Monday, November 25, 2024

Tag: Malaybalay

Aplikasyon alang sa lisensya sa operasyon sa isa ka blood bank, gisuportahan sa SP

Posted on by cmn

Gisuportahan sa 27th Sangguniang Panlalawigan (SP) ang sulat-hangyo ni Provincial Governor Rogelio Neil P. Roque, pinetsahan Enero 18, 2023, pinaagi sa Resolution No. 2023-1099(27th SP), kabahin sa aplikasyon sa Bukidnon Provincial Medical Center (BPMC), alang sa lisensya sa operasyon sa usa ka blood bank, isip nag-unang Blood Bank Center sa probinsya

Sa kasamtangan, ang BPMC nga nahimutang sa syudad sa Malaybalay, adunay blood bank nga mao ang nagpahigayon sa blood screening, donor selection and collection of blood unit, onsite og off-site o mobile blood donation activity.

Uban sa bag-o ug dugang ekipo, mahimo na nga makadonar ug dugo ug ang dugo mahimong masalang aron masiguro ang taas nga kalidad, insakto ug luwas ang dugo nga madawat sa mga pasyente.

Sa maong lakang, ang laboratory sa BPMC gikinahanglang mag-apply sa lisensya alang sa operasyon sa blood bank with additional function, diin kini gikinahanglan isip usa sa mga kinahanglang dokumento nga gitakda sa Regulatory, Licensing and Enforcement Division (RLED) sa Department of Health alang sa pag-abroba sa maong aplikasyon. (PR)

The first round of barangay veterinary services through the Malaybalay City Veterinary Office conducted

Posted on by cmn

On February 7, 2023, the City Government of Malaybalay, through the City Veterinary Office, started the first round of barangay veterinary services in the identified sites of Barangay San Jose, Malaybalay City

Two teams composed of veterinarians and 11 trained personnel were deployed to serve 96 clients with 155 animals in total, which included 45 cattle, 17 carabaos, 4 goats, 35 horses, 1 pig, and 51 dogs.

The animals were gathered and given free services in eight identified sites: Purok 3 (Sto. Nio), Purok 2 (Acacia), Purok 5 (Near San Jose Furniture Shops), Purok 6 (near rubber plants), Panamucan (Purok 13, 14), and Mabuhay (Purok 10 and Purok 12).

Activities conducted are deworming and vitamin supplementation, pregnancy diagnosis in cattle and carabao, issuance of a Certificate of Ownership of Large Animals, rabies vaccination in dogs (3 months old and above), RSBSA registration, issuance of PCIC insurances for animals, and consultation and treatment. (PR)

CPOC Livelihood Program Turn-over Ceremony gipahigayon sa Malaybalay

Posted on by Diego M. Hidalgo

Adunay pito ka baka ug walo ka baboy ang gi-turnover sa lain-laing baranggay sa syudad sa Malaybalay pinaagi sa gipahigayon nga City Peace and Order Council (CPOC) Livelihood Program Turn-over Ceremony

Base sa pahibalo sa lokal nga panggamhanan, ang maong programa gipahigayon subay sa programa ni kanhi Presidente Rodrigo Duterte nga Local Government Support Fund – Support to Barangay Development Program (LGSF-SBDP) nga kabahin sa National Task Force to End Local Communist Armed Conflict (NTF-ELCAC) program.

Kini nga pamaagi nagtumong sa paghatag gahum sa mga lokal nga komunidad ug tugotan sila nga manguna sa hyperlocal socioeconomic growth, paghupay sa kakabus, ug pagpadayon sa kalinaw ug kahusay sa ilang lugar nga gisakopan. (Diego M. Hidalgo)

98 bag sa dugo nakolekta sa blood letting activity sa Malaybalay

Posted on by Omar Rashid Z. Abdullah

Nubentay otso (98) ka bag sa dugo ang nakolekta sa blood letting activity nga hiniusang gipasiugdahan sa Provincial Government of Bukidnon ug City Government of Malaybalay

Base sa pahibalo sa lokal na panggamhanan, ang blood letting activity gipahigayon sa Centennial Stage sa syudad sa Malaybalay niadtong Pebrero 3, 2023.

Tinguha sa maong aktibidad nga madugangan ang ubos nga supply sa dugo diha sa mga Provincial Stations, ilabi na sa Bukidnon Provincial Medical Center (BPMC) nga mao ang Blood Bank Center sa probinsya, tungod usab sa taas nga demand sa dugo sa kasamtangan. (Omar Rashid Z. Abdullah)

Linog mitay-og sa pipila ka lugar sa Mindanao

Posted on by Diego M. Hidalgo

Isa ka 6.0-magnitude nga linog ang nitay-og sa New Bataan, Davao de Oro ug kasikbit nga mga dapit kaniadtong Peb. 1, ala 6:44 sa gabii, matod sa Philippine Institute of Volcanology and Seismology (Phivolcs)

Base sa taho sa The Manila Bulletin, ang Phivolcs niingon nga ang 6.0-magnitude nga linog nga nagpasabot nga kini tungod sa paglihok sa isa ka active fault duol sa lugar.

