Friday, March 31, 2023

Tag: Libona

Linog mitay-og sa pipila ka lugar sa Mindanao

Posted on by Diego M. Hidalgo

Isa ka 6.0-magnitude nga linog ang nitay-og sa New Bataan, Davao de Oro ug kasikbit nga mga dapit kaniadtong Peb. 1, ala 6:44 sa gabii, matod sa Philippine Institute of Volcanology and Seismology (Phivolcs)

Base sa taho sa The Manila Bulletin, ang Phivolcs niingon nga ang 6.0-magnitude nga linog nga nagpasabot nga kini tungod sa paglihok sa isa ka active fault duol sa lugar.

Intensity V ang nabati sa New Bataan ug Nabunturan sa Davao de Oro; ug intensity IV sa Davao City ug Bislig City, Surigao del Sur.

Intensity III ang natala sa Damulog, Kadingilan, Kalilangan, Libona, Pangantucan ug Talakag, sa Bukidnon; Cagayan De Oro; Cagwait, Bislig, Hinatuan sa Surigao del Sur; Kidapawan City, Cotabato; Alabel, Sarangani; Tupi, South Cotabato.

Intensity II sa El Salvador, Villanueva sa Misamis Oriental; Aleosan, Antipas, Arakan, Carmen, Kabacan, Kidapawan, Libungan, M’lang, Magpet, Makilala, Matalam, Pikit, ug Tulunan, Cotabato; Tandag, Surigao del Sur Koronadal, Tampakan, South Cotabato; Kalamansig, Sultan Kudarat; Cotabato; Cabadbaran, Agusan del Norte; Libona, Malaybalay, Bukidnon; Don Marcelino, Davao Occidental; Malapatan, Glan, and Kiamba, Sarangani; Norala, General Santos City.

Samtang Intensity I sa Alamada, Cotabato; Baybay and Dulag, Leyte; Cagayan de Oro, Misamis Oriental; Maitum, Sarangani; Suralla, Santo Nino, T’Boli, and Tantangan, South Cotabato; Saint Bernard, Southern Leyte; Esperanza, Tacurong, Columbio, Sultan Kudarat; Surigao City, Surigao Del Norte

Ang Phivolcs niingon nga parehong aftershocks ug kadaot sa imprastraktura ang gipaabot gikan sa pinakaulahing linog. (Diego M. Hidalgo)

27th SP walay pagsupak sa giduso nga House Bill no. 5999 ni Cong. Zubiri

Posted on by cmn

Nagpadayag nga walay pagsupak ang mga miyembro sa 27th Sangguniang Panlalawigan (SP) sa House Bill No. 5999 nga giduso ni 3rd District Congressman Jose Ma. R. Zubiri, Jr., pinaagi sa Resolution No. 2023-986 (27th SP) nga giulohan ni Board Member Nemesio B. Beltran, Jr., pinetsahan Enero 10, 2023, atol sa ika-23 nga regular session sa 27th SP

Mahinumduman nga una nang nagpalabang ang 27th SP sa Resolution No. 2022-476 nga nagsugyot ngadto sa House of Representatives ug Senate of the Philippines nga dugangan ug usa ka distrito ang probinsya, nga pagalangkuban sa mga LGUs gikan sa ika-tulong distrito.

Sa re-districting version ni Cong. Zubiri, nagpabilin ang mga LGUs nga maglangkob sa 1st District, aduna lamang kausaban sa komposisyon sa mga LGUs alang sa ika-duha hangtud sa ika-lima nga distrito, apan gisuguro nga makab-ot ang constitutional requirement nga 250,000 population matag distrito, subay sa data sa PSA as of May 1, 2020.

1st District – Baungon – 37,111; Libona- 48,965; Malitbog- 26,741; Manolo Fortich- 113,200; Sumilao- 29,531; Talakag- 77,027. Total population: 332,575.

2nd District – Impasugong- 53,863; Lantapan-65,974; City of Malaybalay- 190,712. Total population: 310,549.

3rd District – Kalilangan- 43,711; Maramag- 108,293; Pangantucan- 56,580; Quezon- 109,624. Total population: 318,208.

4th District – Cabanglasan- 36,286; City of Valencia- 216,546; San Fernando- 63,045. Total population: 315,877.

5th District – Damulog- 39,322; Dangcagan- 26,076; Don Carlos- 69,273; Kadingilan- 33,735; Kibawe- 41,897; Kitaotao- 53,796. Total population: 264,099

Gilantaw sa 27th SP nga ang maong sugyot, magresulta sa mas paspas nga kalambuan sa matag distrito alang sa kaayuhan sa katawhan. Samtang, ang kopya sa maong resolusyon ipasa ngadto sa tanang district representatives sa Bukidnon, Senate President Juan Miguel F. Zubiri, House Speaker Ferdinand Martin G. Romualdez, Governor Rogelio Neil P. Roque, tanang mga mayores ug sanggunian sa probinsya, alang sa ilang kasayuran ug basihan. (PR)

7th most wanted person sa Bukidnon gisikop sa Libona

Posted on by Omar Rashid Z. Abdullah

Isa ka mag-uuma kinsa nailang 7th most wanted person sa Bukidnon ang nasikop sa hiniusang puwersa sa kapolisan didto sa Brgy. Sil-ipon, Libona, Bukidnon buntag sa Mayo 30.

Si Police Major Noel F. Cano, officer in-charge sa Manolo Fortich Municipal Police Station sa iyang report, niila sa akusado nga si Romy Tunhawan y Jurayan, 58, minyo, mag-uuma ug residente sa Purok 2, Brgy. Dahilayan, Manolo Fortich, Bukidnon.

Gisikop siya pinasubay sa warrant of arrest nga nakadokit sa kaso kriminal numero 14-08-5163 sa kasong parricide. Giisyu kini ni Huwis Jose U. Yamut Sr., presiding judge, Regional Trial Court, 10th Judicial Region, Branch 11, Manolo Fortich Bukidnon pinetsahan February 26, 2015 ug wala girekomindang bail alang sa temporaryong kagawasan sa suspek.

Sa pagkutlo ning balita, ang suspek ubos sa kustodya sa kapolisan sa Manolo Fortich.