayran nga ang biktima nagpahulay/natulog sulod sa iyang barong-barong dihang gipusil sa wa mailhing tawo gamit ang improvised shotgun.

 

Ang suspek nisibat human sa krimen padulong sa wala masayring direksyon.

 

Sumala pa sa biktima nga dihang naigo siya, nisinggit siya og tabang, nikamang paingon sa barangay mga 50-metros ang kalayoon diin isa ka concerned citizen ang nakakita ug mi-rescue kaniya ug nanawagan og police assistance sa PNP Patrol Base sa Brgy. Embayao.

 

Gibutyag pa sa biktima nga ang ilang yuta giangkon sa isa ka lider sa mga lumad nga grupo.

 

Sa pagkutlo ning balita, padayon pa ang imbestigasyon sa Don Cralos MPS alang sa kasolbaran sa maong kaso. (Omar Rashid Z. Abdullah)

Babaye gisikop gumikan sa multiple charges

Isa ka babayeng wanted ang nasikop sa mga miyembro sa Kadingilan Municipal Police Station (KMPS) gumikan sa daghang mga kaso

Sumala sa report sa Kadingilan MPS, ang sinikop nailang si Jenevie Geniston Coritico, dalaga, 37 anyos.

Nasikop siya pinasubay sa outstanding warrant of arrest didto sa nagkadaiyang mga kaso sa Purok 2, Rizal Street, Brgy. Don Carlos Sur, Don Carlos, Bukidnon pasado alas 2:27 sa buntag niadtong Enero 25, 2024.

Giatubang sa akusado ang isa ka ihap sa kasong Qualified theft nga nakadokit sa criminal case NO. CR. ORD. 2017-1387, pinetsahan Enero 30, 2017 nga adunay girekomindang bail bond nga Php80,000.00.

Samtang akusado sab siya 65 ka mga kaso sa Falsification of Commercial Document nga nakadokit sa upat ka managlahing kaso kriminal.

Ang maong mga kaso adunay kinatibuk-ang girekomindang bail bond nga P780,000.00.

Ang dinakpan anaa sa kustodiya sa Kadingilan MPS sa pagkutlo ning balita alang sa dokumentasyon ug tukmang disposasyon. (Diego M. Hidalgo)

Man, allegedly lit sugarcane plantation in Maramag – report

MALAYBALAY CITY, Bukidnon (January 22, 2024) – A legal-age guy allegedly burned down a sugarcane farm in Purok 12, Sitio San Ramon, Brgy. Base Camp, Maramag, Bukidnon, on January 21, 2024

In his report, Police Major Jaemar M. Paguidopon, OIC of the Maramag Municipal Police Station, stated that the sugarcane plantation was partially burned and that the extent of the damage is still being determined by Bureau of Fire Protection (BFP) personnel.

A complainant personally appeared at Maramag MPS along with the witness and Brgy. Captain of MarayMaray, Don Carlos Bukidnon brought with them the arrested arson suspect.

Investigator of Maramag MPS coordinated with personnel from BFP Maramag and conducted an initial investigation on the plantation.

Upon interviewing the witness, it was revealed that he had been instructed by the plantation owner to monitor the sugar cane plantation because, previously, someone had intentionally set it on fire.

At around 8:00 p.m. on the same date, the witness actually saw a person enter the plantation. He followed him and took the initiative to call the owner.

The witness stated that the culprit lit the sugar cane, causing a fire. He approached the suspect, who fled.

Fortunately, the owner arrived quickly, resulting in the suspect’s successful arrest and the recovery of one lighter from his custody and control.

The plantation owner and witness took the initiative to put out the fire.

They then brought the suspect to Maramag MPS for suitable disposition.

The case has been properly turned over to BFP Maramag for further proceedings. (melbmadera)

Lalaki gipusil sa Don Carlos

Isa ka lalaki ang gipusil patay sa Purok 8, Brgy. Calaocalao, Don Carlos, Bukidnon gabii
sa Disyembre 27

Sumala sa report sa kapolisan sa Don Carlos, ang biktima gipusil patay samtang naglingkod sa
ilang balcony.

