Thursday, April 03, 2025

Tag: Municipal Police Station

Lalaki naligsan sa Kalilangan

Posted on by cmn

Isa ka lalaki ang naligsan og truck sa Purok 6, Malinao, Kalilangan, Bukidnon kaniadtong Nobyembre 6, 2023

Ang biktima isa ka 41-anyos, minyo, trabahante sa NIA UWA, ug residente sa Malinao, Kalilangan, Bukidnon.

Samtang ang nakaligis sa biktima isa ka 66-anyos nga lalako, minyo, ug residente sa Purok 4, Malinao, Kalilangan, Bukidnon.

Gitaho nga panaog ang biktima ug pasaka sab ang dagan sa drayber sa truck.

Tungod sa kusog nga dagan sa motorsiklo nga gisakyan sa biktima, nadigyas kini sa dalan ug napadulong sa likod nga ligid sa truck nga adunay karga nga tubo.

Wala kini mabantaye sa drayber sa truck hinungdan nga naligsan ang biktima ug nalatayan kini og ligid sa ulo hinungdan sa daling kamatayon niini.

Si Police Maj. Christian D. Serdeňa sa Kalilangan Municipal Police Station mitaho nga ang drayber sa truck gidala na sa Kalilangan MPS alang sa dugang nga imbestigasyon. (MG Mayumi B. Madera)

2 drug suspects nakorner sa Pangantucan

Posted on by cmn

Duha ka mga drug suspek ang nakorner sa hiniusang pwersa sa kapolisan sa isa ka drug buy-bust operation sa Pangantucan, Bukidnon

Base sa taho nga nahipos sa Bukidnon Police Provincial Office, ang mga suspek nasikop niadtong Nobyembre 6, 2023 sa alas 6:40 sa gtabie.

Ang duha ka babae nga mga suspek nag edad og 21 ug 36-anyos, parehong Newly Identified drug personalities, ug mga residente sa Panang, Wao, Lanao del Sur.

Nasakmit gikan kanila ang gibana-bana nga 10 gramo sa gidudahang shabu nga gitahong mukantidad og Php 68,000.00.

Ang mga nasikop nga suspek anaa na sa kustodiya sa Pangantucan Municipal Police Station ug kasong paglapas sa RA 9165 ang giandam na batok kanila. (MG Mayumi B. Madera)

Defeated candidate, brother confess to Bukidnon election-related killings

Posted on by cmn

COTABATO CITY, Philippines — The police have clamped down a defeated candidate and his brother who killed two elders of a reelected barangay chairwoman in Kibawe, Bukidnon, who had refused to endorse his candidacy for kagawad during the barangay and Sangguniang Kabataan elections

Rosilo Tecson and his sibling, Cesar, who surrendered one after another on Friday to the Damulog Municipal Police Station in Damulog, Bukidnon, had both confessed to having shot dead the couple Mario and Carmelita Fabian, relatives of Jenelyn Fabian, who was reelected last Monday as chairwoman of Kiorao in Kibawe town in the same province, which is under Administrative Region 10.

Tecson had told local officials, in the presence of policemen, that the attack was precipitated by the barangay chairwoman’s having turned down his request for her to include him in her lineup of candidates for barangay kagawad in Kiorao, an upland area in Kibawe close to the border of Bukidnon and Cotabato province in Region 12.

Major Marvin Enciso, chief of the Kibawe Municipal Police Station, and local officials in the municipality had confirmed to reporters on Saturday that Tecson and his brother are now detained, awaiting prosecution.

Enciso said the duo barged into the residential yard of the reelected barangay chairwoman on Tuesday night and when they found out that she was in another village, shot her two elders dead.

Tecson had confirmed that it was Fabian whom they planned to kill.

Enciso told reporters the Tecson brothers first hid in a secluded area in Damulog for two days but eventually voluntarily turned themselves into the police station in the municipality through the intercession of relatives and barangay leaders in Kiorao. (John Unson/Philstar)

2 R-10 MWPs gisikop

Posted on by cmn

Gisikop sa hiniusang pwersa sa kapolisan ang duha ka most wanted person (MWP) sa Region 10

Si Police Maj. Erwin R. Naelga sa Maramag Municipal Police Station mitaho nga ang duha ka suspek nga nasikop mao ang No. 3 drug watch listed ug No. 3 MWP sa Region 10.

