Malaybalay - Central Mindanao Newswatch

Programa sa negosyo ug trabaho alang sa PWD, aprobado na sa SP

Posted on March 25, 2023March 25, 2023 by Omar Rashid Z. Abdullah

Giaprobahan na sa Sangguniang Panlungsod ang Resolution No. 2023-0274, mao ang Memorandum of Agreement tali sa City Government of Malaybalay ug sa Bukidnon State University (BukSU)

Base sa pahibalo sa lokal nga panggamhanan, ang memorandum mahitungod sa Persons with Disabilities Empowered for Employment and Entrepreneurship (PWDEE).

Nasayran nga ang Hospitality Management Department sa BukSU nagmugna og community-based training program diin maglambigit kini sa PWD dinhi sa dakbayan ug andam usab ang City Government of Malaybalay sa pakigtimbayayong ug pagtabang sa maong programa.

Ang tumong ug tinguha sa maong proyekto nga matudluan ug mapalambo ang abilidad sa PWDs ug mahatagan usab sila sa kahigayonan sa pagnegosyo ug pagpanarbaho. (Omar Rashid Z. Abdullah)

Bukidnon farmers dominate regional coffee competition

Posted on March 25, 2023March 25, 2023 by cmn

Seven farmers from Pangantucan, Bukidnon were awarded for their quality coffee beans during the first Northern Mindanao Coffee Quality Competition. The awarding was held in Malaybalay, Bukidnon last March 18, 2023

Based on DTI Region 10, the coffee quality competition consists of two categories; the Arabica category and Robusta category.

Manolito Garces of New Eden, Pangantucan placed first for his Arabica coffee beans with 87.13% rating. Followed by Aiza Inahan from Pigtauranan, Pangantucan, Bukidnon with 85.15%; Arnold Pina of Pigtauranan, Pangantucan with 84.19%; Marion Inahan also from Pigtauranan, Pangantucan with 83.75%; MILFACO from Miarayon, Talakag, Bukidnon with 82.94; and Aurora Chiong form Claveria, Misamis Oriental with 81.40%.

Meanwhile, Primitiva Mahumot still from Pigtauranan, Pangantucan, Bukidnon won first place in the Robusta category with a rating 84.38%; 2nd place is Ranel Balatero from Pigtauranan, Pangantucan with 83.31%; 3rd is Noel Duyongan from Kibenton, Impasug-ong, Bukidnon with 83.25%; Marvin Dagohoy in 4th place from Pigtauranan, Pangantucan with 82.63%; and Dennis Ong in 5th place from Claveria, Misamis Oriental with 81.5%.

The competition was held last March 14-17, 2023 at the Coffee Cupping Laboratory of Central Mindanao University (CMU), Bukidnon. (MG Mayumi B. Madera)

3 ka mga LGU magtigi alang sa Kaamulan 2023 crown

Posted on March 11, 2023March 11, 2023 by cmn

Alang sa kasaulogan sa Kaaumulan ning tuig, tulo lang ka mga local government unit sa Probinsya sa Bukidnon ang mag ilog alang sa korona sa street dancing

Ang tulo mao ang munisipyo sa Kalilangan ug mga dakbayan sa Malaybalay ug Valencia.

Ang uban nga mga contender nibalibad sa pag-apil tungod sa kakulang sa budget.

Si Butch Melendez, Provincial Tourism Officer niingon nga ang kinatibuk-ang pondo nga gigahin alang sa kasaulugan sa Kaamulan ning tuig, nikabat sa P17, 479,000.00.

Dugang niya, ang tulo ka partisipante adunay P2,000,000.00 nga subsidy matag isa.

Ang premyo sa unang pwesto nikantidad og P150,000.00, sa ikaduhang pwesto adunay P100,000.00, ug P75,000.00 alang sa ikatulong pwesto.

Ang street dancing competition gikatakdang ipahigayon karong Abril 22 nga magsugod sa alas 6:00 sa buntag.

Gawas pa niana, daghan sab ang mga nakalinyang kalihokan sama sa binibing bukidnon, motocross, dance sports, boxing, foodfest, musical fireworks ug uban pa.

Kini nga kasayuran nasayran kaniadtong Marso 06, atol sa media briefing nga gipangunahan ni Gov. Rogelio Roque nga gipahigayon sa The Garden ning dakbayan sa Malaybalay. (MG Mayumi B. Madera)

Katawhan sa Malaybalay gihangyo sa pagsul-ob og Purple colored nga sanina matag Biyernes ning bulan sa Marso

Posted on March 11, 2023March 11, 2023 by cmn

Sa selebrasyon sa pagsuporta ug pagpasiugda sa women’s rights, giaprobahan sa Sangguniang Panlungsod ang SP Resolution No. 2023-0261- nga naghangyo sa pagsul-ob og purple matag Biyernes sa bulan sa Marso ning tuig

Base sa pahibalo sa lokal nga panggamhanan, ang maong resolusyon naghangyo sa mga empleyado sa City Government ug katawhan sa Malaybalay nga magsul-ob og purple matag Biyernes para sa bulan sa Marso.

Kini ipahigayon aron pagpakita og suporta ug pag-apil sa panawagan nga isulong ang women’s rights ug gender equality. (MG Mayumi B. Madera)

1,848 ka rice farmers sa Malaybalay nakadawat og financial assistance

Posted on March 11, 2023March 11, 2023 by Omar Rashid Z. Abdullah

Ang Department of Agriculture sa Rehiyon X sa padayon nga katuyoan niini nga madugangan ang produksiyon sa pagkaon sa nasud, naghatag suporta sa mga mag-uuma sa humay

Base sa pahibalo sa lokal nga panggamhanan, ang Rice Farmers Financial Assistance (RFFA) 2 giapod-apod niadtong Marso 04, 2023, sa San Jose Covered Court.

