Thursday, December 19, 2024

Tag: GIDA

Tawo giduggab sa igsoon sa Kibawe

Posted on by Diego M. Hidalgo

Isa ka lalaki ang gidunggab patay sa iyang manghod didto sa Purok 9, Romagook, Kibawe, Bukidnon

Ang insidente nahitabo gabii sa Marso 26, 2024, sumala kini sa report ni Police
Major Jayvee G. Babaan, OIC sa Kibawe Municipal Police Station.

Ang 31-anyos nga biktima nakaangkon sa grabing samad dinunggaban sa tuong dughan ug tiyan.

Gidala siya sa Bukidnon Provincial Hospital (BPH) sa Kibawe, Bukidnon apan gideklarar siyang patay sa niatiman nga doktor.

Sumala pa, sayong gabii sa maong petsa, samtang tua sa Barangay Pay-as, Kadingilan, Bukidnon, ang duha samtang nagka-inom sa ilimnong makahubog ang nagkalalis nga niresulta sa pagsinumbagay.

Pagkahuman, ang suspek niadto sa panimalay sa ilang ginikanan sa Romagook aron magkuha sa iyang mga sinina.

Ang duha nagkakita didto pag-usab diin gihapak sa biktima ang walang bukton sa suspek gamit ang palwa sa lubi.

Gumikan niini gihublot sa 26-anyos nga suspek ang iyang dalang kutsilyo ug gidunggab ang iyang magulang makaduha ka higayon.

Ang suspek nasikop sa niresponding kapolisan.

Walay pagsinabtanay sa managsoon ang nakitang motibo sa krimen. (Diego M. Hidalgo)

1 patay, 1 angol human nakuryentihan sa Maramag

Posted on by Omar Rashid Z. Abdullah

Gidala sila sa Saint Joseph Southern Bukidnon Hospital. Patay ang isa ka lalaki samtang angol ang kauban niining trabahante human nakuryentihan sa ilang gitrabahoan sa Purok 8, Brgy. San Miguel, Maramag, Bukidnon

Sumala sa report nahitabo kini niadtong Marso 27, 2024 samtang nagtabaho sa Universal Harvester Dairy Farm Inc. sa dapit.

Gidala sila sa Saint Joseph Southern Bukidnon Hospital.

Apan ang 35-anyos gideklarar nga dead on arrival samtang luwas ang kauban niini.

Sa imbestigasyon, nasayran nga ang mga biktima nagpahigayon og
maintenance repair sa supply sa water pump sa motor pool area sa maong
kompanya.

Samtang ang isa kanila naunlod sa water storage pool, nakuryentihan siya
ug nisinggit og tabang.

Niambak sa pool ang kauban nga trabahante apang nakuryentehan sab
siya.

Nakuha sila sa ilang duha ka mga kauban ug gidala sa hospital human
napalong ang breaker switch. (Omar Rashid Z. Abdullah)

Batang babaye patay, 2 angol sa road mishap sa Don Carlos

Posted on by Omar Rashid Z. Abdullah

Patay ang isa ka batang babaye samtang angol ang duha ka mga drayber human sa road mishap nga nahitabo sa Purok Mauswagon, Barangay Pinamaloy, Don Carlos, Bukidnon hapon sa Marso 2, 2024

Si Police Major Cipriano V. Bazar, Jr., OIC sa Don Carlos Municipal Police Station, miingon sa iyang report nga ang bata nadusmogan sa 10-Wheeler Truck samtang anaa sulod sa ilang panimalay nga anaa sa daplin sa dalan.

 

Ang bata uban sa duha ka mga drayber ang gidala sa Don Carlos Doctor’s Hospital.

 

Apan ang bata gideklarar nga patay nasa wala pa mahiabot.

 

Ang drayber sa truck nakaangkog grabeng kadaot sa lawas ug gi-refer sa Bukidnon Provincial Hospital, Maramag, Bukidnon.

 

Samtang ang drayber sa Bao-bao nagpabilin nga naadmit sa Don Carlos Doctor’s Hospital.

 

Nasuta sa imbestigasyon nga ang 10-Wheeler Truck nagdagan gikan sa habagatang bahin.

 

Sa pag-abot sa dapit sa insidente, nag-overtake kini sa high speed sa tuo nga outer lane, nawad-an og control, nabangga sa solar post ug sa Bao-bao ug nadusmo sa isa ka balay diin tua ang batang babaye.