Ang No. 3 drug suspect sa Region 10 giila sa alyas nga “Maimai”, 29 anyos.

Nasikop siya sa gipahigayon nga drug buy-bust opearation sa Purok 2-A, North Poblacion,

Maramag, Bukidnon.

Nasakmit gikan kaniya ang lima ka gramo sa gidudahang shabu nga adunay standard price nga mukabat sa Php34,000.00.

Kasong paglapas sa Sections 5 and 11, Article II of R.A. No. 9165 ang giandam batok sa supek.

Samtang ang No. 3 MWP sa Region 10 giila nga si Lewin Loayan y Unajan alyas “Dodong”, 25, ug ulitawo.

Nasikop siya sa Purok 1A, Brgy. San Miguel, Maramag, Bukidnon niadtong Oktubre 21.

Gisikop ang suspek subay sa warrant of arrest sa kasong Homicide.

Ang arestado gidala na sa Maramag MPS alang sa hustong disposasyon. (MG Mayumi B. Madera)

2 Top MWP sa Bukidnon, nakorner

Posted on by cmn

Nakorner sa hinusang pwersa sa kapolisan ang duha ka Top Most Wanted Person (MWP) sa Bukidnon niadtong Setyembre 30, 2023 sa managlahing lugar

And duha ka suspek maong ang Top 3 ug Top 6 MWP sa probinsya sa Bukidnon.

Ang Top 3 MWP giila nga si Waren Art Tagong y Ypil, 22, ulitawo, laborer, ug residente sa Purok 12, Barangay Lumbayao, Valencia City, Bukidnon.

Siya gisikop sa Purok 5A, Sitio Laruk, Brgy. Kisolon, Sumilao, Bukidnon

Si Police Maj. Larry T. Enciso sa Sumilao Municipal Police Station nitaho nga gisikop ang suspek subay sa warrant of arrest sa kasong Statutory Rape ug kasamtangang gidala sa Sumilao MPS alang sa hustong disposasyon.

Sa laing bahin, ang Top 6 MWP nasikop sa Purok 2, Brgy Sagundanon, Kitaotao, Bukidnon.

Siya giila nga si Jayden Gawilan Camad alyas “Denden”, 19, ulitawo, estudyante, ug residente sa maong dapit.

Giataho ni Police Capt. Christopher P. Tuzara II sa Kitaotao MPS nisulti nga ang suspek gisikop subay sa warrant of arrest sa tulo ka ihap sa kasong statutory rape.

Siya gidala na sa Kitaitao MPS alang sa hustong disposasyon. (MG Mayumi B. Madera)

Akusado gisikop sa kasong statutory rape

Posted on by cmn

Gisikop sa hinusang pwersa sa kapolisan ang isa ka lalaki nga akusado sa kasong stutory rape

Si Police Maj. Marvin T. Enciso sa Kibawe Municipal Police Station nagsulti nga ang suspek gisikop niadtong Agosto 31, 2023 sa Purok-1 Diego Silang Street, Brgy. East Kibawe, Kibawe, Bukidnon.

Giila ang akusado nga si Angelo Lumanta y Lepiten (Bukidnon Top 10 MWP), 24, ulitawo, ug residente sa Purok-7, Palma, Kibawe, Bukidnon.

Ang arestado gisikop subay sa warrant of arrest sa kasong Statutory Rape nga walay piyansa nga girekomendar.

Gidala na ang suspek ubos sa kustodiya sa Kibawe MPS alang sa hustong disposaasyon. (MG Mayumi B. Madera)

Laborer gidunggab sa kainom, patay

Posted on by cmn

Isa ka laborer ang gidunggab sa iyang kainom sa Purok-8, Brgy. Calaocalao, Don Carlos, Bukidnon niadtong Agosto 17, 2023

Ang biktima giila nga si Andy Enora y Lindongan, 52, balo, ug residente sa maong dapit.

Samtang ang suspek giila sab nga si Joselito Retazo y Loria, hingkod, ulitawo, ug residente sab sa maong dapit.

