Nagmalampuson nga napahigayon ang Kanak Ha Banuwa Ultramarathon 7 Series – Leg 2 kaniadtong Abril 15-16, 2023, sa VCES Oval Grounds, Poblacion, Valencia City, Bukidnon
Adunay kinatibuk-ang 198 ka mga runners ang misalmot sa maong kompetisyon nga nagagikan sa Bukidnon, Cagayan de Oro City, Cotabato, Iloilo, Tagoloan, Lanao Del Sur, Cebu City, og Davao City.
Ang ruta nagagikan sa VCES oval grounds, Valencia City ngadto na sa Lantapan via Aglayan and vice versa.
Ang mga nagmalampusong midaug sa nagkadaiyang kategorya nakadawat sa medalya, cash ug trophy.
Ang mga kategorya nga gisalmutan sa mga participante mao ang 60km 50 & above men category, 60km 50 & above women category, 60km men category, 60km women category, 21km men category, 21km women category, 10km men category, 10km women category, 5km men category, ug 5km women category. (MG Mayumi B. Madera)