Tuesday, December 03, 2024

Tag: Natid-asan

Deep Well project sa PDRC gisugdan na

Posted on by Omar Rashid Z. Abdullah

Gisugdan na ang pagtrabaho sa Deep Well project sa Provincial Government sa Bukidnon alang sa Provincial Detention and Rehabilitation Center (PDRC) sa Sitio Natid-asan, Brgy. Casisang, Malaybalay City, Bukidnon

Sumala sa kasayoran sa provincial government sa Bukidnon, nahigayon kini kaniadtong Pebrero 21, 2024 human sa groundbreaking ceremony.

 

Apan sa wala pa ang seremonya sagroundbreaking, unang gipahigayon ang isa ka pamuhat agig pananghid sa espiritu sa yuta nga si Talabugta.

 

Ang proyekto nga adunay 90 metros nga kalawomon trabahoon sa Provincial Engineering Office Waterworks Division sulod sa 180 calendar days.

 

Ang pondo sa proyekto gikan sa PGO-Provincial Disaster Risk Reduction and Management Division nga mibalor og ₱3,160,000.

 

Ang proyekto tubag sa PGB sa gipasabot ni acting Provincial Warden Nelson A. Balaba niadtong Disyembre kabahin sa kakulangon sa supply sa tubig sa PDRC. (Omar Rashid Z. Abdullah)

Natid-asan Livestock Org gimugna

Posted on by cmn

Agi og pagpalambo pa sa sektor sa agrikultura, gitabangan sa buhatan sa City Veterinary Office (CVO) nga ma-organisa ang grupo sa Natidasan Livestock Farmers Association niadtong Oktubre 13, 2023

Ang isa ka adlaw nga kalihokan gipartisiparan sa 30 ka mag-uuma sa livestock didto sa Sitio Natidasan Covered Court diha sa Barangay Casisang, ning Syudad.

Ang programa pinaagi usab sa inisyatibo ni Barangay Kagawad Cerila R. Aldeguer kansang gitahasan sa komitiba sa agrikultura ug nakigtimbayayong sa paghulma sa maong grupo.

Kauban ang buhatan sa CVO-Livestock production nga si Dr. Omar T. Cahanap, Livestock Production Veterinarian ug Annabel C. Sia, Livestock Inspector II ang nagdumala sa maong panagtigum.

Tumong sa maong asosasyon nga matipok ang mag-uuma sa livestock aron mapalapad ang panaghiusa ug pagtinabangay aron matubag ang mga hagit ug maangkon ang kahigayonan sa paglambo diha sa komunidad. (LGU Malaybalay)