Gitaho nga nag-inom ang biktima ug ang suspek sa dihang nagkalalis kini hinungdan nga gidunggab sa suspek ang biktima sa makadaghang higayon gamit ang hunting knife.

Ang biktima naka angkon sa 11 ka samad dingunggaban ug siya dali-daling gidala sa Bukidnon Provincial Hospital, sa Maramag, Bukidnon apan gideklara nga dead on arrival.

Si Police Maj. Cipriano V. Bazar Jr., OIC sa Don Carlos Municipal Police Station nitaho nga ang suspek uban sa hinagiban nga gigamit gidala na sa kustodiya sa kapolisan alang sa hustong disposasyon. (MG Mayumi B. Madera)

Estudyante nakuhaan og droga sa Bukidnon

Posted on by cmn

Isa ka estudyante ang nakuhaan og droga sa gipahigayon nga drug buy-bust operation sa kapolisan sa Lower Pinamaloy, Brgy. Pinamaloy, Don Carlos, Bukidnon

Ang operasyon gipahigayon niadtong Agosto 17, 2023 sa alas 5:50 sa hapon.

Giila ang suspek nga si Johnlee Marianas y Langcasan (watch-listed), 22, ulitawo, ug residente sa Purok Matinabangon, Brgy. Pinamaloy, Don Carlos, Bukidnon.

Si Police Maj. Cipriano V. Bazar Jr., OIC sa Don Carlos Municipal Police Station nisulti sa iyang report nga nasakmit gikan sa suspek ang 1.3676 gramo sa gidudahang shabu nga mukabat sa Php 9,300.00.

Ang arestado gidala na sa Don Carlos MPS alang sa hustong disposasyon ug kasong paglapas sa RA 9165 ang giandam na batok kaniya. (MG Mayumi B. Madera)

Top 8 MWP sa Bukidnon, nasikop

Posted on by cmn

Nasikop sa hinusang pwersa sa kapolisan ang Top 8 Most Wanted Person (MWP) sa Bukidnon niadtong Agosto 17, 2023

Si Police Maj. Cipriano V. Bazar Jr., OIC sa Don Carlos Municipal Police Station nitaho nga ang suspek nasikop sa P-1, Barangay Calaocalao, Don Carlos, Bukidnon.

Ang suspek giila nga si Jerome Barnuevo y Pajaron, 18, ulitawo, ug residente sa maong dapit.

Si Barnuevo gisikop subay sa warrant of arrest sa kasong Parricide.

Ang suspek anaa na ubos sa kustodiya sa Don Carlos MPS alang sa hustong disposasyon. (MG Mayumi B. Madera)

Lalaki gipusil, patay sa Kitaotao

Posted on by cmn

Isa ka lalaki ang patay human kini maka angkon og samad pinusilan kaniadtong Agosto 9, 2023 sa Purok 5, Sitio Mahayahay, Metebagao, Kitaotao, Bukidnon

Ang biktima giila nga si Remegio Ardisa y Naranghas, 49, adunay kapuyo, ug residente sa maong lugar.

Ang kapuyo sa biktima niingon nga niadtong Agosto 8, 2023 sa alas 5:00 sa hapon, samtang ang biktima nag-atiman sa iyang kabayo, adunay isa ka wala mailhi nga lalaki ang miduol ug mipusil sa biktima.

Ang biktima naka angkon og upat ka pinusilan sa iyang likod nga miresulta sa iyang dayong kamatayon.

Pila ka adlaw sa wala pa mahitabo ang insidente, ang live-in partner sa biktima niingon nga niadtong Agosto 5 sa alas 12:30 sa tungang gabie, adunay tulo ka wala mailhi nga mga tawo ang naglibot-libot sa ilang panimalay.

Si Police Cpt. Christopher P. Tuzara II, OIC sa Kitaotao Municipal Police Station nitaho nga tungod sa kahadlok, ang biktima ug iyang kapuyo mibiya ug miadto sa Metebagao proper.

Niadtong Agosto 6, ang biktima uban ang iyang kapuyo miuli sa ilang panimalay ug nadiskubrehan nga nangaguba ang ilang mga gamit ug wala na ang ilang tinagoan nga kwarta nga gibana-bana nga nagkantidad og Php47,000.00. (MG Mayumi B. Madera)