Isa ka gatos ug baynte singko (125) ang ni-graduate sa skills training sa Munisipyo sa Lantapan ubos sa pagpakigtambayayong sa training provider, Technical Education and Skills Development Authority (TESDA) ug kagamhanang lokal.
Ang 25 kanila nitapos sa pagbansay ubos sa SMAW NCI, 50 sa Pre-lay ug Lay activities leading to animal production (Poultry chicken) NCII, ug laing 50 sa Prepare Land for Agricultural Crop Production leading to Agricultural Crop Production NCIII.
Nahigayon ang seremonya sa graduation sa Gymnasium sa munisipyo hapon sa Pebrero 26. Nanguna sa programa si Mayor Ernie Devivar ug uban niya ang mga miyembro sa konseho.
Nahimong dinapit nga mamumulong si 3rd district Rep. Manuel “Manoy” F. Zubiri ug Manolo Fortich Mayor Clive Quiño.
Diha sab ang representante sa TESDA nga si Sidney Verano ug ang training provider nga si Retired Police Colonel turned farmer Edgardo Villamayor sa Malaybalay City.