Friday, June 14, 2024

711 TUPAD beneficiaries sa 3 munisipyo gihatagan og sweldo

Mikabat sa 711 ka mga benepisaryo sa Tulong Panghanapbuhay sa Ating Disadvantaged (TUPAD) program gikan sa tulo ka munisipyo sa habagatang bahin sa Bukidnon ang nakadawat na sa ilang suweldo

Gikumpirma kini sa Department of Labor and Employment (DOLE-X) Bukidnon Provincial Field Office (BukPFO) pinaagi sa ilang social media post.

Ang Tupad payout gipahigayon kaniadtong May 23, 2024 sa Damulog, Kitaotao ug Don Carlos, Bukidnon.

Ang kalihokan gipangunahan ni Raul L. Valmores, provincial director sa DOLE Bukidnon.

Kauban niya ang Tupad Focal nga si Reyna Tagailo ug TUPAD Coordinators.

Ang DOLE-X BukPFO nagpagawas og ₱1,014,360.00 nga kantidad sa suweldo sa mga benepisyaryo matag munisipyo.

Ang matag benepisyaryo nakadawat og ₱4,280.00 isip suweldo sa ilang 10 ka adlaw nga trabaho.

Nitambong sa kalihokan sila third district provincial board members Minerva C. Casinabe ug Joseph Palmada, Damulog Mayor Melino Buro, Kitaotao Mayor Edwin Abucayan, Kitaotao Vice Mayor Mary Ann Gawilan Angit, Don Carlos Mayor Ma. Victoria O. Pizzaro, ug si Audrey Tan-Zubiri, asawa ni Senator Migz Zubiri.

Ang TUPAD isa ka community-based package of assistance nga naghatag og emerhensya nga trabaho para sa mga bakwit, kulang sa trabaho ug seasonal nga mga trabahante. (Omar Rashid Z. Abdullah)

Ceremonial turn-over sa corn production support livelihood project gikan NEDA, gipahigayon

Niadtong Mayo 22, 2024, ang Corn Production Livelihood Project nga nagkantidad og PhP 500,000.00 pormal nga giturn-over sa Silae Corn Growers Association (CGA)

Ang proyekto nga gitunol gikan sa National Economic Development Authority (NEDA-10).

Ang dakbayan sa Malaybalay giila sa NEDA-10 nga isa sa mga Local Government Unit (LGU) nga maka-avail sa ER 1-94 Funds aron suportahan ang mga livelihood projects nga makatabang sa pagsulbad sa taas nga poverty rate sa nasud.

Sumala sa social media post sa LGU Malaybalay, sa 46 ka barangay sa dakbayan, ang Barangay Silae ang prayoridad tungod kay isa kini sa mga barangay nga adunay taas nga poverty incidence.

Ang mga nakadawat miyembro usab sa asosasyon sa sub-cluster sa CGA.

Sa ngalan ni City Mayor Atty. Jay Warren R. Pabillaran, si Mr. Anthony James Mondia, executive assistant II, mipadayag nga kini nga proyekto makatabang dili lamang sa pagpataas sa kita sa mag-uuma, kon dili sa pagpasiugda usab sa pagpataas sa ilang abot nga mao ang nag-unang tumong sa programa.

Samtang si Konsehal Alan Ryan O. Legaspi, chairperson sa committee on agriculture, nipahinumdoman sa mga nakadawat nga ampingan ang ilang nadawat nga panginabuhian. (Diego M. Hidalgo)

Negosyante, investor sa Bukidnon, gidasig magkuha sa certificate of registration

Gidasig ang mga negosyante ug investors sa Bukidnon, nga magkuha sa Certificate of Registration sa ilang mga negosyo sa Provincial Government of Bukidnon (PGB)

Tumong aron makapahimulos sila sa fiscal ug non-fiscal incentives pinaagi sa PGO-Local Economic Development and Investment Promotions Office (LEDIPO) subay sa Bukidnon Investment Code of 2021.

Sumala sa pahibalo sa PGB, lakip sa listahan nga anaa sa Investment Priority Areas sama sa agri-business, forestry-based industries, service-related industries, tourism related establishments, support services, ug waste management and waste disposal projects.

Kini alang niadtong mga proyekto, sama sa new projects, expansion projects, modernization projects, ug diversification projects, diin adunay gitakda nga filing fee nga nagkantidad sa nagkadaiyang klasipikasyon : large enterprises – ₱50,000; medium – ₱20,000; small- ₱5,000, ug micro – ₱1,000.

