Saturday, January 28, 2023

Mag-uuma sikop sa drug buy-bust sa Kalilangan

Isa ka mag-uuma ang gisikop sa hiniusang pwersa sa kapolisan sa gipahigayon nga drug buy-bust operation sa Sitio Cogo, Macaopao, Kalilangan, Bukidnon niadtong Enero 16, 2023.

Gibutyag sa report ni Police Maj. Merlin M. Macawili, OIC sa Kalilangan Municipal Police Station, nga ang suspek mao si Minsuari Ampatua y Ampatua aka “Minsu”, 30, minyo, ug residente sa Purok-6, Mimbuaya, Lanao del Sur.

Nakuha gikan sa iyang posesyon ang gibana-bana nga 12 gramo sa gidudahang shabu nga adunay standard drug price nga Php 81,600.00.

Kasong paglapas sa RA 9165 ang gi andam batok sa arestado. (Omar Rashid Z. Abdullah)

3 sikop sa drug buy-bust sa Valencia

Tulo ka lalaki ang sikop sa hiniusang pwersa sa kapolisan sa gipahigayon nga drug buy-bust operation sa Purok 2, Paglaum, Barangay Poblacion, Valencia City, Bukidnon kaniadtong Oktubre 30, 2022.

Ang mga nasikop mao sila: Gabby Belocura y Agcopra, 33, minyo, mekaniko; Renald Palban y Apig, 34, adunay kapuyo, construction worker; ug George Belocura y Agcopra, 35, ulitawo, mekaniko ug parehong residente sa maong dapit.

Nakuha gikan sa ilang posesyon ang onse ka pakete sa gidudahang shabu nga adunay estimated market value nga Php 13,600.00.

Kini nga kasayuran nakuha gikan sa report ni Police Lt. Col. Edward T. Agpalza, officer in charge sa Valencia City Police Station. 

Lalaki sikop sa drug buy-bust sa Valencia

Isa ka lalaki ang nasikop sa hiniusang pwersa sa kapolisan sa gipahigayon nga drug buy-bust operation sa Purok 9, Malingon, Barangay Bagontaas, Valencia City, Bukidnon kaniadtong Oktubre 31, 2022.

Ang gisikop naila nga si Dandy Llido y Pepito, 34, minyo, ug residente sa maong dapit.

Sumala sa report ni Police Lt. Col. Edward T. Agpalza, officer in charge sa Valencia City Police Station, nakuha gikan sa posesyon sa arestado ang tulo ka pekete sa gidudahang shabu nga adunay estimated market value nga Php 10,812.00.

Kasong paglapas sa Section 5 ug 11, Article II sa R.A. 9165 ang giandam na sa pagpasaka sa korte batok sa suspek.