Sunday, November 17, 2024

Tag: NGO

2 gipandunggab sa Baungon

Posted on by Diego M. Hidalgo

Duha ka mga lalaki ang gipandunggab sa pre-wedding occasion sa Purok 7, Brgy. Pualas, Baungon, Bukidnon hapon sa Agosto 25, 2024

Sumala sa report ni Police Major Melchor Saraus. Jr., OIC sa Baungon Municipal Police Station, ang mga biktima isa ka 37-anyos ug 25-anyos samtang ang suspek isa ka 33-anyos nga lalaki.

Ang mga biktima nag-inom sa ilimnong makahubog sa dihang nahiabot ang suspek nga ilang giaagni nga moapil kanila.

Nahitabo ang panaglalis tali sa mga biktima ug suspek.

Gikatahong niadto sa kusina ang suspek, nikuha og kutsilyo dayong dunggab sa mga biktima ug nisibat.

Ang mga biktima gidala sa Northern Mindanao Medical Center sa Cagayan de Oro City.

Apan ang 37-anyos namatay pipila ka oras gumikan sa grabing samad dinunggaban sa walang bahin sa tiyan samtang ang kauban niini ang nagpabilin sa maong ospital.

Walay pagsinabtanany tali sa suspek ug mga biktima ang nakitang motibo sa krimen. (Diego M. Hidalgo)

Lalaking naghasi gitigbas sa uyoan

Posted on by Omar Rashid Z. Abdullah

Isa ka 45-anyos nga lalaki kinsa naghasi ang gikatahong gidunggab patay sa iyang 79-anyos nga uyoan sa Flores Village, Purok 2, Brgy. Linabo, Malaybalay City gabii sa Agosto 16, 2024

Ang biktima kinsa ubos sa impluwensya sa ilimnong makahubog, naglasong samtang nagbitbit og sundang ug giguba ang koral sa suspek, sumala sa report ni Police Lt. Col. Virgilio Cruz, OIC sa Malaybalay City Police Station.

Gisuwayan pa unta sa pagpakalma sa suspek ang iyang pag-umangkon apan niresulta kini sa init nga panaglalis.

Dugang pa, ang suspek nibalik sa iyang balay ug mikuha og kutsilyo ug gidunggab ang biktima makaduha ka higayon nga naigo sa walang bahin sa liog ug walang gusok nga nakaingon sa iyang hinanaling kamatayon.

Ang nirespondeng Barangay Public Safety Officer (BPSO) sa Linabo nakasaksi sa hitabo ug nasikop ang suspek.

Gibira sa suspek ang kutsilyo sa liog sa biktima ug boluntaryong gi-turn over kini ngadto sa BPSO. (Omar Rashid Z. Abdullah)

Illegal settlement, land squatting gidili sa Malaybalay

Posted on by Melchor Madera

Kaniadtong Hulyo 9, 2024, pinal nga giuyonan ni Mayor Jay Warren R. Pabillaran ang Anti-land squatting ordinance sa Malaybalay City

Nahitabo kini human giaprobahan sa Sangguniang Panlungsod ang Ordinance No. 1038, Series of 2024, nga mao ang ordinansa nga nagdili sa illegal settlement ug land squatting sa Malaybalay.

Sumala sa kasayoran sa city government, nakalusot sa SP ang ordinansa atol sa ika-94 nga regular session niadtong June 4, 2024.

Kini nga lakang naghatag og dakong kalamboan alang sa kalinaw ug kaluwasan sa siyudad.

Si Konsehal Erwin A. Damasco, chairman sa committee on human settlement, zoning, and land use, inubanan ni Konsehal Zoltan Dindo D. Dinlayan, ang nanguna sa pagduso ug pagpa-aprobar sa nasangpit nga ordinansa.

Ang ilang paningkamot ug dedikasyon alang sa maong isyu nakapahimo sa ordinansa nga isa ka realidad, nga gilauman nga maghatag og dugang pagbag-o sa siyudad.

Ang tumong sa maong ordinansa mao ang mapahugtan ang kampanya batok sa mga informal settler ug mga professional squatter.

Kini naglakip sa pagpasiugda og mas striktong mga patakaran aron malikayan ang mga kagubot ug mga dili maayo nga sitwasyon nga dala sa illegal settlement.

Dugang pa, ang ordinansa naglantaw nga malikayan ang pagtukod og mga building sa mga lugar nga delikado, sama sa mga daplin sa sapa, aron malikayan ang mga aksidente ug kalamidad.

Tungod niini nga ordinansa, gilauman nga mapabiling hapsay ug malikay sa peligro ang katawhan dinhi sa dakbayan sa Malaybalay.

Ang mga residente adunay mas ligdong nga pamuyo ug proteksyon batok sa mga illegal nga aktibidad nga maka-apekto sa ilang kaluwasan ug kabtangan. (melbmadera)

Malaybalay buys P11.96M new garbage trucks

Posted on by Heber Quinco

The City Government of Malaybalay recently conducted a turnover and blessing ceremony for four brand-new garbage compactors purchased to enhance the city’s waste collection and management capabilities

The event took place on Monday, August 19, 2024, at the New City Hall Grounds in front of the Commission on Audit Office.

