Friday, March 31, 2023

Tag: Kalilangan

3 ka mga LGU magtigi alang sa Kaamulan 2023 crown

Posted on by cmn

Alang sa kasaulogan sa Kaaumulan ning tuig, tulo lang ka mga local government unit sa Probinsya sa Bukidnon ang mag ilog alang sa korona sa street dancing

Ang tulo mao ang munisipyo sa Kalilangan ug mga dakbayan sa Malaybalay ug Valencia.

Ang uban nga mga contender nibalibad sa pag-apil tungod sa kakulang sa budget.

Si Butch Melendez, Provincial Tourism Officer niingon nga ang kinatibuk-ang pondo nga gigahin alang sa kasaulugan sa Kaamulan ning tuig, nikabat sa P17, 479,000.00.

Dugang niya, ang tulo ka partisipante adunay P2,000,000.00 nga subsidy matag isa.

Ang premyo sa unang pwesto nikantidad og P150,000.00, sa ikaduhang pwesto adunay P100,000.00, ug P75,000.00 alang sa ikatulong pwesto.

Ang street dancing competition gikatakdang ipahigayon karong Abril 22 nga magsugod sa alas 6:00 sa buntag.

Gawas pa niana, daghan sab ang mga nakalinyang kalihokan sama sa binibing bukidnon, motocross, dance sports, boxing, foodfest, musical fireworks ug uban pa.

Kini nga kasayuran nasayran kaniadtong Marso 06, atol sa media briefing nga gipangunahan ni Gov. Rogelio Roque nga gipahigayon sa The Garden ning dakbayan sa Malaybalay. (MG Mayumi B. Madera)

IPLAN holds workshop on PCIP updating in Bukidnon

Posted on by cmn

MALAYBALAY CITY, BUKIDNON – In order to identify the prioritization of interventions of commodities in Bukidnon, the IPLAN component together with the Provincial Project Management and Implementing Unit (PPMIU) of Bukidnon conducts a workshop on the updating of the Provincial Commodity Investment Plan (PCIP) on March 2, 2023

The interventions are based on the identified gaps, constraints, and challenges of each commodity with value chain analysis from the municipalities while considering climate risks and mitigation measures.

Commodities to be updated are abaca, banana (cardava and lakatan), cacao, cassava, coffee, dairy cattle, oil palm, organic rice, rubber, and swine carcass.

Further, coming in is the coconut that will sum up the 12 commodities for the province.

The updated Provincial Commodity Investment Plan (PCIP) was presented to the Provincial Development Council (PDC) last March 7, 2023.

Moreover, DA 10 OIC-Regional Executive Director and RPCO-10 Project Director Carlene C. Collado calls for the LGUs to fast-track the PCIP enhancement.

“In order to be included in the prioritization run, the updating of your PCIP is vital. This is one of the requirements for the approval of your project proposals,” said Director Collado.

The workshop is participated by the Municipal Agriculturists (MA) and Municipal Planning & Development Coordinators (MPDC) from Baungon, Cabanglasan, Damulog, Dangcagan, Don Carlos, Impasug-ong, Kadingilan, Kalilangan, Kibawe, Kitaotao, Lantapan, Libona, Malitbog, Manolo Fortich, Maramag, Pangantucan, Quezon, San Fernando, Sumilao, Talakag, and the City Local Government Units (CLGUs) of Malaybalay and Valencia. (DA RFO-10)

3 lalaki nakuhaan og droga sa Valencia

Posted on by Diego M. Hidalgo

Adunay tulo ka lalaki ang nakuhaan og gidudahan nga droga pinaagi sa drug buy-bust operation nga gipahigayon sa hiniusang pwersa sa kapolisan managlahing lugar niadtong Pebrerp 28, 2023

Adunay tulo ka lalaki ang nakuhaan og gidudahan nga droga pinaagi sa drug buy-bust operation nga gipahigayon sa hiniusang pwersa sa kapolisan managlahing lugar niadtong Pebrerp 28, 2023.

Sa report nga nahipos sa Bukidnon Police Provincial Office, ang tulo giila nga sila Morgan Miranda y Iganacio alyas “Gon”, Noraldni Radyamoda y Mangoramka alyas “Kim”, ug Jhalil Ale y Pendaton alyas “Lee”.

Si Miranda, 49, ulitawo, construction worker ug residente sa Purok 2, Barangay Bagontaas, Valencia City Bukidnon. Siya nakuhaan og 5.3 gramo sa gidudahang shabu nga adunay estimated market value nga Php 36,040.00.