Alang sa dugang detalye ang mga hingtundan mamahimong magbisita sa opisina sa PGO-LEDIPO nga nahimutang sa National and Provincial Building, Capitol Compound, syudad sa Malaybalay, o mag message sa Ledipo Bukidnon Facebook page. (Diego M. Hidalgo)

Pagplastar sa Cultural Monuments sa Kaamulan Park, gisugdan na

Gisugdan na sa Provincial Government sa Bukidnon ang pagmontar sa Cultural Monuments sulod sa Kaamulan Park niadtong Miyerkules

Sumala sa kasayoran sa PGB, ang kalihokan gipangunahan sa Provincial Engineer’s Office.

Gipahigayon ang Panandig Ritual sa Intersection Road sa Brgy. 6 sa Malaybalay City, diin itindog ang monuments.

Ang mga monumento gi-disenyo ni Kublai Millan, isa ka artist sa Lawig-Diwa, kinsa nagsiguro nga safety kini sa kalamidad sama sa linog.

Iplastar sa dapit ang tulo ka major designs nga mao ang shield ug spear, eagle, eagle’s nest.

Ipahimutyang sab sa dapit ang uban pang desinyo nga magrepresenta sa pito ka tribu sa Bukidnon. (Omar Rashid Z. Abdullah)

6 barangay sa Valencia nakadawat og SGLGB award

Unom ka barangay sa dakbayan sa Valencia ang napasidunggan sa Seal of Good Local Governance for Barangay (SGLGB) Award alang sa tuig 2023

Sumala sa social media post sa LGU Valencia, ang seremonya gipahigayon sa Gymnasium sa Brgy. Lumbo kaniadtong Mayo 22, 2024.

Ang mga awardee sa SGLGB mao ang Barangay Barobo, Batangan, Catumbalon, Mailag, Laligan, ug San Isidro.

Gitunol ang maong mga pasidungog sa presensiya nila CLGOO Jan Eric Manasan, City Mayor Azucena Huervas, mga membro sa Sangguniang Panlungsod sa pagpanguna ni Vice Mayor Atty. Ted Pepito ug Liga ng mga Barangay President Louie John Naiz.

Sa maong seremonya, giila usab ang ubang barangay mahitungod sa ilang partisipasyon ug pagsuporta sa SGLGB.

Ang SGLGB isa ka progresibong sistema sa pag-ebalwar sa perpormans ug pagdasig nga mapalambo ang pagserbisyo sa mga kabarangayan sa siyudad. (Diego M. Hidalgo)

Fire Insp. Salga gipasidunggan

Gitunol ang pasidungog ngadto kang Fire Inspector Mary Ranilie Ladrillo Salga

Nahigayon ang pagtunol niadtong Mayo 21, 2024 didto sa Sangguniang Panlunsod (SP) Session Hall sa Old City Hall building sa Malaybalay City atol sa 92nd regular session sa SP.

Kaniadtong Abril 16 atol sa 87th regular session sa SP, giduso ni Konsehal Zoltan Dindo D. Dinlayan nga hatagan og Recognition si Salga isip Top six nga nag-graduate sa Philippine National Police Academy (PNPA) LAYAG-DIWA Class of 2024.

Si Fire Inspector Salga gikan sa Barangay 10 sa Malaybalay City.

Siya kinamagulangang anak sa kanhing empleyado sa City Government of Malaybalay nga si late Ramon Salga ug Nelly L. Salga.

Produkto siya sa Malaybalay City Central School (MCCS), Bukidnon National High School (BNHS) ug Cagayan de Oro College (COC) sa wala pa siya nisulod sa PNPA. (Diego M. Hidalgo)

DOLE-Bukidnon updates over 300 entrepreneurs on labor laws

MALAYBALAY CITY (May 27, 2024/PIA) – To stay informed about the most recent labor laws, more than 300 small business owners in Malaybalay City participated in the Department of Labor and Employment (DOLE)-Bukidnon’s TAV (Technical and Advisory Visit) program on May 17

The labor department conducted a series of TAVs to assist small business owners with self-evaluation and compliance with documentary requirements.

These sessions provided valuable insights and guidance, offering a platform for business owners to voice their concerns and engage in face-to-face discussions with DOLE representatives.

Key topics included statutory monetary benefits, types of leave, social welfare, and Occupational Safety and Health (OSH) programs.

Video presentations explained various aspects of labor laws, such as the General Labor Standards and the TAV Action Plan.

Ma. Elna Seguiro, a senior DOLE-Bukidnon labor officer, emphasized that the TAVs align with DOLE’s new developmental approach outlined in Department Order No. 238. This approach underscores the enforcement of labor standards mandated by the Philippine Labor Code and Republic Act No. 11058.

“The TAVs mark an impactful step towards engaging with a wider range of establishments, from small businesses to larger companies, fostering a culture of compliance, and promoting fair and ethical labor practices,” Seguiro said.

Niña Cosmod, a supervisor at Biaños Pizza Bukidnon, expressed her gratitude for the initiative.

“We thanked DOLE for conducting this TAV orientation. It allowed us to review what is lacking in our establishment that we must comply with and follow,” she said.