Key city officials, including members of the Sangguniang Panglungsod, the City Environment and Natural Resources Office (CENRO) led by its head, Ms. Jessie G. Suson, and Mayor Jay Warren R. Pabillaran, attended the ceremony.

The four garbage trucks, valued at a total of Php 11.96 million, were acquired as part of the city’s ongoing efforts to improve waste management services.

“These trucks will play a crucial role in ensuring more efficient and timely garbage collection,” Mayor Pabillaran stated during the event.

He emphasized the importance of responsible waste management, saying, “Kauban sa paglambo nato ang basura, busa responsibilidad nato kini (with progress comes waste, so it’s our responsibility to manage it).”

He also reminded the operators of the new vehicles to maintain them well, as they are vital to keeping the city clean.

Ms. Jessie Suson, City Environment and Natural Resources Officer, expressed her gratitude during the turnover ceremony.

She assured the public that the CENRO would remain fully committed to fulfilling its responsibilities in maintaining a clean and healthy environment for the people of Malaybalay.

The acquisition and blessing of these new garbage trucks underscore the city’s dedication to strengthening its waste management infrastructure and its broader commitment to environmental stewardship, ensuring a cleaner and more sustainable Malaybalay City for all. (City ENRO-NADA)

Buntis Summit 2024 gipahigayon sa Upper Pulangi district

Posted on by Melchor Madera

Ang Buntis Summit 2024 gipahigayon kaniadtong Hulyo 9, 2024 sa Upper Pulangi District

Sumala sa kasayoran sa city government sa Malaybalay, nagkatigum sa Brgy. Mapulo ang mga batan-ong babaye ug high-risk pregnant women alang sa comprehensive day sa edukasyon ug suporta.

Ang summit gitumong sa pag-edukar sa mga partisipante sa kamahinungdanon sa luwas nga pagka-inahan, paghatag og importanteng impormasyon ug mga kahinguhaan aron matabangan sila nga luwas sa ilang mga pagmabdos ug makahimo og mga desisyon nga may kasayuran mahitungod sa ilang panglawas ug kahimsog sa ilang mga masuso.

Lakip sa mga gihisgotan ang prenatal care, nutrisyon, pagpanganak, postpartum care, family planning, ug STI/HIV awareness and prevention.

Ang Buntis Summit 2024, kabahin sa serye sa mga summit nga gipahigayon sa lima ka distrito, nga nagtanyag og mga lecture, libre nga hemoglobin, syphilis, ug HbsAg nga mga pagsulay, ug mga token sa mga partisipante.

Kini nga inisyatibo nagtinguha sa paghatag gahum sa kababayen-an nga adunay mas himsog nga pagmabdos ug pagpanganak pinaagi sa komprehensibo nga edukasyon ug suporta. (melbmadera)

Babayeng septuagenarian gipusil sa Kalilangan

Posted on by Diego M. Hidalgo

Isa ka 72-anyos nga babaye ang gipusil patay buntag sa Hulyo 13, 2024 sa Brgy. Forchacu III, Kalilangan, Bukidnon

Ang biktima nakaangkon sa grabeng samad pinusilan sa agtang hinungdan sa hinanaling kamatayon niini.

Matod sa bana sa biktima, samtang sila nangatulog sulod sa ilang kuwarto, isa ka wala mailhing lalaki ang nipusil sa iyang asawa gikan sa gawas sa ilang bintana gamit ang wala matinong kalibre sa armas.

Human sa hitabo, misibat ang suspek paingon sa wala matinong direksyon.

Ang Kalilangan MPS padayon pa nga nagpahigayon og makuting imbestigasyon alang sa pagtino sa motibo sa krimen ug posibleng pag-ila ug pagkasikop sa suspek. (Diego M. Hidalgo)

PhP168K fake money nasakmit sa Pangantucan

Posted on by Diego M. Hidalgo

Mikabat sa PhP168,600.00 nga fake money ang nasakmit gikan sa isa ka lalaki didto sa Public Market sa Pangantucan, Bukidnon kaniadtong Hulyo 7, 2024

Sumala sa report ni Police Captain Edgar M. Apog, OIC sa Pangantucan Municipal Police Station (PMPS), ang counterfeit paper bills nasakmit gikan sa 36-anyos nga lalaki.

Ang nasikop nga suspek residente sa Dungo-an, M’lang, Cotabato.

Ang laing lalaki ug isa ka babaye nga mga kauban sa nasikop nga suspek ang nakasibat.

Nasikop ang suspek sa mga myembro sa Pangantucan MPS human nireklamo ang duha ka sari-sari store owners sa Brgy. Lantay, Pangantucan nga nabiktima sa peke nga sapi.

Ang mga suspek sakay sa pulang multicab gikan sa Lantay ug niadto sa merkado publiko diin nasikop ang isa kanila.