Si Radyamoda, 22, ulitawo, ug residente sa Barangay Central, Kalilangan, Bukidnon. Siya nasikop sa Purok 2, Barangay Lumbo, Valencia City, Bukidnon. Nakuha gikan sa iyang posesyon ang 6 gramo sa gidudahang shabu nga adunay market value nga Php40,800.00.

Samtang si Ale, 28, newly identified, minyo, mag-uuma, ug residente sa Purok 2b North Poblacion, Maramag, Bukidnon. Siya nakorner sa Purok 2b, Barangay Lumbo, Valencia City, Bukidnon. Nasakimit gikan kaniya ang 7 gramo sa gidudahang shabu nga adunay kantidad nga Php47,600.00.

Kasong paglapas sa Section 5 & 11, Article II of R.A. 9165 ang giandam batok sa mga suspek. (Diego M. Hidalgo)

Php20K shabu nasakmit sa Kalilangan

Posted on by Diego M. Hidalgo

Nikabat sa Php20K nga kantidad sa gidudahang shabu ang nasakmit sa drug buy-bust operation sa hiniusang pwersa sa kapolisan kaniadtong Pebrero 15 sa Sitio Ticub, Pamotolon, Kalilangan, Bukidnon

Sa report nga nahipos sa Bukidnon Police Provincial Office, ang suspek giila nga si Sonora Basher y Mala alyas “Mira Dimalipos”, 41, divorced, ug residente sa Barangay Cabasaran, Pantar, Lanao del Norte.

Kasong paglapas sa RA 9165 ang giandam na batok sa suspek. (Diego M. Hidalgo)

Linog mitay-og sa pipila ka lugar sa Mindanao

Posted on by Diego M. Hidalgo

Isa ka 6.0-magnitude nga linog ang nitay-og sa New Bataan, Davao de Oro ug kasikbit nga mga dapit kaniadtong Peb. 1, ala 6:44 sa gabii, matod sa Philippine Institute of Volcanology and Seismology (Phivolcs)

Base sa taho sa The Manila Bulletin, ang Phivolcs niingon nga ang 6.0-magnitude nga linog nga nagpasabot nga kini tungod sa paglihok sa isa ka active fault duol sa lugar.

Intensity V ang nabati sa New Bataan ug Nabunturan sa Davao de Oro; ug intensity IV sa Davao City ug Bislig City, Surigao del Sur.

Intensity III ang natala sa Damulog, Kadingilan, Kalilangan, Libona, Pangantucan ug Talakag, sa Bukidnon; Cagayan De Oro; Cagwait, Bislig, Hinatuan sa Surigao del Sur; Kidapawan City, Cotabato; Alabel, Sarangani; Tupi, South Cotabato.

Intensity II sa El Salvador, Villanueva sa Misamis Oriental; Aleosan, Antipas, Arakan, Carmen, Kabacan, Kidapawan, Libungan, M’lang, Magpet, Makilala, Matalam, Pikit, ug Tulunan, Cotabato; Tandag, Surigao del Sur Koronadal, Tampakan, South Cotabato; Kalamansig, Sultan Kudarat; Cotabato; Cabadbaran, Agusan del Norte; Libona, Malaybalay, Bukidnon; Don Marcelino, Davao Occidental; Malapatan, Glan, and Kiamba, Sarangani; Norala, General Santos City.

Samtang Intensity I sa Alamada, Cotabato; Baybay and Dulag, Leyte; Cagayan de Oro, Misamis Oriental; Maitum, Sarangani; Suralla, Santo Nino, T’Boli, and Tantangan, South Cotabato; Saint Bernard, Southern Leyte; Esperanza, Tacurong, Columbio, Sultan Kudarat; Surigao City, Surigao Del Norte

Ang Phivolcs niingon nga parehong aftershocks ug kadaot sa imprastraktura ang gipaabot gikan sa pinakaulahing linog. (Diego M. Hidalgo)

Katukuran sa 2 ka RTC branches sa Bukidnon, gihangyo kang Sen. Pres. Zubiri

Posted on by cmn

Gihangyo sa 27th Sangguniang Panlalawigan si Senate President Juan Miguel F. Zubiri sa paghimo og balaod nga magtukod sa dugang duha ka Regional Trial Court (RTC) Branch, 10th Judicial Regional nga ipahimutang sa lungsod sa Maramag ug Don Carlos, Bukidnon

Gitandi sa 27th SP ang probinsya sa Bukidnon ug Misamis Oriental, basi sa 2020 Population Census sa Philippine Statistics Authority (PSA), nasuta nga adunay dakong diperensya sa kadaghanon sa populasyon sa duha ka probinsya. Diin ang Misamis Oriental aduna lamang populasyon nga 956,900 apan adunay 18 ka RTC Branches, samtang ang Bukidnon, adunay 1,541,308 nga populasyon, apan aduna lamang walo ka RTC Branches.