Ang biktima nakaangkon sa grabing mga samad pinusilan sa lawas hinungdan sa iyang
hinanaling kamatayon.

Saysay sa higala sa biktima, nga samtang nag-estoryahanay sila, isa ka wala mailhing lalaki nga
nagsuot og jacket nga adunay hood, ang misulod sa pinuy-anan sa biktima ug girakrakan kini.

Ang wala mailhing lalaki nga suspek daling misibat human sa insidente.

Narekober sa crime scene ang 20 ka baseyo sa bala sa Armalite rifle ug isa ka kapsola sa
bala sa kalibre .45 pistola.

Padayon pa ang imbestigayon sa kapolisan aron pag-ila sa suspek ug pagsuta sa motibo sa
krimen. (Diego M. Hidalgo)

𝐁𝐎𝐋𝐔𝐍𝐓𝐀𝐑𝐘𝐎𝐍𝐆 𝐒𝐄𝐑𝐁𝐈𝐒𝐘𝐎 𝐒𝐀 𝐁𝐒𝐏𝐎, 𝐆𝐈𝐏𝐀𝐒𝐀𝐋𝐀𝐌𝐀𝐓𝐀𝐍 𝐒𝐀 𝐏𝐆𝐁

GIPASALAMATAN sa Provincial Government of Bukidnon (PGB) ang mga Barangay Service Point Officers (BSPO) sa probinsya sa ilang boluntaryo nga serbisyo sa nagkadaiya nga barangay, atol sa gipahigayon nga Provincial BSPO Congress, Association of Barangay Population Volunteers of Bukidnon, Nobyembre 9, 2023 sa Kaamulan Open Theater, Malaybalay City, Bukidnon

Gitawag ni Provincial Governor Rogelio Neil P. Roque ang mga BSPO ug “local heroes of Bukidnon” nga sa ilang pag-alagad sa katawhan, usa kini ka ehemplo nga serbisyo sa gobyerno nga tinud-anay ug angayan hatagan sa dakong pasidungog sa ilang maayong buhat sa komunidad.
Gipasidunggan usab sa gobernador ang mga awardee sa Best Practice in 3 program components, nga mao ang: Responsible Parenthood and Family Planning (RPFP) ni Eliza M. Dumagpi, Population Program Officer (PPO)-I sa Cabanglasan; Adolescents Health and Development ni Pascual M. Sale, PPO-1 sa Sumilao; ug Population & Development (POPDEV) Integration ni Regina H. Abad, PPO-I sa Kitaotao.
Isip keynote speaker, gipaabot ni 4th District Representative Laarni Roque ang iyang dakong pasalamat ug pag-aghat ngadto sa tanang BSPO sa pagpadayon sa ilang mga maayong buhat nga gipakita ug pagpakabana sa katawhan.
Gitunol usab ang pasidungog ngadto sa Awardees of 2023 Rafael M. Salas Kaunlarang Pantao Award ngadto sa nagkadaiyang LGU nga nakuha sa lungsod sa Sumilao isip 1st place, gisundan dayon sa mga lungsod sa Malitbog, Kitaotao, Cabanglasan ug Maramag. Sa Barangay Population Volunteers Category, 1st place ang Don Carlos, 2nd place ang Dangcagan, sunod ang Kitaotao, Maramag ug Lantapan. Nahimong regional winner sa Kaunlarang Pantao Award si Jeraldine Magsayo, BSPO President kinsa mao usab ang mamahimong representante sa probinsya ngadto sa national level nga ipahigayon karong umaabot Nobyembre 23, 2023. Sa maong okasyon, adunay dance contest nga gipahigayon diin nakuha sa LGU-Cabanglasan ang 1st place, gisundan sa LGU-Damulog, ug LGU- Sa Fernando sa 3rd place kung aha ang ilang representante usab ang nahimong Miss BSPO 2023.
Mitambong sa maong kalihukan sila Deputy Executive Director Lolito R. Tacardon sa Commission on Population Development, Dir. Niel Aldrin G. Omega sa Commission on Population and Development Region-10 nga gipasayon sa PGO-Population and Development Division.