 

Ang duha ka mga sakyanan nakaangkon og kadaot, nagpabilin sa dapit ug nagpaabot sa isa ka tow truck. (Omar Rashid Z. Abdullah)

Babaye, lalaki gipamusil sa Valencia

Posted on by Heber Quinco

Biktima sa pagpamusil ang babaye ug lalaki sa Aguilar St., Purok 16, Brgy. Poblacion, Valencia City, Bukidnon

Sumala ni Police Lt. Col. Mitchell Clemencio, OIC sa Valencia City Police Station, ang krimen nahitabo pasado alas 3:30 sa buntag niadtong Pebrero 28, 2024.

 

Ang mga biktima isa ka 41-anyos nga lalaki ug 33-anyos nga babaye.

 

Sila gidala sa Adventist Medical Center sa Brgy. Poblacion, Valencia City apan ang lalaki gideklarar nga patay sa wala pa mahiabot.

 

Nasayran nga ang duha nag-inom sa D96 Minimart sa dihang isa ka wala mailhing tawo ang niduol kanila ug gikalalis niini ang babaye nga biktima.

 

Paglabay sa pipila ka minuto, nilakaw ang suspek ug mibalik nga nagdala og mubo nga armas dayon gipusil ang duha ka mga biktima nga naigo sa managlahing bahin sa ilang lawas.

 

Ang suspek daling misibat sa wala masayring direksiyon human sa insidente.

 

Nasayran nga ang lalaki isa ka sekyu nga taga Tanglaw, Davao del Norte samtang ang kaubang babaye taga Talomo, Matina Aplaya, Davao City.

 

Anggulong Love Triangle ang isa sa gilantaw nga hinungdan sa maong krimen.

 

Samtang ang kapolisan nagpadayon pa sa ilang imbestigasyon alang sa pag-ila sa misibat nga suspek. (Diego M. Hidalgo)

Suspek sa Basag Kotse incidents sa Bukidnon nakigpinusilay sa kapulisan

Posted on by Diego M. Hidalgo

Nakigpinusilay sa mga myembro sa Valencia City Police Station ang giingon nga notoryus nga suspek sa Basag Kotse incidents sa Bukidnon

Si Police Lt. Col. Mitchel Clemencio, OIC sa Valencia CPS sa iyang report miingon nga ang

pinusilay nahitabo sa alas 12:46 a.m. sa Marso 1, 2024.

 

Sumala sa report, nabantayan nga gipang-lili sa suspek ang mga sakyanan nga nakaparada sa corner sa Valero ug Antonio Street, Poblacion, Valencia City.

 

Nakigpinusilay ang 28-anyos nga suspek sa nagpatrolyang mga pulis sa dapit.

 

Ang motorsiklo nga gimaneho sa suspek nakadusmo sa lechon manok stall sa daplin sa Sayre

Highway sa Purok uno sa Barangay Lumbo human sa ginukdanay.

 

Gidala ang suspek sa Laviña General Hospital aron matambalan gumikan sa samad pinusilan

nga naangkon sa lawas.

 

Apan gideklarar siya nga patay na sa wala pa mahiabot sa nag-atiman nga doktor.

 

Lakip sa narekober gikan sa suspek ang isa ka kalibre .45 pistola nga adunay steel magazine nga kargado sa upat ka buhing bala.

 

Sa dugang imbestigasyon nasayran nga ang nahisgutang narekober nga armas nakarehistro ug gipanag-iya sa isa ka 46-anyos nga negosyante.

 

Nasuta nga ang maong armas gibutang sulod sa Ford Ranger Raptor nga sakyanan sa negosyante samtang giparking kini sa Jocels Garden, Purok 2, Brgy. Poblacion, Valencia City niadtong Oktubre 7, 2023 sa mga alas 8:50 sa gabii.

 

Giguba ang bintana sa maong sakyanan ug gituyo nga gikuha sa sad-an ang maong armas. (Diego M. Hidalgo)

Babaye gipusil sa Don Carlos

Posted on by Omar Rashid Z. Abdullah

Isa ka babaye ang biktima sa pagpamusil sa Purok 6, Brgy. Embayao, Don Carlos, Bukidnon hapon sa Pebrero 21, 2024

Si Police Major Cipriano V. Bazar, OIC sa Don Carlos Municipal Police Station, miila sa babayeng biktima nga isa ka 47-anyos nga babaye.

 

Ang biktima naigo sa iyang wala nga bitiis, wala nga abaga ug wala nga likod.

 

Siya daling gidala sa Kibawe Provincial Hospital aron matambalan.

 

Sa inisyal nga imbestigasyon, nasayran nga ang biktima nagpahulay/natulog sulod sa iyang barong-barong dihang gipusil sa wa mailhing tawo gamit ang improvised shotgun.

 

Ang suspek nisibat human sa krimen padulong sa wala masayring direksyon.

