Wednesday, December 18, 2024

Tag: PDRRMD

Mga mag-uuma sa sloping area gitudloan sa sustainable land management

Posted on by Omar Rashid Z. Abdullah

Gitudloan sa Provincial Agriculture Office ang mga mag-uuma sa Bukidnon kansang umahan nahimutang sa slope areas o bakilid nga bahin, pinaagi sa Sustainable Land Management (SLM) Training

Sumala sa kasayoran sa PGB, sa maong pagbansay, ang mga mag-uuma gitudloan sa malungtarong pagdumala sa yuta.

Ang training naglangkub sa agriculture and type of food production, integrated pest management, hinungdan og epekto sa soil pollution, soil erosion ug soil conservation and management.

Tinguha niini aron masuportahan ang pagtubo sa ekonomiya, kaayohan sa katilingban, ug pagpadayon sa kalikopan.

Ang kalihukan gitimbayayongan sa PGO- Provincial Disaster Risk Reduction and Management Division (PDRRMD) alang sa mosunod nga mga dapit.

Ang sa Lantapan gipahigayon niadtong Mayo 7-8, Maramag niadtong Mayo 9-10, Quezon- Mayo sa 14-15, Impasugong sa Mayo 16-17, Sumilao niadtong Mayo 21-23, Manolo Fortich- Mayo sa 23-24, San Fernando sa 28-29, Valencia City sa Mayo 30-31, Kalilangan karong Hunyo 4-5 ug Kadingilan sa Hunyo 6-7, 2024. (Omar Rashid Z. Abdullah)

6 LGUs misumite og SB resolutions sa pagdeklarar sa State of Calamity

Posted on by Diego M. Hidalgo

Nakasumite ngadto sa PGO-PDRRMD ang unom ka mga LGUs sa Bukidnon sa ilang SB Resolutions nga nagdeklara sa ilang area of responsibility ubos sa state of calamity, gumikan sa nasinati nga taas nga panahon sa ting-init o dry spell

Sumala sa social media page sa provincial government sa Bukidnon, ang unom ka mga munisipyo mao ang Kibawe, Kitaotao, Quezon, Cabanglasan, Pangantucan, ug Impasugong.

Nakasumite usab sa ilang report sa kadaot sa hulaw ang Kadingilan, Damulog ug Valencia City apan wala magdeklara sa state of calamity.

Sa punto sa Valencia, ang City Disaster Risk Reduction Managemernt Council (CDRRMC) nagpalabang og resolution nga nagrekominda sa konseho sa maong dakbayan alang sa deklarasyon sa State of Calamity.

Nasayran ang kasayoran sa report ni Mr. Israel Johan M. Damasco, Jr., head sa PGO-PDRRMD atol sa radio program sa PGB – “ang Kalihukan sa Probinsya” kaniadtong Mayo 17, 2024.

Iyang gibatbat ang Revised Guidelines alang sa Declaration of a State of Calamity sa NDRRMC.

Pipila nini mao nga at least 15 percent sa forecasted affected population basi sa science-based projection nga nanginahanglan sa dinalian nga tabang; at least 30 percent sa nag-unang panginabuhian sa sektor sa agrikultura, negosyo ug industriya ang naapektuhan; lapad nga kadaut sa mga fishpond, pananom, manok ug kahayupan, ug uban pang suplay sa agrikultura; ug uban pa. (Diego M. Hidalgo)

PGB gives aid to 3 provinces hit by disasters

Posted on by Melchor Madera

MALAYBALAY CITY, Bukidnon (Feb. 12, 2024) – The Provincial Government of Bukidnon (PGB) has recently sent humanitarian supplies to its three neighboring provinces that have been affected by floods and landslides

The provinces of Davao del Norte, Davao de Oro, and Agusan del Sur each got P1 million in welfare goods from the PGB.

 

PGB distributed the relief aid through the Provincial Disaster Risk Reduction and Management Division (PDRRMD), which is led by Israel Johan M. Damasco, Jr.

 

Ellen Salumintao, PGB’s social welfare and development officer, said earlier that instead of delivering ₱1-M cash to the three provinces, the receiving LGUs had requested that welfare commodities be supplied to them for direct distribution to the neediest people.

 

Each beneficiary LGU received 500 bags of 25 kilos of rice and canned products worth P1 million.

 

The PGB sent relief materials to the mentioned LGUs that were declared under a state of calamities as a result of the shear line and low pressure, which caused landslides and flash flooding. (melbmadera)

4th Fire Rescue Olympics gipahigayon sa Bukidnon

Posted on by Omar Rashid Z. Abdullah

Malampuson nga napahigayon sa probinsya sa Bukidnon ang 4th Fire Rescue Olympic niadtong Hulyo 17, 2023

Gipasiugdahan kini sa PGO-Provincial Disaster Risk Reduction and Management Division (PDRRMD), alayon sa gisaulog nga National Disaster Resilience Month, niadtong Hulyo 18, 2023 sa Kaamulan Park (Capitol Grounds), Malaybalay City, Bukidnon.

Adunay 19 ka mga local government units (LGU) sa probinsya sa Bukidnon ang misalmot sa maong kalihokan.

Kini gilangkuban sa Malaybalay City, Valencia City, Lantapan, Cabanglasan, San Fernando, Impasugong, Manolo Fortich, Sumilao, Talakag, Malitbog, Libona, Maramag, Kadingilan, Pangantucan, Damulog, Dangcagan, Kibawe, Quezon, ug Kitaotao. (Omar Rashid Z. Abdullah)