Nikabat sa kinatibuk-ang kantidad nga P9,240,000.00 s para sa 1,848 ka mag-uuma nga nakadawat og cash card nga adunay sulod nga P5,000.00 matag isa.

Ang pinansyal nga tabang gihatag ngadto sa mga kuwalipikadong rice farmers sa Malaybalay isip bayad sa gipaabot nga pagkunhod o pagkawala sa kita sa umahan gikan sa taripa tungod sa import restrictions. (Omar Rashid Z. Abdullah)

Unang E-clip committee meeting karong 2023 sa Bukidnon, gipahigayon

Posted on March 4, 2023March 25, 2023 by cmn

Gipahigayon pinaagi sa Department of the Interior and Local Government Unit (DILG)-Bukidnon, ang unang Enhanced Comprehensive Local Integration Program (E-CLIP) Committee Meeting, sa pagpangulo ni Provincial Governor Rogelio Neil P. Roque, kinsa mao ang Committee Chairman

Ang maong meeting gipahigayon niadtong Pebrero 15, 2023 sa Casa Blanca Bar and Restaurant, syudad sa Malaybalay, Bukidnon.

Kauban ni Gov. Roque nga nitambong sa maong tigum sila DILG-Bukidnon Provincial Director Rhona Pedraza-Abadilla, Provincial Legal Officer Atty. Gean Yvish R. Ladesma, Acting PSWD Officer Ellen T. Salumintao, ug mga representanti gikan sa buhatan sa Provincial IPMR, Bukidnon Police Provincial Office ug 403rd Infantry Brigade, 4ID, Philippine Army. (PR)

Kasaulogan sa Philippine Heart Month giduyugan sa Malaybalay

Posted on March 4, 2023March 25, 2023 by Diego M. Hidalgo

Agi ug pagsa-ulog sa Philippine Heart Month sa bulan sa Pebrero, ang buhatan sa City Health nipahigayon og programa didto sa Brgy. 3 covered court, ning syudad kaniadtong Pebrero 21, 2023

Ang lokal nga panggamhanan nipahibalo nga “Gulay at Prutas, Araw-arawin, Matamis, Mamantika, at Maalat Hinay-hinayin” ang tema sa maong programa.

Gipaambit sa maong programa ang mga importante nga mga leksyon alang sa kahimsog, labi na ang bahin sa kahimsog sa kasingkasing ug pagpaambit bahin sa husto nga paagi sa pagpamuyo aron adunay himsog nga panglawas, labi na sa mga senior citizen.

Gipahigayon ang maong kalihukan aron mahatagan og dugang kahibalo ang mga katawhan ilabi na ang mga senior citizens ug kadtong adunay mga nagkadaiyang mga balatian aron usab sila makapadayon sa ilang inadlaw-adlaw nga pamuyo nga himsog ingon man ma-monitor ang ilang mga blood pressure (BP) ug makapa-konsulta sila sa panahon nga dili mayo ang ilang pamati ug mahatagan sa ilang mga maintenance nga tambal. (Diego M. Hidalgo)

Barangay ‘clean and green’ program gilantaw sa Malaybalay evaluating team

Posted on March 4, 2023March 25, 2023 by Omar Rashid Z. Abdullah

Ang lokal nga pangagamhanan sa Malaybalay pinaagi sa City Clean and Green Committee nibisita sa mga kabarangayan alang sa pagpahigayon sa tinuig nga search for the cleanest and greenest barangay

Gitaho sa lokal nga panggamhanan nga ang City evaluating team gibahin sa duha ka grupo aron malantaw ang mga nahimo nga mga kalihokan, programa, proyekto sa clean and green diha sa 46 ka barangay sugod niadtong Pebrero 1–21, 2023.

Nasayran nga ang kinatibuk-ang kalimpyo sa palibot gi-validate sa matag lugar kung kini gipatuman ba sa barangay.

Lakip sa gisuta mao ang greening programs sama sa pag alima sa tree park, gulayan sa barangay, pagpanindot sa pampublikong lugar, pagpatukod og kaugalingon nga nursery ug tree planting activities.

Gitan-aw usab ang pagpatuman sa mga plano ug kalihokan sa solid waste manangement sama sa saktong waste segregation, pagmugna og material recovery facility, recycling, ug ingon man ang pagsagop sa City Ordinance 962. (Omar Rashid Z. Abdullah)

Agri machineries giturn-over sa mga kooperatiba sa Bukidnon

Posted on February 18, 2023March 25, 2023 by Omar Rashid Z. Abdullah

Ang Provincial Turnover and Agricultural Machinery Distribution gipahigayon sa Kaamulan FolkArts Theatre sa syudad sa Malaybalay kaniadtong Peb. 10, 2023

Nipahibalo ang lokal nga panggamhanan nga mukabat sa Php 43,395,572.00 ang kantidad sa agri machineries.

Giturn-over sa Department of Agriculture-Philippine Center for Postharvest Development and Mechanization (DA-PhilMech) ang mga makinarya ngadto sa 26 ka Farmers Cooperative and Associations ug Local Government Units sa Probinsya sa Bukidnon. (Omar Rashid Z. Abdullah)

Tag: Malaybalay