 

Sumala pa sa biktima nga dihang naigo siya, nisinggit siya og tabang, nikamang paingon sa barangay mga 50-metros ang kalayoon diin isa ka concerned citizen ang nakakita ug mi-rescue kaniya ug nanawagan og police assistance sa PNP Patrol Base sa Brgy. Embayao.

 

Gibutyag pa sa biktima nga ang ilang yuta giangkon sa isa ka lider sa mga lumad nga grupo.

 

Sa pagkutlo ning balita, padayon pa ang imbestigasyon sa Don Cralos MPS alang sa kasolbaran sa maong kaso. (Omar Rashid Z. Abdullah)

Pipila ka kalohokan sa Kaamulan 2024 gipangandaman sa NCIP Bukidnon

Posted on by cmn

Gipangandaman sa National Commission on Indigenous Peoples (NCIP)-Bukidnon Provincial Office ang pipila ka mga kalihukan nga gisalig kanila sa Provincial Government of Bukidnon (PGB) alang sa nagsingabot nga Kaamulan 2024

Sumala sa press release sa PAIA, isa ka Meeting uban sa Indigenous People’s Mandatory Representatives (IMPRs) ang gipangunahan sa NCIP Bukidnon niadtong Enero 26, 2024 nga gipahigayon sa Provincial Office niini sa Malaybalay City, Bukidnon.

Sa pagpakisayud ni Melinda Tulba, OIC sa Bukidnon Provincial Office, siya miingon nga “Yearly nga activity sa Bukidnon ang Kaamulan. Ang among participation sa NCIP isip lead agency nga magtabang sa atong mga kaigsoonang lumad, ang pagtan-aw sa kaayohan ug pagplastar sa mga kaigsoonan nga magpartisipar.”

Sa maong tigum sa IPMRs, gi-usa-usa pag-presenta ang mga kalihukan sa Kaamulan 2024, ug gipalawoman ang pagtuki sa Culture and Arts Exhibits, ingon man ang mga gabayan sa bag-o nga Laga ta Kaamulan, ug uban pa.

Sa Culture and Arts Exhibits, gisiguro sa pagkuha ang commitment sa matag IPMR sa 22 ka mga LGUs sa Bukidnon kabahin sa adlaw nga sila mag-presenta.

Gikahinaman usab sa mga tribal leaders ang maong pagpasundayag, sanglit ning higayona, aduna na’y nakataganang pondo isip pa-premyo kanila.

Mamahimong criteria sa gipangandaman nga Municipality/City ICCs/IPs Cultural Presentation ang mosunod: Exhibits nga 40 porsyento nga naglangkub sa kamahinungdanon sa butang sa kultura, pagkatinuod sa produkto o ginama sa IP, ug pagkanindot sa presentasyon.

Saysenta-porsyento usab sa Presentation sa ilang mga kulturanhong sayaw, kanta, mga traditional nga mga estorya, panultihon, ug mga kasaysayan nga nahimong tamdanan sa matag tribu.

Mitambong sa maong tigum si Regional Director Ordonio P. Rocero, Jr. sa NCIP Region X, kung diin mipadayag sa iyang pagdayeg sa kalig-on sa tribu sa Bukidnon.

Anaa usab si Provincial IPMR Atty. Arbie S. Llesis, kinsa mipadangat sa iyang pakigtimbayayong sa NCIP-Bukidnon ug gidasig ang kahiusahan sa pito ka tribu.

Kamulo pa usab gi-finalize ang mamahimong gabayan sa Laga ta Kaamulan ug gilauman nga magpatawag og laing panagtagbo alang sa pagplastar sa Free and Prior Informed Consent (FPIC) alang sa Kaamulan Street and Ground dancing contingents. (melbmadera)

Serbisyong optikal alang sa mga kabus nakalusot sa SP

Posted on by Omar Rashid Z. Abdullah

Giaprobahan sa Sangguniang Panlungsod (SP) ang Resolution No. 2024-0593 nga naghatag og pagtugot kang Mayor Jay Warren R. Pabillaran sa pagsulod sa isa Memorandum of Agreement (MOA) tali sa City Government of Malaybalay ug sa D’ Vintage Vision Inc

Sumala sa kasayoran, ang kasabotan mahitungod sa serbisyong optikal nga itabang sa mga nailang kabus sa syudad sa Malaybalay.

Human sa masusing pagtuon, atol sa ika 76th regular session niadtong Enero 23, 2024, giduso ni Konsehal Cromwell Kiril D. Dinlayan resolusyon nga hiniusang giuyonan sa konseho.