Ang narekober nga pekeng sapi naglangkob sa 312 ka P500 fake paper bills, 12 sa P1,000 ug tulo sa P200. (Diego M. Hidalgo)

Agri NorMin lauds AMIA villages in first congress

Posted on by cmn

MALAYBALAY CITY, Bukidnon – To showcase the different climate-resilient communities in the region, the Department of Agriculture – Regional Field Office 10 (DA-RFO 10) through its Adaptation and Mitigation Initiative in Agriculture (AMIA) conducts an awarding for the AMIA villages during its 1st AMIA-10 Congress on July 11-12, at the Northern Mindanao Agricultural Crops and Livestock Research Complex, in Dalwangan, here

With this year’s theme, “Klima atimana para sa malahutayong pag-uma ug ekonomiya,” the event gathered farmer-beneficiaries, local government units, and other stakeholders to share the success and innovations of the 11 AMIA villages in the region.

Climate Resilient Agriculture Office National Director Alicia G. Ilaga noted that apart from building climate-resilient communities, the AMIA program also seeks to eradicate poverty.

“Mithiin nating mai-level up ang ating mga AMIA village mula sa pagiging maliliit na production units, papunta sa market-oriented climate-resilient enterprises o yung tinatawag nating AMIA Climate-Resilient Agri-Fishery Technology-based Enterprises (AMIA CREATE),” the CRAO director added.

As such, AMIA-10 held a Booth Display contest with the criteria: number of products displayed (30 percent), quality of products displayed (25 percent), landscape and display (25 percent), and question and answer (20 percent).

Of which, Libona AMIA village of Bukidnon emerged as the first placer, followed by Manolo Fortich of Bukidnon and Magsaysay AMIA Village of Misamis Oriental, as second and third placers, respectively.

Meanwhile, select AMIA villages in its Phase 3 level of implementation also presented their best practices and adjudged with the criteria: productivity and income (30 percent), technologies and practices employed (25 percent), readiness to entrepreneurship (20 percent), ability to present (15 percent) and question and answer (10 percent).

Manolo Fortich AMIA village topped for the AMIA village Presenter Award, while Magsaysay, Libona, and Baungon AMIA villages followed as the second, third, and fourth placers, respectively. (AMBM)

Ceremonial turn-over sa corn production support livelihood project gikan NEDA, gipahigayon

Posted on by Diego M. Hidalgo

Niadtong Mayo 22, 2024, ang Corn Production Livelihood Project nga nagkantidad og PhP 500,000.00 pormal nga giturn-over sa Silae Corn Growers Association (CGA)

Ang proyekto nga gitunol gikan sa National Economic Development Authority (NEDA-10).

Ang dakbayan sa Malaybalay giila sa NEDA-10 nga isa sa mga Local Government Unit (LGU) nga maka-avail sa ER 1-94 Funds aron suportahan ang mga livelihood projects nga makatabang sa pagsulbad sa taas nga poverty rate sa nasud.

Sumala sa social media post sa LGU Malaybalay, sa 46 ka barangay sa dakbayan, ang Barangay Silae ang prayoridad tungod kay isa kini sa mga barangay nga adunay taas nga poverty incidence.

Ang mga nakadawat miyembro usab sa asosasyon sa sub-cluster sa CGA.

Sa ngalan ni City Mayor Atty. Jay Warren R. Pabillaran, si Mr. Anthony James Mondia, executive assistant II, mipadayag nga kini nga proyekto makatabang dili lamang sa pagpataas sa kita sa mag-uuma, kon dili sa pagpasiugda usab sa pagpataas sa ilang abot nga mao ang nag-unang tumong sa programa.

Samtang si Konsehal Alan Ryan O. Legaspi, chairperson sa committee on agriculture, nipahinumdoman sa mga nakadawat nga ampingan ang ilang nadawat nga panginabuhian. (Diego M. Hidalgo)

6 barangay sa Valencia nakadawat og SGLGB award

Posted on by Diego M. Hidalgo

Unom ka barangay sa dakbayan sa Valencia ang napasidunggan sa Seal of Good Local Governance for Barangay (SGLGB) Award alang sa tuig 2023

Sumala sa social media post sa LGU Valencia, ang seremonya gipahigayon sa Gymnasium sa Brgy. Lumbo kaniadtong Mayo 22, 2024.

Ang mga awardee sa SGLGB mao ang Barangay Barobo, Batangan, Catumbalon, Mailag, Laligan, ug San Isidro.

Gitunol ang maong mga pasidungog sa presensiya nila CLGOO Jan Eric Manasan, City Mayor Azucena Huervas, mga membro sa Sangguniang Panlungsod sa pagpanguna ni Vice Mayor Atty. Ted Pepito ug Liga ng mga Barangay President Louie John Naiz.

Sa maong seremonya, giila usab ang ubang barangay mahitungod sa ilang partisipasyon ug pagsuporta sa SGLGB.

Ang SGLGB isa ka progresibong sistema sa pag-ebalwar sa perpormans ug pagdasig nga mapalambo ang pagserbisyo sa mga kabarangayan sa siyudad. (Diego M. Hidalgo)