Intensity V ang nabati sa New Bataan ug Nabunturan sa Davao de Oro; ug intensity IV sa Davao City ug Bislig City, Surigao del Sur.

Intensity III ang natala sa Damulog, Kadingilan, Kalilangan, Libona, Pangantucan ug Talakag, sa Bukidnon; Cagayan De Oro; Cagwait, Bislig, Hinatuan sa Surigao del Sur; Kidapawan City, Cotabato; Alabel, Sarangani; Tupi, South Cotabato.

Intensity II sa El Salvador, Villanueva sa Misamis Oriental; Aleosan, Antipas, Arakan, Carmen, Kabacan, Kidapawan, Libungan, M’lang, Magpet, Makilala, Matalam, Pikit, ug Tulunan, Cotabato; Tandag, Surigao del Sur Koronadal, Tampakan, South Cotabato; Kalamansig, Sultan Kudarat; Cotabato; Cabadbaran, Agusan del Norte; Libona, Malaybalay, Bukidnon; Don Marcelino, Davao Occidental; Malapatan, Glan, and Kiamba, Sarangani; Norala, General Santos City.

Samtang Intensity I sa Alamada, Cotabato; Baybay and Dulag, Leyte; Cagayan de Oro, Misamis Oriental; Maitum, Sarangani; Suralla, Santo Nino, T’Boli, and Tantangan, South Cotabato; Saint Bernard, Southern Leyte; Esperanza, Tacurong, Columbio, Sultan Kudarat; Surigao City, Surigao Del Norte

Ang Phivolcs niingon nga parehong aftershocks ug kadaot sa imprastraktura ang gipaabot gikan sa pinakaulahing linog. (Diego M. Hidalgo)

PWASOH isip Force Multiplier sa Smoke Free Ordinance, giduso sa SP

Posted on by Omar Rashid Z. Abdullah

Giduso sa 27th Sangguniang Panlalawigan (SP) nga mag-indorso sa Philippine Wide Anti-Smoking Operation for Health Inc. (PWASOH) isip force multipliers ug pagpagahum kanila sa pagdakop ug pag-isyu sa citation ticket sa paglapas sa smoke free ordinance sa probinsya sa Bukidnon.

Base sa taho sa lokal nga panggamhanan, ang PWASOH isa ka SEC registered nga Civic organization, kansang adbokasiya gipahinungod sa pagpalambo sa isa ka himsog nga palibot, himsog nga pagkinabuhi ug himsog nga katawhan, pinaagi sa hingpit nga pagpatuman sa Executive Order nga giulohan “Providing for the establishment of smoke-free environments in public and enclosed places.”

Nauna na nga gipagahum ang PWASOH sa syudad sa Valencia ug Malaybalay isip force multipliers sa pagpatuman sa mga lagda ug regulasyon sa ilang anti-smoking ordinances ug sila napamatud-an nga dakong instrumento sa epektibo ug episyente nga pagpatuman sa balaod. (Omar Rashid Z. Abdullah)

“Oplan Dakip Aso” 2023 sa Malaybalay nagmalampuson

Posted on by cmn

Malamposon nga gipahigayon sa mga miembro sa City Veterinary Office ang Oplan Dakip Aso o pagpangdakop ug iro sa mga kadalanan ning syudad sa Malaybalay. Kini hugot nga gipatuman pinaagi sa City Ordinance 668 subay sa “Animal Welfare Act of 1998” ug “Rabies Act of 2007”

Gipanghingusgan sa syudad agig suporta sa nasangpit nga ordinansa nga ipaabot sa mga katawhan ang “Responsible Pet Ownership” o Responsable nga pagpanag-iya sa mga hayop.

Si City Mayor Jay Warren Pabillaran inubanan sa City Veterinary Office mapahiubsanon nga nagahangyo sa mga katawhan nga adunay mga binuhing hayop sama sa iro nga kini pagahiktan ug dili pasagdan nga maglatagaw sa kadalanan. Gi awhag usab ang mga pet owners nga kini iparehistro ug pabakunahan. (PR)

27th SP walay pagsupak sa giduso nga House Bill no. 5999 ni Cong. Zubiri

Posted on by cmn

Nagpadayag nga walay pagsupak ang mga miyembro sa 27th Sangguniang Panlalawigan (SP) sa House Bill No. 5999 nga giduso ni 3rd District Congressman Jose Ma. R. Zubiri, Jr., pinaagi sa Resolution No. 2023-986 (27th SP) nga giulohan ni Board Member Nemesio B. Beltran, Jr., pinetsahan Enero 10, 2023, atol sa ika-23 nga regular session sa 27th SP

Mahinumduman nga una nang nagpalabang ang 27th SP sa Resolution No. 2022-476 nga nagsugyot ngadto sa House of Representatives ug Senate of the Philippines nga dugangan ug usa ka distrito ang probinsya, nga pagalangkuban sa mga LGUs gikan sa ika-tulong distrito.