Nasayran nga kaniadtong Enero 2, 2024, ang buhatan sa mayor nag-endorso ngadto sa SP uban sa paghangyo nga pagatugotan si Pabillaran sa pagsulod sa isa ka kasabotan nga dako og ikatabang sa katawhan labi na kadtong mga kabus nga nanginahanglan sa nasangpit nga serbisyo.

Gidawat sa City Government of Malaybalay ang ilang tanyag sa nasangpit nga serbisyo ug ang duha ka partido miuyon sa uban pang mga termino ug kondisyon nga natala sa nasangpit nga MOA.

Nasayran nga ang D’ Vintage Vision Inc., isa ka optical shop corporation with SEC Registration No. CS201535609 nga nagahatag serbisyo ug produktong optikal. (Omar Rashid Z. Abdullah)

Pagpamusil natala sa Malaybalay

Posted on by Diego M. Hidalgo

Isa ka lalaking 18-anyos ang gipusil patay didto sa Diversion Road, Brgy. Kalasungay, Malaybalay City

Sumala sa report sa kapolisan, ang insidente nahitabo pasado alas 8:35 sa gabii niadtong Nobyembre 28.

Ang biktima nakaangkon sa grabing duha ka samad pinusilan sa taas nga bahin sa walang likod.

Gidala siya sa Bukidnon Provincial Medical Center sa Malaybalay apan gideklarang patay na wala pa mahiabot.

Giingon nga ang biktima nagmaneho sa motorsiklo sakay ang duha ka mga pasahero padulong sa Sityo Damitan, Brgy. Dalwangan sa dakbayan.

Matod sa imbestigasyon sa kapolisan, ni-overtake ang laing motorsiklo sakay ang duha ka mga tawo. Gipahunong sila sa mga suspek nga armado sa hand gun apan wala kini paminawa sa biktima. Sa kalit gipusil ang biktima makaduha ka higayon ug nabalintong ang motorsiklo nga ilang gisakyan.

Padayon pa ang imbestiagsyon sa kapolisan sa Malaybalay aron pagsuta sa motibo sa krimen ug pag-ila sa misibat nga mga suspek. (Diego M. Hidalgo)

DOST, LGU Pangantucan to improve science, tech info access in GIDA areas through STARBOOKS

Posted on by cmn

In partnership with the Local Government Unit of Pangantucan and the Department of Education Division of Bukidnon, the Department of Science and Technology provides seven STARBOOKS units in seven public high schools in Pangantucan. STARBOOKS is the country’s first digitized library

The school beneficiaries are Pangantucan National High School, Bacusanon National High School, Bangahan Integrated School, Kimanait National High School, Langcataon National High School, San Isidro High School, and Pangantucan Bukidnon Community College.

The project holds immense potential for the 4,944 high school students, 1,389 college students, and 890 teachers who have long depended on limited books and unreliable internet access. These schools predominantly serve Indigenous Peoples (IP) students from the Manobo tribe.

During the turnover ceremony, Dr. Lanila M. Palapar, Assistant Schools Division Superintendent, encouraged the attending teachers to embrace continuous learning and engage with new technologies.

“Let us not stop learning for ourselves and for our students,” Palapar emphasized, highlighting the importance of keeping pace with the evolving educational landscape.

The significance of the STARBOOKS project was further highlighted by the Science Research Specialist of DOST Bukidnon, Grazelle Dela Cruz, who showcased its vast array of resources that will now be readily available to students and teachers alike. STARBOOKS is a digital library that offers free access to hundreds of thousands of theses, K-12 modules, DRRM materials, research papers, theses, dissertations, and S&T news.

The Science and Technology Research-Based Openly Operated Kiosk (STARBOOKS) is an innovation of the DOST Science and Technology Information Institute.

Expressing gratitude for the initiative, Dr. Ellen A. Azuelo, Education Program Supervisor and also the project leader, commended the DOST for its efficient and comprehensive project implementation process.

LGU Pangantucan’s Executive Assistant, Rolando Franco, also encouraged the other schools in the MunicipalityMunicipality to avail of the same project for inclusive education opportunities.

Dr. Ligaya S. Gonzales, School Principal of Pangantucan National High School, expressed hope that this intervention from the DOST would be followed by further support for STEM education in Pangantucan, fostering a solid foundation for the high school learners’ academic journey.

By providing accessible and up-to-date information, the project aims to empower students to pursue STEM courses and become valuable contributors to the S&T human capital of the country. With the collaborative efforts of the DOST, DepEd, and local educational institutions, the future of S&T education in Pangantucan will be brighter than ever. (Rashia Mae Deva Paano/DOST 10)