Monday, April 22, 2024

Tag: GAD

Suspek sa Basag Kotse incidents sa Bukidnon nakigpinusilay sa kapulisan

Posted on by Diego M. Hidalgo

Nakigpinusilay sa mga myembro sa Valencia City Police Station ang giingon nga notoryus nga suspek sa Basag Kotse incidents sa Bukidnon

Si Police Lt. Col. Mitchel Clemencio, OIC sa Valencia CPS sa iyang report miingon nga ang

pinusilay nahitabo sa alas 12:46 a.m. sa Marso 1, 2024.

 

Sumala sa report, nabantayan nga gipang-lili sa suspek ang mga sakyanan nga nakaparada sa corner sa Valero ug Antonio Street, Poblacion, Valencia City.

 

Nakigpinusilay ang 28-anyos nga suspek sa nagpatrolyang mga pulis sa dapit.

 

Ang motorsiklo nga gimaneho sa suspek nakadusmo sa lechon manok stall sa daplin sa Sayre

Highway sa Purok uno sa Barangay Lumbo human sa ginukdanay.

 

Gidala ang suspek sa Laviña General Hospital aron matambalan gumikan sa samad pinusilan

nga naangkon sa lawas.

 

Apan gideklarar siya nga patay na sa wala pa mahiabot sa nag-atiman nga doktor.

 

Lakip sa narekober gikan sa suspek ang isa ka kalibre .45 pistola nga adunay steel magazine nga kargado sa upat ka buhing bala.

 

Sa dugang imbestigasyon nasayran nga ang nahisgutang narekober nga armas nakarehistro ug gipanag-iya sa isa ka 46-anyos nga negosyante.

 

Nasuta nga ang maong armas gibutang sulod sa Ford Ranger Raptor nga sakyanan sa negosyante samtang giparking kini sa Jocels Garden, Purok 2, Brgy. Poblacion, Valencia City niadtong Oktubre 7, 2023 sa mga alas 8:50 sa gabii.

 

Giguba ang bintana sa maong sakyanan ug gituyo nga gikuha sa sad-an ang maong armas. (Diego M. Hidalgo)

Serbisyong optikal alang sa mga kabus nakalusot sa SP

Posted on by Omar Rashid Z. Abdullah

Giaprobahan sa Sangguniang Panlungsod (SP) ang Resolution No. 2024-0593 nga naghatag og pagtugot kang Mayor Jay Warren R. Pabillaran sa pagsulod sa isa Memorandum of Agreement (MOA) tali sa City Government of Malaybalay ug sa D’ Vintage Vision Inc

Sumala sa kasayoran, ang kasabotan mahitungod sa serbisyong optikal nga itabang sa mga nailang kabus sa syudad sa Malaybalay.

Human sa masusing pagtuon, atol sa ika 76th regular session niadtong Enero 23, 2024, giduso ni Konsehal Cromwell Kiril D. Dinlayan resolusyon nga hiniusang giuyonan sa konseho.

Nasayran nga kaniadtong Enero 2, 2024, ang buhatan sa mayor nag-endorso ngadto sa SP uban sa paghangyo nga pagatugotan si Pabillaran sa pagsulod sa isa ka kasabotan nga dako og ikatabang sa katawhan labi na kadtong mga kabus nga nanginahanglan sa nasangpit nga serbisyo.

Gidawat sa City Government of Malaybalay ang ilang tanyag sa nasangpit nga serbisyo ug ang duha ka partido miuyon sa uban pang mga termino ug kondisyon nga natala sa nasangpit nga MOA.

Nasayran nga ang D’ Vintage Vision Inc., isa ka optical shop corporation with SEC Registration No. CS201535609 nga nagahatag serbisyo ug produktong optikal. (Omar Rashid Z. Abdullah)

2 nga taga Bukidnon midaug sa Search for 2023 DA-10’s Outstanding Rural Woman

Posted on by cmn

Duha ka mga babaye nga taga Bukidnon ang midaug sa Search for 2023 Department of Agriculture (DA) Northern Mindanao Outstanding Rural Woman

Sumala sa kasayoran sa DA-10, ang duha mao sila Fe Q. Sangco sa Manolo Fortich ug Francis B. Malatamban sa Malaybalay City.
Si Sangco ang nakakuha sa 2nd Place samtang 3rd Place si Malatamban.
Nabitbit ni Sangco ang P30K cash samtang P20K cash ang kay Malatamban.
Ang unang puwesto nakuha ni Mylin V. Tayapad sa Munisipyo sa Lagonglong, Misamis Oriental.
Si Tayapad sab ang representante sa rehiyon ngadto sa national level alang sa “Gawad Parangal sa Katangi-Tanging Kababaihan sa Kanayunan” sa DA.
Ang mga mananaog nakadawat sab og Plaque of Recognition sa DA.
Ang kalihokan gihimo aron pag-ila sa papel ug kontribusyon sa kababayen-an sa kalamboan sa agrikultura.
Gipasiugdahan ang pasidugnog sa DA-NorMin’s Gender and Development (GAD) Unit uban sa Department of Agriculture Women Employees’ Association (DAWEA).
Ang paghatag sa pasindungog sa NorMin’s Outstanding Rural Women sa DA nahigayon sa dakbayan sa Cagayan de Oro niadtong Nobyembre 29.
Giatol kini sa observance sa annual-18-day campaign to end Violence Against Women and Children (VAWC).
Ang DA-NorMin nakighiusa sa gobyerno sa kampanya niini alang sa panaghiusa ngadto sa Violence Against Women-Free (VAW-free) Philippines. (melbmadera)

GAD Focal Point System Executive Committee Holds Quarterly Meeting to Strengthen Gender-Responsive Policies

Posted on by cmn

The GAD Focal Point System Executive Committee convened at the City Mayor’s Conference Room, City Hall compound, last August 30, 2023, marking a significant step towards enhancing gender-responsive policies and uplifting city services. Atty chaired the meeting. Genaro Cadigal Jr., the City Administrator, represents Mayor Azucena P. Huervas

The executive committee’s quarterly meeting served as a platform to review various initiatives’ midyear accomplishments and progress.

The city administrator led discussions on the ongoing projects aimed at improving the lives of Valencianos.

These initiatives encompassed diverse sectors, including security and healthcare for women and children, the amendment of the GAD Code, the establishment of a teen center, a child minding center, and many more.

As the GAD Focal Point System Executive Committee continues its endeavors, Valencia City remains poised to make significant strides toward a more inclusive and prosperous future. The commitment demonstrated in this quarterly meeting echoes the city’s vision of becoming a model for effective governance and equitable community development. (LGU Valencia)