Sunday, December 22, 2024

Tag: Provincial Engineering Office

Deep Well project sa PDRC gisugdan na

Posted on by Omar Rashid Z. Abdullah

Gisugdan na ang pagtrabaho sa Deep Well project sa Provincial Government sa Bukidnon alang sa Provincial Detention and Rehabilitation Center (PDRC) sa Sitio Natid-asan, Brgy. Casisang, Malaybalay City, Bukidnon

Sumala sa kasayoran sa provincial government sa Bukidnon, nahigayon kini kaniadtong Pebrero 21, 2024 human sa groundbreaking ceremony.

 

Apan sa wala pa ang seremonya sagroundbreaking, unang gipahigayon ang isa ka pamuhat agig pananghid sa espiritu sa yuta nga si Talabugta.

 

Ang proyekto nga adunay 90 metros nga kalawomon trabahoon sa Provincial Engineering Office Waterworks Division sulod sa 180 calendar days.

 

Ang pondo sa proyekto gikan sa PGO-Provincial Disaster Risk Reduction and Management Division nga mibalor og ₱3,160,000.

 

Ang proyekto tubag sa PGB sa gipasabot ni acting Provincial Warden Nelson A. Balaba niadtong Disyembre kabahin sa kakulangon sa supply sa tubig sa PDRC. (Omar Rashid Z. Abdullah)

WCCC, BVRC buildings gisugdan na sa pagtukod

Posted on by Diego M. Hidalgo

Gisugdan sa pagtukod sa Provincial Government of Bukidnon (PGB) ang Women and Children Crisis Center (WCCC) ug Bukidnon Vocational Resource Center (BVRC)

Gpatuman ang proyekto sa pinaagi sa Provincial Engineering Office (PEO).

Sumala sa kasayoran, ang duha ka mga gambalay ipabarug diha sa Grandstand, Sumpong, Malaybalay City, Bukidnon.

Ang Women and Children Crisis Center gitagan-an sa probinsya og pondo nga sobra ₱12.8-M.

Samtang sobra ₱7.3-M usab ang sa Bukidnon Vocational Resource Center.

Kini base sa naaprubahan nga contract of agreement tali DevDrex Construction Services ug Mamawag Construction.

Mahinumduman nga una nang gipondohan sa PGB ang 392.48 meters nga katas-on sa perimeter fence sa maong dapit, nga naka-kontrata sa Shabe Enterprises, sa contract cost ₱4,090,904.33. (Diego M. Hidalgo)

P9.9-M View Deck, Board Walk gipabarug  

Posted on by Diego M. Hidalgo

Gisugdan na ang pagpabarog sa View Deck ug Board Walk project sa Kaamulan complex. Sumala sa kasayoran, ang proyekto nga nagsugod na niadtong Enero 12, 2024, iya sa Provincial Government of Bukidnon (PGB).

Mikabat sa ₱9,979,458.28 ang pondo sa proyekto nga nagsumikad sa 20 percent Development Fund sa PGB.

Kini ipahimutang sa likod sa Capitol Main Building sa Capitol Compound, Malaybalay City, Bukidnon.

Ang proyekto ipatuman pinaagi sa pagdumala sa Provincial Engineering Office (PEO).

Ang SPEC Construction Services and Supplies ang nakontrata sa sa proyekto. (Diego M. Hidalgo)

Road network development plan sa Bukidnon, gihisgutan

Posted on by cmn

Gihisgutan ang road network development plan para sa Probinsya sa Bukidnon pinaagi sa Provincial Engineering Office (PEO), nga gitambongan sa mga personahi sa DPWH Region X, DPWH Bukidnon Engineering District Offices, Cities ug Municipalities Engineering Office, Abril 13, 2023, PPDO Conference room, Provincial Capitol, Malaybalay City, Bukidnon

Gipresentar ug gikonsolida ang mga natukod ug gisugyot nga ipatukod na mga dalan sa tibuok probinsya, aron mahibaloan kung diin ang national road ug provincial road. Giingganyo usab ni Governor Rogelio Neil P. Roque ang mga personahi nga ang budget provincial road nga naigo sa national road, ibutang nalang sa uban pang kadalanan nga kinahanglan pang madevelop. (LGU Bukidnon)