Comelec division disqualifies Brgy chairman bet in Bukidnon

The Commission on Elections (Comelec) Second Division has disqualified a candidate for barangay chairman in Don Carlos, Bukidnon, in the upcoming village polls due to a previous conviction in an administrative case

Comelec spokesperson Rex Laudiangco said Ireneo Polinar Lapis, who is running for barangay chairman of Barangay Pualas, was dismissed by the Office of the Ombudsman on March 28, 2005, on the ground of dishonesty and pursuant to Section 52(a) and Section 58(a) of the Civil Service Commission Memorandum Circular No. 19, series of 1999, or the Uniform Rules on Administrative Cases in the Civil Service.

Under Section 40(b) of the Local Government Code of 1991, removal from office due to an administrative case is one of the grounds for disqualification from running for any elective local position.

“[F]or being removed from public office as a result of the Ombudsman’s finding that [Lapis] is guilty in the administrative case against him, [Lapis] is disqualified from running for any elective public office,” the Comelec body’s decision stated.

Apart from Lapis, the Comelec Second Division recently disqualified a candidate for barangay chairman of Barangay Cabas-an in Aroroy, Masbate, also due to a previous conviction, and two candidates for Sangguniang Kabataan chairman. (GMA Integrated News)

Top 2 MWP sa Bukidnon nagtingkagol sa selda

Nagtingkagol sa selda ang Top 2 most wanted person (MWP) sa Bukidnon human kini nakorner sa hiniusang pwersa sa kapolisan

Ang suspek giila nga si Jessie Laforteza y Leal, 48, minyo, construction worker ug residente sa Purok Pag-asa, Buhay Pait, Tantangan, South Cotabato.

Si Police Maj. Cipriano V. Bazar Jr., OIC sa Don Carlos Municipal Police Station nitaho nga si Laforteza nasikop sa P-2 Poblacion Sur, Don Carlos, Bukidnon niadtong Sept. 05, 2023 sa alas 3:30 sa hapon.

Gisikop ang suspek subay sa warrant of arrest sa kasong murder.

Ang arestado gidala ubos sa kustodiya sa Don Carlos MPS alang sa hustong disposasyon. (MG Mayumi B. Madera)

Estudyante nakuhaan og droga sa Bukidnon

Isa ka estudyante ang nakuhaan og droga sa gipahigayon nga drug buy-bust operation sa kapolisan sa Lower Pinamaloy, Brgy. Pinamaloy, Don Carlos, Bukidnon

Ang operasyon gipahigayon niadtong Agosto 17, 2023 sa alas 5:50 sa hapon.

Giila ang suspek nga si Johnlee Marianas y Langcasan (watch-listed), 22, ulitawo, ug residente sa Purok Matinabangon, Brgy. Pinamaloy, Don Carlos, Bukidnon.

Si Police Maj. Cipriano V. Bazar Jr., OIC sa Don Carlos Municipal Police Station nisulti sa iyang report nga nasakmit gikan sa suspek ang 1.3676 gramo sa gidudahang shabu nga mukabat sa Php 9,300.00.

Ang arestado gidala na sa Don Carlos MPS alang sa hustong disposasyon ug kasong paglapas sa RA 9165 ang giandam na batok kaniya. (MG Mayumi B. Madera)

Top 8 MWP sa Bukidnon, nasikop

Nasikop sa hinusang pwersa sa kapolisan ang Top 8 Most Wanted Person (MWP) sa Bukidnon niadtong Agosto 17, 2023

Si Police Maj. Cipriano V. Bazar Jr., OIC sa Don Carlos Municipal Police Station nitaho nga ang suspek nasikop sa P-1, Barangay Calaocalao, Don Carlos, Bukidnon.

Ang suspek giila nga si Jerome Barnuevo y Pajaron, 18, ulitawo, ug residente sa maong dapit.

Si Barnuevo gisikop subay sa warrant of arrest sa kasong Parricide.

Ang suspek anaa na ubos sa kustodiya sa Don Carlos MPS alang sa hustong disposasyon. (MG Mayumi B. Madera)