Mo-ihap ngadto sa 3,685 ang collective caseload sa tibuok RTC sa Bukidnon as of Jan. 2022, diin 3,566 niini ang mga kaso nga natanggong o pending sa RTC Branch 8,9,10,45,46 ug 119 ang pending case sa RTC Branch 11. Samtang as of Sep. 2022, ang pending cases mo-ihap na ngadto sa 3,678, diin 3,589 niini ang gikan sa RTC Branch 8,9,10,45,46 ug 89 ang gikan sa Branch 11.

Gisugyot nga ang RTC Branch nga ipahimutang sa lungsod sa Maramag, adunay territorial jurisdiction unya sa mga lungsod sa Maramag, Quezon, Pangantucan ug Kalilangan, samtang ang lain pa nga RTC Branch nga ipahimutang sa Don Carlos mao usab ang magtutok sa mga kaso gikan sa mga lungsod sa Don Carlos, Kitaotao, Dangcagan, Kibawe, Damulog ug Kadingilan.

Sa maong lakang gikinahanglan usab nga mapahimutang unya ang Prosecutor’s Sub-Office, Public Attorney’s Office, Parole and Probation Office, Bureau of Jail Management and Penology ug Hall of Justice nga magamit sa usa ka RTC sa Maramag ug Don Carlos, Bukidnon, nga gi-inagurahan na niadtong Pebrero 22, 2022 ug Marso 22, 2022.

Gikunsidera sa SP nga kung madugangan ang RTC Branches sa probinsya, mas mapadali ug mapasayon ang paglihok sa kaso, sa ingon, dali na usab ang pagkab-ot sa hustisya. (PR)

No. 9 most wanted sa R-10, ug uban pa nakorner

Posted on by Diego M. Hidalgo

Nakorner sa hiniusang pwersa sa kapolisan ang top 9 most wanted person sa Region 10 sa gipahigayon nga search warrant operation sa Purok 1, Central Poblacion, Kalilangan, Bukidnon niadtong Enero 23, 2023

Sa report ni Police Maj. Merlin M. Macawili, oic sa Kalilangan MPS, ang nakorner naila nga si Van Malanhay Vicerra, Top 9 most wanted person sa Region 10, 51, adunay kapuyo ug si Yolany Bongabong Fiola, 45, adunay kapuyo.

Nakuha sa ilang posesyon ang 12 gramo sa gidudahang shabu nga adunay estimated standard drug price nga Php 81,600.00.

Kasong paglapas sa Section 11 ug 12, Article II of RA 9165 ang gi andam batok nila.

Sa laing bahin, nadakpan usab sa kapolisan ang top 9 ug top 10 most wanted person sa Bukidnon kaniadtong Enero 23, 2023 sa managlahing lugar.

Sa report nga nahipos sa Bukidnon Police Provincial Office, ang duha giila nga si Romulo Quirino Y Ragandang, 42, minyo, dicer ug residente sa Purok-3, Batangan, Valencia City, Bukidnon ug si Jojo Martil y Man-Umpong, 33, minyo ug residente sa Purok 1, Kipaypayon, Quezon, Bukidnon.

Si Quirino, gidakop sa kasong Statutory Rape didto sa Purok-3, Batangan, Valencia City, Bukidnon.

Samtang si Martil gisikop sa kasong Frustrated Murder didto sa Purok 1, Kipayayon, Quezon, Bukidnon.

Si Quirino anaa na ubos sa kustodiya sa Valencia CPS ug si Martil sa Quezon MPS alang sa hustong disposasyon. (Diego M. Hidalgo)

2 patay sa pagpangdunggab sa Kalilangan

Posted on by Omar Rashid Z. Abdullah

Duha ka lalaki ang patay atol sa birthday party celebration nga nahigayon sa Pendon’s Spring Resort sa Kinura, Kalilangan, Bukidnon niadtong Enero 21 sa alas 6:30 sa gabie

Giingon ni Police Maj. Merlin M. Macawili, oic sa Kalilangan Municipal Police Station sa iyang report nga ang mga biktima naila nga si Benjie Gatera Babon, ulitawo, laborer ug residente sa P-5, Kidansalan, Public, Kalilangan, Bukidnon ug Ronnel Monelio Domingo, 21, ulitawo, laborer ug residente sa P-11, Lampanusan, Kalilangan, Bukidnon.

