Tuesday, January 21, 2025

Tag: droga

No. 1 Bukidnon PNP-PDEA watch-listed drug suspect nakorner sa buy-bust

Posted on by Omar Rashid Z. Abdullah

Nakorner sa hiniusang puwersa sa kapolisan ug PDEA ang usa ka high-value individual (HVI), kinsa No. 1 sa watchlist sa PNP-PDEA sa Bukidnon ug Top 7 usab sa Regional level

Ang lalaking nasikop, usa ka 35-anyos, may kapuyo, ug residente sa Purok 6, Barangay Casisang, Malaybalay City, Bukidnon.
Nasignit siya sa Purok 5, Brgy. 9, Malaybalay City, Bukidnon hapon sa Enero 11, 2025.
Nakuha gikan sa iyang posisyon ang gidudahang shabu nga nagkantidad og P272,000.00 ug P500.00 nga bill isip buy-bust money.
Kasong paglapas sa RA 9165 ang giandam batok sa suspek.
Gidala sa Provincial Forensic Unit ang mga nakumpiskang droga alang sa qualitative ug quantitative examinations.
Ang suspek nakorner sa hiniusang puwersa sa Malaybalay CPS, Bukidnon PIU, ug Bukidnon PDEA 10. (Omar Rashid Z. Abdullah)

Drug suspek, 2 nga nag-pot session nakorner sa Manolo Fortich

Posted on by Diego M. Hidalgo

Isa ka drug suspek ang nakorner sa buy-bust operation ug aktong nasapnan ang duha ka mga kauban niini nga nag-pot session sa Purok Upper Pol-oton, Brgy. Tankulan, Manolo Fortich, Bukidnon, buntag sa Enero 6, 2025

Sumala sa report sa kapolisan, ang unang suspek nga nasikop nisulay pa sa pagsibat apan nasugpo ra sa kapolisan.


Pagkahuman niini, nadiskubrehan sa kapolisan sulod sa establishment ang duha ka mga kauban sa suspek nga nag-pot session.


Nasakmit sa kapolisan ang Php 16,932.00 nga kantidad sa gidudahang shabu lakip ang drug paraphernalia gikan sa mga suspek.


Kasong paglapas sa RA 9165, o Comprehensive Dangerous Drugs Act of 2002, ang giandam batok sa mga dinakpan nga suspek.


Gidala sa Regional Forensic Unit ang mga nakumpiskang droga para sa qualitative ug quantitative examinations. (Diego M. Hidalgo)

Drug suspek nakigpinusilay sa kapolisan sa Maramag

Posted on by Diego M. Hidalgo

Nakigpinusilay ang usa ka drug suspect sa kapolisan atol sa buy-bust operation nga nahitabo sa Purok 4B, Sitio San Carlos, Brgy. Kuya, Maramag, Bukidnon, hapon sa Enero 7, 2025

Sumala sa report sa kapolisan, atol sa operasyon, ang lalaking suspek nga giila nga 40-anyos, minyo, mag-uuma ug residente sa Purok 4B, Sitio San Carlos, Kuya, Maramag, Bukidnon nakabantay nga nakig-atubang siya sa usa ka pulis, hinungdan nga nibunot siya sa iyang mubo nga armas ug nipusil sa pulis. Kini nagresulta sa pag-bawos sa back-up arresting officer, nga nipusil balik ngadto sa suspek. Maayo nalang kay wa maunsa ang suspek ug ang poseur buyer.


Ang suspek mitahan sa iyang kaugalingon ug nasikop usab ang iyang kauban nga 37-anyos nga babaye, minyo, walay trabaho, ug residente sa Purok 4B, Sitio San Carlos, Kuya.


Nikabat sa Php 88,400.00 ang balor sa nasakmit nga gidudahang shabu gikan sa mga suspek.


Nasakmit sab gikan sa lalaking suspek ang usa ka kalibre .45 Colt pistol nga adunay magazine assembly nga kargado sa tulo ka bala ug laing isa pa ka magazine sa maong armas.


Ang mga dinakpan nga suspek, uban sa mga nasakmit ug nakumpiskang ebidensiya ug mga narekober nga fired cartridges, gidala sa Maramag MPS alang sa dokumentasyon ug saktong disposisyon.