Sa re-districting version ni Cong. Zubiri, nagpabilin ang mga LGUs nga maglangkob sa 1st District, aduna lamang kausaban sa komposisyon sa mga LGUs alang sa ika-duha hangtud sa ika-lima nga distrito, apan gisuguro nga makab-ot ang constitutional requirement nga 250,000 population matag distrito, subay sa data sa PSA as of May 1, 2020.

1st District – Baungon – 37,111; Libona- 48,965; Malitbog- 26,741; Manolo Fortich- 113,200; Sumilao- 29,531; Talakag- 77,027. Total population: 332,575.

2nd District – Impasugong- 53,863; Lantapan-65,974; City of Malaybalay- 190,712. Total population: 310,549.

3rd District – Kalilangan- 43,711; Maramag- 108,293; Pangantucan- 56,580; Quezon- 109,624. Total population: 318,208.

4th District – Cabanglasan- 36,286; City of Valencia- 216,546; San Fernando- 63,045. Total population: 315,877.

5th District – Damulog- 39,322; Dangcagan- 26,076; Don Carlos- 69,273; Kadingilan- 33,735; Kibawe- 41,897; Kitaotao- 53,796. Total population: 264,099

Gilantaw sa 27th SP nga ang maong sugyot, magresulta sa mas paspas nga kalambuan sa matag distrito alang sa kaayuhan sa katawhan. Samtang, ang kopya sa maong resolusyon ipasa ngadto sa tanang district representatives sa Bukidnon, Senate President Juan Miguel F. Zubiri, House Speaker Ferdinand Martin G. Romualdez, Governor Rogelio Neil P. Roque, tanang mga mayores ug sanggunian sa probinsya, alang sa ilang kasayuran ug basihan. (PR)

DSWD mipahigayon og community forum sa SLP sa Malaybalay

Posted on by Diego M. Hidalgo

Ang Department of Social Welfare and Development (DSWD) inubanan sa Building Resources Across Communities (BRAC), Asian Development Bank (ADB), ug Australian Aid malampusong nipahigayon sa isa ka community forum kabahin sa Padayon Sustainable Livelihood Program (SLP) niadtong Enero 17, 2023

Ang lokal nga panggamhanan nisaysay nga tumong sa maong kalihokan nga mapaabot ngadto sa mga gitumbok nga 3rd level o graduating 4Ps beneficiaries ning dakbayan ang mga programa sa ubang ahensiya sama sa Department of Agriculture, City Veterinary Office (CVO), Philippine Crop Insurance Corporation (PCIC), Social Security System (SSS), ug PhilHealth, nga makatabang sa pagpalambo sa livelihood assistance nga ilang nadawatan ubos sa Padayon SLP.

Gihanyag usab sa mga lending institutions sama sa Center for Agriculture and Rural Development (CARD) Incorporated, ASA Philippines, ug Cebuana Lhuillier ang ilang mga serbisyo nga makasuporta sa pagpadagan sa nagkadaiyang panginabuhian sa mga benepisyaryo. (Diego M. Hidalgo)

Negosyante sa Malaybalay nakuhaan og armas, droga

Posted on by Diego M. Hidalgo

Isa ka negosyante ang nakuhaan og armas ug droga sa hiniusang pwersa sa kapolisan sa Purok 2, Barangay Casisang, Malaybalay City, Bukidnon niadtong Enero 13, 2023 sa alas 12:32 sa buntag.

Ang arestado giila nga si Oliver Salga y Lagubis III, 36, minyo, negosyante/painter, ug residente sa Purok-17, Barangay Casisang, Malaybalay City, Bukidnon.

Sa report ni Police Lt. Col. Ritchie A. Salva, OIC sa Malaybalay City Police Station, gibutyag nga ang nakuha nga gidudahang shabu gikan sa suspek mokantidad og Php36,244.00.

Nakuha sab gikan sa suspek ang .45 pistol, duha ka steel magazines ug mga bala.

Kasong paglapas sa Article II, Sections 05 ug 11 of R.A. 9165 and R.A 10591 ang gi andam batok sa suspek. (Diego M. Hidalgo)