Gikataho nga ang mga biktima uban sa mga suspek nag-inom ug nag videoke atol sa birthday party celebration nga ilang gi-apilan ug didto nahitabo ang pagpangdunggab.

Ang mga suspek giila nga sila Reynato Samiao y Cañedo, 40, minyo, laborer; Pablito Cumahig y Alpeche, 44, minyo, laborer; Christopher Cumahig y Alpeche, 43, adunay kapuyo; Gilbert Acuerdo y Samiao, 19, ulitawo; ug Jerry Samiao y Cañedo (hospital arrest), 32, adunay kapuyo ug tanan residente sa Brgy. Bang-bang, Kalilangan, Bukidnon. Ug isa ka wala mailhi nga suspek nga naka ikyas.

Ang mga biktima gidala sa Bukidnon Provincial Hospital sa Kalilangan apan gideklara nga dead on arrival. (Omar Rashid Z. Abdullah)

27th SP walay pagsupak sa giduso nga House Bill no. 5999 ni Cong. Zubiri

Posted on by cmn

Nagpadayag nga walay pagsupak ang mga miyembro sa 27th Sangguniang Panlalawigan (SP) sa House Bill No. 5999 nga giduso ni 3rd District Congressman Jose Ma. R. Zubiri, Jr., pinaagi sa Resolution No. 2023-986 (27th SP) nga giulohan ni Board Member Nemesio B. Beltran, Jr., pinetsahan Enero 10, 2023, atol sa ika-23 nga regular session sa 27th SP

Mahinumduman nga una nang nagpalabang ang 27th SP sa Resolution No. 2022-476 nga nagsugyot ngadto sa House of Representatives ug Senate of the Philippines nga dugangan ug usa ka distrito ang probinsya, nga pagalangkuban sa mga LGUs gikan sa ika-tulong distrito.

Sa re-districting version ni Cong. Zubiri, nagpabilin ang mga LGUs nga maglangkob sa 1st District, aduna lamang kausaban sa komposisyon sa mga LGUs alang sa ika-duha hangtud sa ika-lima nga distrito, apan gisuguro nga makab-ot ang constitutional requirement nga 250,000 population matag distrito, subay sa data sa PSA as of May 1, 2020.

1st District – Baungon – 37,111; Libona- 48,965; Malitbog- 26,741; Manolo Fortich- 113,200; Sumilao- 29,531; Talakag- 77,027. Total population: 332,575.

2nd District – Impasugong- 53,863; Lantapan-65,974; City of Malaybalay- 190,712. Total population: 310,549.

3rd District – Kalilangan- 43,711; Maramag- 108,293; Pangantucan- 56,580; Quezon- 109,624. Total population: 318,208.

4th District – Cabanglasan- 36,286; City of Valencia- 216,546; San Fernando- 63,045. Total population: 315,877.

5th District – Damulog- 39,322; Dangcagan- 26,076; Don Carlos- 69,273; Kadingilan- 33,735; Kibawe- 41,897; Kitaotao- 53,796. Total population: 264,099

Gilantaw sa 27th SP nga ang maong sugyot, magresulta sa mas paspas nga kalambuan sa matag distrito alang sa kaayuhan sa katawhan. Samtang, ang kopya sa maong resolusyon ipasa ngadto sa tanang district representatives sa Bukidnon, Senate President Juan Miguel F. Zubiri, House Speaker Ferdinand Martin G. Romualdez, Governor Rogelio Neil P. Roque, tanang mga mayores ug sanggunian sa probinsya, alang sa ilang kasayuran ug basihan. (PR)

Mag-uuma sikop sa drug buy-bust sa Kalilangan

Posted on by Omar Rashid Z. Abdullah

Isa ka mag-uuma ang gisikop sa hiniusang pwersa sa kapolisan sa gipahigayon nga drug buy-bust operation sa Sitio Cogo, Macaopao, Kalilangan, Bukidnon niadtong Enero 16, 2023.

Gibutyag sa report ni Police Maj. Merlin M. Macawili, OIC sa Kalilangan Municipal Police Station, nga ang suspek mao si Minsuari Ampatua y Ampatua aka “Minsu”, 30, minyo, ug residente sa Purok-6, Mimbuaya, Lanao del Sur.

Nakuha gikan sa iyang posesyon ang gibana-bana nga 12 gramo sa gidudahang shabu nga adunay standard drug price nga Php 81,600.00.

Kasong paglapas sa RA 9165 ang gi andam batok sa arestado. (Omar Rashid Z. Abdullah)