Samtang ang mga ebidensiya sa droga ug mga armas nga nakumpiska itugyan ngadto sa Provincial Forensic Unit alang sa eksaminasyon.


Kasong kalapasan sa RA 9165 ug RA 10591 ang giandam alang sa inquest proceedings sa mga suspek.
Ang hiniusang puwersa sa kapolisan, gilangkoban sa mga yunit gikan sa Maramag Municipal Police Station ug Bukidnon 2nd Provincial Mobile Force Company. (Diego M. Hidalgo)

Top 3 R-10 priority target sa illegal drug personalities nakorner

Posted on by cmn

Nasikop sa hiniusang puwersa sa kapolisan ang Top 3 Regional Priority Target sa illegal drug personalities

Sumala sa report sa Bukidnon Provincial Police Office, ang suspek nasikop resulta sa gipatuman nga search and seizure warrant order hapon sa Disyembre 9, 2023.

Ang 43 anyos nga lalaki nga lakip sa drugs wathclist ang nasikop sa Purok 10, South Poblacion, Maramag, Bukidnon.

Nakuha sa reyd ang mga pakite sa gidudahang shabu lakip ang drug paraphernalia ug pipila ka mga bala sa armas.

Mokabat sa 8.0 gramos ang gibanabanang kinatibuk-ang gibug-aton sa mga nasakmit nga ebidensiya nga gituohang shabu nga adunay gibanabanang kantidad nga Php54,400.00.

Ang search ug physical inventory sa mga nasakmit nga ebidensiya gihimo sa dapit sa pagdakop sa presensya sa suspek ug sa duha ka barangay kagawad ug isa ka miyembro sa media.

Ang dinakpan nga suspek uban sa mga nasakmit nga ebidensiya gidala sa Maramag MPS alang sa dokumentasyon ug saktong disposisyon, samtang ang mga ebidensiya sa droga ug mga bala i-turn-over sa Bukidnon Provincial Forensic Unit sa Malaybalay City, Bukidnon alang sa qualitative ug quantitative examination, ug ballistic examination.

Kasong Paglapas sa Section 11, Article II sa RA 9165 kon Comprehensive Dangerous Drugs Act of 2002 ug Paglapas sa RA 10591 kon “Comprehensive Firearms and Ammunition Regulation Act” ang giandam na alang sa inquest proceedings.

Uban sa pagronda sa Maramag MPS ang mga personahe BUKPDEU ug BukPIU-Tracker Team. (melbmadera)

Php34K droga, nasakmit sa Don Carlos

Posted on by cmn

Nikabat sa Php34,500.00 nga kantidad sa gidudahang shabu ang nasakmit sa drug buy-bust operation nga gipahigayon sa kapolisan kaniadtong Hulyo 21, 2023 sa Purok 7, Don Carlos Norte, Don Carlos, Bukidnon

Ang suspek giila nga si Dennies Asentista y Manalo, 27, minyo, mag-uuma, ug residente sa Purok 8, Calao-Calao, Don Carlos, Bukidnon.

Nakuha gikan kang Asentista ang 5.0735 gramo sa maong droga.

Si Police Maj. Patrick D. Castro, OIC sa Don Carlos MPS nisulti sa iyang report nga gidala na ubos sa ilang kustodiya ang suspek ug kasong paglapas sa RA 9165 ang giandam na batok niini. (MG Mayumi B. Madera)

Tattoo Artist nakuhaag droga sa Don Carlos

Posted on by cmn

Isa ka tattoo artist ang nakuhaag droga sa mga kapolisan sa gipahigayon nga drug buy-bust operation sa P-8, Poblacion Sur, Don Carlos, Bukidnon niadtong Hulyo 12, 2023

Ang suspek giila nga si Ricky Absuelo y Arbuez, target listed, 35, minyo, ug residente sa Sitio Quimtras, Brgy Butong, Quezon, Bukidnon.

Nakuha gikan kaniya ang 4.0735 gramo sa gidudahang shabu nga nagkantidad og Php27,700.00.

