Adunay 29 ka mga miyembro sa people’s organization (PO) sa dakbayan sa Valencia ang malampusong migradwar sa Service Electrical System Leading to MSES NC II niadtong Agosto 9, 2023 sa Valencia City High School Covered Court, Barangay San Isidro
Ang paglampos sa mga migradwar hatud sa LGU-Valencia, 48 Infantry Batallion, ug Technical Education and Skills Development Authority (TESDA).
Nahimong Guest Speaker si Major Noel Jumalon, ang Executive Officer sa 48IB, 7ID, PA diin iyang gipaabot ang panimbaya sa mga migradwar sa maong programa nga nagatumong sa paghatag og opurtunidad sa mga mibalik sa sabakan sa gobyerno nga mabansay ug puhon makakita og trabaho.
Miduyog usab sa maong kalihokan si Mr. Raymundo Pacana, ang Center Administrator sa PTC-Bukidnon, ug ang CPOC Consultant ug Executive Assistant IV sa LGU-Valencia nga si Retired BGen Glenn G. Macasero. (LGU Valencia)