Friday, March 29, 2024

Php41k kantidad sa shabu, nasakmit sa Don Carlos

Mukabat sa Php41,300.00. nga kantidad sa gidudahang shabu ang nasakmit sa mga kapolisan sa gipahigayon nga drug buy-bust operation niadtong Abril 28, 2023 sa P-6a, Poblacion Sur, Don Carlos, Bukidnon

Ang suspek naila nga si Marjun Ayunar Y Igcalinos alyas “Papo Ayunar”, watch listed, 31, adunay kapuyo, painter, ug residente sa maong dapit.

Si Police Maj. Patrick D. Castro, OIC sa Don Carlos Municipal Police Station, nisulti sa iyang report nga nasakmit gikan sa suspek ang 3 pakete sa gidudahang shabu.

Ang droga gibana-bana nga mutimbang og 6.0735 gramos.

Ang suspek gidala sa Don Carlos MPS alang sa hustong disposasyon.

Kasong paglapas sa R.A.9165 ang giandam na batok sa suspek. (Omar Rashid Z. Abdullah)