Si Police Maj. Patrick D. Castro, OIC sa Don Carlos Municpal Police Station nitaho nga ang suspek anaa na sa kustodiya sa kapolisan ug kasong paglapas sa RA 9165 ang giandam na batok kaniya. (MG Mayumi B. Madera)

HVI Top 1 Priority Target sa Region 10, nakorner

Posted on by cmn

Nakorner sa hiniusang pwersa sa kapolisan ang High Value Individual (HVI) Top 1 Priority Target sa ilegal nga droga sa Region 10

Ang suspek giila nga si Meagan Obial y Heludo alyas “Meagan Gitgano”, 29, dalaga, ug residente sa Purok 6A, North Poblacion, Maramag, Bukidnon.

Sumala sa taho ni Police Maj. Erwin R. Naelga sa Maramag MPS, ang suspek nasikop niadtong Hulyo 6, 2023 sa Purok 2, North Poblacion, Maramag, Bukidnon.

Nasakmit gikan sa suspek ang 9 ka pekete sa gidudahang shabu nga adunay gibug-aton nga 8.5 gramo ug mikantidad og Php57,800.00.

Ang suspek gidala ubos sa kustodiya sa Maramag MPS ug kasong paglapas sa RA 9165 ang giandam batok kaniya. (MG Mayumi B. Madera)

3 lalaki nakuhaag droga sa drug buy-bust sa Lantapan

Posted on by cmn

Tulo ka lalaki ang nakuhaan sa gidudahang droga sa gipahigayon nga drug buy-bust operation sa kapolisan kaniadtong Hunyo, 23, 2023

Ang drug buy-bust nahigayon sa Purok 2, Magnao, Cawayan, Lantapan, Bukidnon. Base kini sa taho sa Bukidnon Police Provincial Office.
Ang tulo ka suspek giila nga sila Glenn Anodon y Barrameda, 48, minyo, negosyante, ug watchlisted; Daveny Glenn Anudon y Delantar, 22, ulitawo, driver, newly identified, parehong residente sa Purok 2, Magnao, Cawayan, Lantapan, Bukidnon; ug si Marlon Pagtalunan y Enero, 36, ulitawo, driver, newly identified, ug residente sa Kibangay, Lantapan, Bukidnon.
Nasakmit gikan sa mga suspek ang gibana-bana nga 5 gramo sa gidudahang shabu nga nagkantidad og Php 34,000.00.
Kasong paglapas sa RA 9165 ang giandam batok sa mga suspek. (MG Mayumi B. Madera)

Php27k shabu, nasakmit sa Maramag

Posted on by cmn

Nikabat sa Php 27,200.00 nga kantidad sa gidudahang shabu ang nasakmit sa mga kapolisan sa Purok 5, South Poblacion, Maramag, Bukidnon niadtong Hunyo 6, 2023

Ang suspek gila nga si Manilyn Cahansa y Espirito, 36, dalaga, ug residente sa maong dapit.

Sumala sa nahipos nga report sa Bukidnon Police Provincial Office, 12 ka pekete sa maong droga nga adunay gibug-aton nga 4gramo ang nasakmit gikan sa suspek.

Kasong paglapas sa R.A. 9165 ang giandam batok sa suspek. (MG Mayumi B. Madera)

Php60k kantidad sa droga, nasakmit sa Malaybalay

Posted on by Omar Rashid Z. Abdullah

Nikabat sa Php60,000.00 nga kantidad sa gidudahang droga ang nasakmit sa hiniusang pwersa sa kapolisan sa Purok 2, Barangay 9, Malaybalay City, Bukidnon

Base sa report nga nahipos sa Bukidnon Police Provincial Office (PPO), ang suspek giila nga si Jabar Pazaulan y Umpar, PNP/PDEA Regional Level High Value Individual (HVI) Top Priority List no. 10), 47, ug minyo.

Siya nakorner sa iyang panimalay kaniadtong Mayo 18, 2023.

Nakorner siya sa gipahigayon nga search and seizure warrant sa kapolisan.

Nasakmit gikan sa suspek ang upat ka peket sa gidudahang shabu nga adunay gibana-bana nga kabug-aton nga 10 gramos.

Ang suspek gidala sa Malaybalay City Police Station alang sa hustong disposasyon.

Kasong paglapas sa article II, section 11 & 12 of RA 9165, ug RA 10591 ang giandam batok kaniya. (Omar Rashid Z. Abdullah)