Through these initiatives, DOLE-Bukidnon prioritizes workers’ safety and fair treatment by supporting local industries and ensuring their adherence to labor laws, benefiting both workers and businesses.

“The TAVs go beyond educating business owners. It encourages implementing best practices that create a win-win situation for employees and employers, ultimately enhancing Malaybalay’s overall labor landscape,” Seguiro explained. (BGEpan/PIA 10-Bukidnon)

3,097 Bukidnon farmers receive fuel subsidy

VALENCIA CITY, Bukidnon – Some 3,097 farmers from Valencia City and the towns of San Fernando, Dangcagan, Damulog, Don Carlos and Kadingilan of Bukidnon province received fuel assistance amounting to P9.291-million from the Department of Agriculture – Regional Field Office 10 (DA-RFO 10) helmed by Regional Executive Director Jose Apollo Y. Pacamalan, on May 20, 2024

The assistance, provided by the agency’s Regional Agricultural Engineering Division (RAED), aims to help farmers who are mechanizing their farm operations with various agricultural machinery in order to strengthen farmers’ resilience and reduce the impact of oil price increases on farmers’ production costs.

Furthermore, the project is in line with the DA chief’s three-year strategy to mechanize and modernize agriculture and fishery production systems in order to boost agricultural productivity, cut food costs, assure food security, and make farming and fishing a more bankable investment option.

The fuel discount cards were distributed to 1,230 farmers in Valencia City, 503 in San Fernando, 742 in Dangcagan, 110 in Damulog, 106 in Don Carlos, and 406 in Kadingilan.

Each farmer-beneficiary will receive P3K, provided they are duly enrolled in the Registry System for Basic Sectors in Agriculture (RSBSA).

He/she or the Farmers’ Cooperative Association (FCA) to which he/she belongs must own operable farm machinery as listed in the Agriculture and Biosystems Engineering Management Information System (ABEMIS).

One of the Valencia City recipients, Anna S. Neri, thanked the department for making the effort to offer farmers fuel subsidies, which serve to reduce the cost of gasoline or fuel.

Furthermore, the distribution is accomplished in collaboration with Universal Storefront Services, Corp. (MPMT)

One Bukidnon overall champion sa NMRAA 2024

Nahimong overall champion sa gipahigayon nga 2024 Palarong Pampook Northern Mindanao Regional Athletic Association (NMRAA) ang One Bukidnon

Sumala sa kasayoran sa kagamhanag probinsyal sa Bukidnon ang NMRAA gidula niadtong Mayo 9-17, 2024 didto sa munisipyo sa Mambajao, Camiguin Island.

Ang One Bukidnon overall champion sa secondary ug elementary level batok sa contingents gikan sa Cagayan De Oro, Misamis Oriental, Iligan, Lanao Del Norte, Misamis Occidental ug Camiguin.

Sa maong kalihukan mihatag og suporta ang Provincial Government of Bukidnon (PGB), ug nagpadangat kini sa dakong pasalamat sa tanang batan-ong atleta nga midula, dala ang pangalan sa probinsya.

Ang One Bukidnon girepresentahan sa DepEd-Province of Bukidnon, DepEd-Malaybalay City ug DepEd-Valencia City. (Diego M. Hidalgo)

2 centenarians sa Malaybalay nakadawat og incentives

Duha ka centenarian ang nakadawat og tag P100,000.00 nga cash incentives gikan sa City Government sa Malaybalay niadtong Mayo 17, 2024

Sumala sa kasayoran sa LGU Malaybalay, ang duha mao sila Mrs. Yaga Sarino Molhay ug Mrs. Porfita Sario Libanda nga parehong residente sa Brgy. Manalog.

Si Molhay natawo niadtong Mayo 20, 1920, samtang si Libanda natawo niadtong Nobyembre 4, 1921.

Giila sila pinasubay sa Republic Act 10868, the Centenarian Act of 2016, nga nag-ila sa mga Pilipino nga moabot og 100 anyos.

Si City Mayor Jay Warren R. Pabillaran, inubanan sa Barangay Manalog Council sa pagpangulo ni Barangay Chairman Roney Lagunday, 9th Sanguniang Panglungsod, Office of the Senior Citizens Affairs (OSCA) ug City Social Welfare and Development Office (CSWDO) personnel, ang nitunol sa tseke mismo sa panimalay sa mga benepisaryo sa Brgy. Manalog.

Subay sa City Ordinance No. 988, series of 2021, ang Syudad sa Malaybalay mihatag sa matag centenarian og isa ka higayon nga insentibo nga P100,000.00, uban ang cake ug bouquet sa mga bulak.

Sila ang ikaduha ug ikatulo nga centenarian nga nakadawat sa maong mga insentibo gikan sa City Government sukad naaprobahan ang lokal nga ordinansa. (melbmadera)