Gipasidunggan sa Dakbayan sa Malaybalay ang mga mananaog sa search for Barangay LTIA (Lupon Tagapamayapa Incentive Awards)
Base sa pahibalo sa City Government of Malaybalay, sila gitagaag pasidungog atol sa selebrasyon sa ika-146 nga Aldaw Ta Malaybalay program niadtong Hunyo 15, 2023.
Ang awarding ceremony gipahigayon sa Folk Arts Theater, sa Kaamulan grounds ning dakbayan.
Ang mga mananaog sa Category A mao ang Barangay Magsaysay, Barangay Bangcud, ug Barangay Kalasungay.
Samtang ang mga mananaog sa Category B mao ang Barangay St. Peter, Barangay Dos, ug Barangay Otso.
Ang Barangay LTIA nagtumong sa pag-ila sa talagsaong mga paningkamot sa Lupon Tagapamayapa, kinsa adunay mahinungdanong papel sa pagpasiugda sa kalinaw ug pagsulbad sa mga panagbangi sulod sa ilang tagsa-tagsa ka komunidad. (MG Mayumi B. Madera)
